GÉNESIS 15:7 - Dios Rimashca Shimicunami

⁷ Mandaj Diosca: –Ñucaca caldeocuna causacun Ur pueblomanta canta llujshichimuj Mandaj Diosmi cani. Cai llajtata canman cungapajmi llujshichimurcani– nircami.

GÉNESIS 15:7 Iomraidhean Croise

GÉNESIS 12:1

Mandaj Diosca, Abramtaca: “Can maipi causana llajtataca ñucami ricuchisha. Cunanca can causacun llajtatapish, cambaj huasi ucupuracunatapish, cambaj yayapaj huasi ucupuracunatapish saquishpa rilla.

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 28:4

Abrahamta alli cashca cachun nishcallatataj canmanpish, cambaj huahua huahuacunamanpish cuchun. Taita Dios Abrahamman cushca cunan ñucanchij causacun llajtataca chashnami quiquin allpataj tucungacama doñoyashpa catingacuna” nircami.

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

SALMOS 105:11

nishpaca: “Canaán llajtataca canmanmi cusha. Cancunapaj allpa cachunmi cusha” nircami.

SALMOS 105:42

Paipajta ruraj Abrahamman, paipaj jucha illaj shimihuan cushani nishcatami yuyarirca.

SALMOS 105:44

Paicunamanca shujtaj llajtacunapaj allpacunatami curca. Shujtaj gentecuna tarpushcacunatami japircacuna.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

NÚMEROS 33:53

Chai llajtapi causajcunata anchuchishpa chaipica cancuna causanguichij. Chai llajta cancuna quiquinpaj cachun ñucami cancunaman curcani.

Romanos 4:13

Abrahamman, paipaj huahua huahuacunamanca cai pachata japij cachunmi, Diosca cusha nirca. Chaitaca Mandashcapi nishcata pajtachijpimi cusha mana nircachu. Ashtahuanpish crijpi justificashcamantami chashna nirca.

DEUTERONOMIO 3:18

Chaipimi cancunataca cashna nircani: Mandaj Dios, cancunapaj Taita Diosmi chai llajtataca cancunapaj cachun curca. Chaimanta c'ari c'ari runacunaca macanacunalla, cancunapaj huauqui israelcunata ñaupashpa ringuichij.

DEUTERONOMIO 9:5

Cancuna cashcata ruraj cashcamanta, ima pandata mana yuyajcuna cashcamantaca chaicunapaj llajtataca cancunapaj cachun japinamanca mana yaicunguichijchu. Ashtahuanpish Mandaj Diosca chai llajtapi causajcunataca Diosta mana rijsij millaicuna cajpimi cancunapaj ñaupajmanta llujshichinga. Mandaj Diosca cancunapaj ñaupa yaya Abrahamman, Isaacman, Jacobman chashna rurashami nishcata pajtachingapajmi chashna ruranga.