GÉNESIS 15:5 - Dios Rimashca Shimicunami

⁵ Mandaj Diosca, Abramtaca canllaman llujshichishpami: –Jahua pachata ricui. Yupai tucushpaca, chai luzerocunata yupai– nirca. Mandaj Diosca: –Cambaj huahua huahuacunaca chashnamari canga– nircami.

GÉNESIS 15:5 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 16:10

Mandaj Diospaj angelca cashnapishmi nirca: “Cambaj huahua huahuacunataca achcatami mirachisha. Achca cashcamanta pipish mana yupai tucungachu.

GÉNESIS 17:2

Canhuanca shuj ruranatami rurasha. Canmantaca achcatami mirachisha. Yallitajmi mirachisha– nirca.

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 26:4

Cambaj huahua huahuacunataca jahua pacha luzerocunata shina yallitaj achcata mirachishpami, tucui chai llajtacunataca cambaj huahua huahuacunaman cusha. Cambaj huahua huahuacunamantami tucui llajtacuna alli nishca canga.

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

GÉNESIS 32:13

Chai tutaca Jacobca chaillapitajmi dormirca. Pai charishca animalcunamantaca ashtahuan allicunallatami paipaj huauqui Esauman convidangapaj agllarca.

1 REYES 3:8

Cambajta rurajca can agllashcacunapaj chaupipimi. Paicunaca yallitaj achcacunami. Yallitaj achca cashcamanta pi mana yupai tucuipajmi.

1 CRÓNICAS 27:23

Mandaj Diosca israelcunataca, jahua pachapi tiyaj luzerocunata shina mirachisha nishcamantami Davidca, ishqui chunga huatayujcunataca mana yupachirca.

NEHEMÍAS 9:23

Israelcunataca jahua pacha luzerocunata shinami mirachishcangui. Paicuna mirarijpica paicunapaj ñaupa yayacunaman quiquin cusha nishca llajtapi causachunmi, chai llajtaman pushashcangui.

JOB 35:5

Jahua pachata huichilla ricuyari. Chaipi tiyacuj p'uyucunaca, cantapish yalli jahuamanmari tiyacun.

SALMOS 147:4

Luzerocuna mashna cashcatapish paimi yupashcata charin. Tucui chaicunataca paicunapaj shutipimi cayan.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

ISAÍAS 51:2

Cancunapaj yaya Abrahamta yuyarichigari. Cancunata huachaj Sarata yuyarichigari. Manaraj shuj huahuallatapish charijpi cayashpami, alli nishpa paimantaca achca huahua huahuacunata mirachircani.

JEREMÍAS 33:22

Jahua pachapi tiyaj luzerocunatapish, mama cucha uripi tiyaj t'iyu allpatapish pi mana yupaipajchu. Ñucata servij Davidpaj huahua huahuacunatapish, ñucallatataj servij levitacunapaj huahua huahuacunatapish chashnallataj pi mana yupai tucuipajtami mirachisha” ninmi.

Romanos 4:18

Taita Diosca Abrahammanca cushami nijpica mana pajtaipaj, mana cripaj cajpipish Abrahamca crircallami. Chaita pai crishcamantami achca mama llajtacunapaj yaya tucurca. Chaipimi: “Cambaj huahua huahuacunaca, achcacunami tucunga” nishca shinaca pajtarca.

DEUTERONOMIO 1:10

Mandaj Dios cancunapaj Taita Diosmi cancunataca yallitaj mirachishca. Chaimantami cunan cancunaca jahua pachapi tiyaj luzerocuna shina yallitaj achcacuna canguichij.

DEUTERONOMIO 10:22

Cancunapaj ñaupa yayacunaca, Egiptomanca canchis chungacunallami yaicurcacuna. Ashtahuanpish cunanca Mandaj Diosca cancunataca jahua pachapi caj luzerocunata shina achcatami mirachishca.

Hebreos 11:12

Chashnami Abrahammantaca yuyaj ña huañunalla cashca cajpipish, jahua pachapi tiyaj achca lucerocuna shinapish, mama cucha c'uchupi tiyaj t'iyu allpa shinapish mana yupaipaj achcata mirarirca.

JOSUÉ 24:3

Cancunapaj yaya Abrahamtaca, chai jatun yacu ch'imbanijmanta cai Canaanmanca ñucami pushamurcani. Tucui cai llajtapimi, caipi chaipi causarca. Ñucaca achca huahuacunayuj tucuchunmi paimanca Isaac churita curcani.