GÉNESIS 15:18 - Dios Rimashca Shimicunami

¹⁸ Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 15:18 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 13:15

Can maillata ricushca llajtacunataca canmanpish, cambaj huahua huahuacunamanpishmi huiñaipaj cusha.

GÉNESIS 2:14

Ishquipaj q'uipa jatun yacuca Hidekel shutimi, chai yacuca Asiria llajtatami inti llujshin ladoman ricun. Quimsapaj q'uipa jatun yacuca Éufrates shutimi.

GÉNESIS 24:7

Ñucataca jahua pacha Mandaj Taita Diosmi ñuca yayapaj huasimanta, ñuca familiacunapuramanta pushamushpa ñucamanca: “Cai llajtataca cambaj huahua huahuacunaman cushatajmi” nirca. Ñuca churipaj shuj huarmita chai llajtamanta pushamuchunpish pai Diosllatajmi paipaj angelta canta ñaupachishpa cachanga.

GÉNESIS 26:4

Cambaj huahua huahuacunataca jahua pacha luzerocunata shina yallitaj achcata mirachishpami, tucui chai llajtacunataca cambaj huahua huahuacunaman cusha. Cambaj huahua huahuacunamantami tucui llajtacuna alli nishca canga.

GÉNESIS 28:4

Abrahamta alli cashca cachun nishcallatataj canmanpish, cambaj huahua huahuacunamanpish cuchun. Taita Dios Abrahamman cushca cunan ñucanchij causacun llajtataca chashnami quiquin allpataj tucungacama doñoyashpa catingacuna” nircami.

GÉNESIS 35:12

Abrahamman, Isaacman cushca llajtataca canman, cambaj huahua huahuacunamanpishmi cusha” nircami.

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

2 SAMUEL 23:5

Ñuca huasi familiaca Dioshuanca manamari chashnachu. Chashna cajpipish Mandaj Diosca ñucapajca huiñaipajmari ari nirca. Ñuca quishpirinata ñuca yuyashca shinaca manaraj sisachinchu. Chashna cashpapish tucui imapish ima shinalla canataca chashnataj tucuchun huaquichishcami.

2 SAMUEL 8:3

Davidca Rehobpaj churi Soba llajtata jatun mandaj Hadad-ezertapish chashnallatajmi misharca. Chai mandajca Éufrates yacu chai llajtata cutinllataj paipaj cachun japinaman rishca cajpimi chashna misharca.

1 REYES 4:21

Salomonca Éufrates yacumantaca filisteocunapaj llajtacamami tucui chai llajtacunata mandarca. Chai lindeca Egiptohuan tupanacuncamami carca. Tucui chai llajtacunami Salomonpaj tucui causaipi imalla cuna cashcata cushpa, paipajta rurashpa causarcacuna.

1 REYES 5:1

Salomontaca paipaj yaya Davidpaj randi jatun mandaj cachun aceitehuan churashcata uyashpami, Tiro llajtata jatun mandaj Hiramca, paipajta rurajcunata paipajman cacharca. Hiramca Davidtaca tucui causaipimi c'uyarca.

1 CRÓNICAS 16:16

Abrahammanmari chashnatajmi rurasha nirca. Isaacmanpish rurashatajmi nishpami huillarca.

1 CRÓNICAS 5:9

Galaad llajtapi paicunapaj animalcuna ashtahuan mirarijpimi, inti llujshin ladomanca, Éufrates jatun yacu caininijpi tiyaj shitashca pambahuan tupanacuncama causagrircacuna.

2 CRÓNICAS 7:8

Salomonca yallitaj achca tandanacushca tucui israelcunahuanmi canchis punllata fiestata rurarca. Paicunaca Hamat puebloman yaicunmanta callarishpaca, Egiptopi caj jatun yacucama causajcunami tandanacurcacuna.

2 CRÓNICAS 8:7

Heteo, amorreo, ferezeo, jebuseo nishcacunapura saquirishcacunatami chashna rurachirca. Paicunaca mana israelcunami carca.

2 CRÓNICAS 9:26

Salomonca, Éufrates jatun yacumantaca filisteocunapaj llajtacama chai tucui llajtacunata jatun mandajcunatami mandaj carca. Shinallataj Egipto llajtahuan tupanacuncamami mandaj carca.

ESDRAS 4:20

Jerusalenpica yallitaj c'ari c'ari jatun mandajcuna tiyashcata, paicunaca jatun yacumanta ch'imbanij llajtacunacama mandajcuna cashcata, paicunataca tributocunata, impuestocunata, imallamanta pagana cashcata pagachijcuna cashcatapishmi japircacuna.

NEHEMÍAS 9:8

Paitaca pajtachij shungu cashcatami quiquinca ricushcangui. Paipajca shuj ruranatami ari nishcangui. Cananeocunapaj, heteocunapaj allpatami cusha nircangui. Amorreocunapaj, ferezeocunapaj allpatami cusha nircangui. Jebuseocunapaj, gergeseocunapaj allpatami cusha nircangui. Chai allpacunataca cambaj huahua huahuacunamanmi cusha nircangui. Quiquinpaj shimihuan nishcataca pajtachircanguimi. Cashcata ruraj cashcamantami chashna pajtachircangui.

SALMOS 105:11

nishpaca: “Canaán llajtataca canmanmi cusha. Cancunapaj allpa cachunmi cusha” nircami.

ÉXODO 13:11

Mandaj Dios cancunamanpish, cancunapaj ñaupa yayacunamanpish cusha nishca shinallataj Canaán llajtaman ña chayachijpica,

ÉXODO 2:24

Paicuna aij nishpa caparishcata uyashpami, Taita Diosca Abrahamman, Isaacman, Jacobman ari nishcata yuyarirca.

