GÉNESIS 15:2 - Dios Rimashca Shimicunami

² Shina nijpi Abramca: –Mandaj Jatun Dioslla ñucaman huahuata mana cushca jahuaca ¿imapajtaj imata cugringui? Ñuca imalla charishcacunataca damasceno Eliezer ñuca huasita ricuj mayordomollami japinga– nirca.

GÉNESIS 15:2 Iomraidhean Croise

GÉNESIS 14:15

Chaipica Abrampish paipajta rurajcunapish paicunataca tuta paicuna imata mana yuyashcapi ñapish japishpami, Damasco pueblo jananij Hoba pueblocama llaquinayajta callpachircacuna.

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 15:3

Abramca cashnapishmi nirca: –Quiquin, ñucaman mana huahuata cushcamantaca ñuca imalla charishcacunataca, ñuca huasipi huacharishca ñucapajta rurajllamari japinga– nircami.

GÉNESIS 24:10

Chai q'uipaca paipajta ruraj runaca paipaj amo Abraham charishcacunataca tucuimanta yalli alli camaricunata agllashpa, amopaj chunga camellocunata japishpa chaicunaman apachishpa ñanpi yaicushpaca, Mesopotamiapi caj Nacor causacun pueblomanmi chayarca.

GÉNESIS 24:2

Abrahamca, paipajta rurajcunamanta ashtahuan yalli yuyaj paipajta rurajcunatapish mandaj, tucui pai imalla charishcacunatapish cuidaj runata cayashpami: –Cunanca cambaj maquita ñuca changapi churashpa,

GÉNESIS 25:21

Isaacca paipaj huarmi Rebeca mana huachaj cajpimi, Mandaj Diosta mañarca. Pai mañashcata Mandaj Dios uyajpimi, Rebecaca chichurca.

GÉNESIS 39:9

Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

GÉNESIS 43:19

Paicunaca Josepaj huasi punguman chayashpami, Josepaj mayordomohuan parlangapaj c'uchuyashpaca,

GÉNESIS 44:1

Chai q'uipami, Joseca paipaj mayordomotaca: –Cai runacunapaj costalcunapica, mashnata apashcata tucui costalcunapi trigota jundachi. Trigomanta pagashca cullquitapish tucuicunapaj costal shimipi churangui.

SALMOS 127:3

Huahuacunaca Mandaj Diosmanta herenciamari. Huijsamanta llujshishca huahuacunaca Dios cushca sumajmari.

PROVERBIOS 13:12

Shuyacushca utca pajtashcaca, causaita cuj yura shinami. Ashtahuanpish mana utca pajtajpica, shungu p'aquirishpami llaquirincuna.

PROVERBIOS 17:2

Alli yuyaiyuj servijca, amopaj mana cazuj churitapish mandangallami. Amoca pai imalla charishcatapish, paipaj caishuj churicunaman shinallatajmi chaupinga.

ISAÍAS 17:1

Damasco pueblo imalla tucuna cashcataca cashnami huillachishca: “Riqui, Damascoca ña mana pueblo cangachu. Rumi montonllami canga.

ISAÍAS 56:5

muyundij pircacunayuj pueblopi caj ñuca huasipimi causanata cusha. Churicunayuj ushushicunayuj cajcunapaj shutitapish yalli shutitami cusha. Chai shutica huiñaipaj pi mana cungarishcami canga.

JEREMÍAS 49:23

Damasco pueblopi causajcunamantaca, Mandaj Diosca cashnami huillarca: “Hamat, Arfad shuti pueblocunapi causajcunaca paicunata jatun llaqui japigrin nijtamari uyashcacuna. Chaita uyashpamari mancharishpa musparincuna. Yacuyashpa tucuricuj shinami mana samarincuna.

Hechos 7:5

Cai llajtapica paimanca chaqui saruillatapish allpataca mana curcachu. Ashtahuanpish chai punllacunapica Abrahamca huahua illajlla cajpipish Taita Diosca: “Can huañushca qu'ipa cambaj huahua huahuacunamanmi cai allpataca cusha” nircami.

RUT 2:6

cozichajcunata mandajca: –Chai huarmica moabitami. Paica Noemí Moabmanta tigramucujpimi paihuan shamushca.

1 SAMUEL 1:11

Ana huarmica: “Tucuita Mandaj Dios, cambajta ruraj ñuca llaquihuan cajta ricuhuayari. Cambajta ruraj ñucataca amataj cungarichu. Ashtahuanpish cambajta rurajmanca shuj c'ari huahuata cuhuai. Ñucaca paitaca paipaj tucui causaipi can Mandaj Diospaj cachunmi canman cusha. Paipaj ajchatapish manataj p'itichishcami canga” nishpami mañarca.