ÉXODO 23:23

Ñuca ángel cancunata ñaupashpa rishpami, cancunataca amorreocunapaj, heteocunapaj, ferezeocunapaj, cananeocunapaj, heveocunapaj, jebuseocunapaj llajtaman pushanga. Chaipi causajcunataca ñucami chingachichisha.

ÉXODO 3:8

Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

ÉXODO 34:11

Cunan ñuca mandashcacunata can huaquichijpica ñucapish amorreocunata, cananeocunata, heteocunata, ferezeocunata, heveocunata, jebuseocunataca cambaj ñaupajmanta anchuchishami.

ÉXODO 34:24

Cambaj ñaupajmanta tucui llajtapi causajcunata llujshichishpa cachashpami cambaj llajtataca ashtahuan achcayachisha. Cancuna huatapi quimsa cutin Mandaj cancunapaj Diospaj ñaupajpi ricurigrijpica, cancunapaj allpataca pi mana quichushun ningacunachu.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

ÉXODO 6:8

Abrahamman, Isaacman, Jacobman ñuca maquita alzashpa cai llajtataca cancunaman cushatajmi nishca llajtamanmi cancunataca yaicuchisha. Chai llajtataca ñucami cancunapaj quiquin llajta cachun cusha. Ñucaca MANDAJ DIOSTAJMI cani ninmi nigri– nircami.

ISAÍAS 27:12

Chai punllapica Mandaj Diosca Éufrates jatun yacumanta callarishpaca, Egipto jatun yacucamami trillashpa llaquichinga. Israelcuna cancunataca shuj shujllami tandachinga.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

JEREMÍAS 32:22

Chaimantaca cambaj shimihuantaj paicunapaj ñaupa yayacunaman cushami nishca cai llajtatamari curcangui. Lechepish, sacha chuspi huachashca mishquipish yacu shina tiyaj sumaj llajtatamari curcangui.

JEREMÍAS 32:40

Shinallataj paicunahuanca huiñaita paicunapaj allita ruranata manataj saquinatami ari ninacushun. Paicuna ñucamanta amataj anchurichunca, ñucata manchana yuyaitami paicunapaj shungupi churasha.

LEVÍTICO 26:42

Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.

LEVÍTICO 26:45

Paicunapaj ñaupa yayacunata paicunapaj Dios cangapaj shujtaj llajtacuna ricucujpi, Egiptomanta llujshichimucushpa paicunahuan ari ninacushcatami yuyarisha. Ñucami Mandaj Dios cani” nircami.

NÚMEROS 34:5

Chai lindeca Asmonmanta callarishpa muyushpa rishpaca, Egipto jatun yacuman chayashpa mama cuchaman tupanacujtami canga.

Hechos 7:5

Cai llajtapica paimanca chaqui saruillatapish allpataca mana curcachu. Ashtahuanpish chai punllacunapica Abrahamca huahua illajlla cajpipish Taita Diosca: “Can huañushca qu'ipa cambaj huahua huahuacunamanmi cai allpataca cusha” nircami.

DEUTERONOMIO 11:24

Cancunapaj chaqui maillapi sarushcaca tucuimi cancunapaj canga. Shitashca pambamanta Líbano llajtacama, Éufrates jatun yacumantaca inti huashicun ladoman caj mama cuchacamami cancunapaj llajta canga.

DEUTERONOMIO 12:20

Mandaj Dios cancunapaj Taita Dios pai nishca shinallatajmi, cancunapaj llajtata ashtahuan jatunyachinga. Chaipica aichatami micunayachinguichij, micunachishca punlla micunguichijlla.

DEUTERONOMIO 19:8

Mandaj Dios cancunapaj Taita Dios cancunapaj ñaupa yayacunaman cunimi nishca shinallatajmi chai llajtataca ashtahuan mirachinga.

DEUTERONOMIO 34:4

Mandaj Diosca Moisestaca: “Abrahamman, Isaacman, Jacobmanca: Cai llajtatami cambaj huahua huahuacunamanca cusha” nircani. Chai llajtaman yaicuchun mana saquishpapish cambaj quiquin ñahuihuan ricuchunmi saquini nircami.

DEUTERONOMIO 7:1

Mandaj Dios cancunapaj Taita Diosca cancunaman cugrin llajtaman cancunata yaicuchishpaca heteocunata, gergeseocunata, amorreocunata, cananeocunata, ferezeocunata, heveocunata, jebuseocunata cancunapaj ñaupajmanta llujshichishpa cachashpami chai achca llajtacunataca cancunaman cunga. Chai canchis llajtacunaca ashtahuan jatun llajtacunami. Cancunata yalli c'ari c'aricunami.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

JOSUÉ 13:3

Egiptomanta inti llujshin ladoman caj Sihor jatun yacumanta janaj lado Ecrón puebloman tupanacuncamami japina tiyanraj. Chai llajtacunaca cananeocunapajrajmi. Chai llajtacunataca Gaza, Asdod, Ascalón, Gat, Ecrón llajtacunata pichca jatun mandaj filisteocunami mandacun. Ura ladoman caj Aveocunapaj llajtatapish japinarajmi.

JOSUÉ 15:4

Chaimantaca Asmonta pasashpa, Egiptopaj jatun yacucamami llujshirca. Mama cuchaman tupajtami carca. Ura lado lindeca tucui chaicunami canga nircami.

Apocalipsis 9:14

pichcapaj q'uipa ángel trompetata charicujtaca cashna nirca: “¡Éufrates jatun yacu c'uchupi huatashca caj chuscu angelcunata cachari!” nircami.