GÉNESIS 15:16 - Dios Rimashca Shimicunami

¹⁶ Amorreocunaca manaraj yallitaj millaita rurancunachu. Chashna cashcamanta cambaj huahua huahuacunaca chuscu yayacunapaj q'uipami tigramungacuna– nircami.

GÉNESIS 15:16 Iomraidhean Croise

GÉNESIS 10:16

Canaanpaj huahuacunamantami jebuseocunapish, amorreocunapish, gergeseocunapish,

GÉNESIS 15:13

Chaipimi Mandaj Diosca Abramtaca: –Cambaj huahua huahuacunaca shujtaj llajtapimi causagringa. Chai llajtapi causajcunapajta rurajmi canga. Paicunaca 400 huatacunatami yallitaj llaquichishca causangacuna. Chaica chashnatajmi canga nirca.

GÉNESIS 48:21

Chai q'uipami Israelca, paipaj churi Josetaca: –Riqui, ñucaca ñami huañugrini. Taita Diosca cancunahuanmi canga. Paimi cancunataca ñaupa ñucanchij yayacuna causashca llajtaman tigrachinga.

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

1 REYES 21:26

Acabpaj rurashcacunaca yallitaj millanayajmi carca. Paica amorreocuna ima shinalla ruraj cashca shina manapish dioscunata catishpami chashna tucurca. Amorreocunataca, chashna millaita rurajcuna cajpimi, Mandaj Diosca israelcunapaj ñaupajmanta anchuchishca carca.

2 REYES 21:11

“Judá llajtata jatun mandaj Manasesca, ñaupa cai llajtapi causaj amorreocuna rurashcata yalli millanayajcunata rurashpami, paipaj rurashcalla dioscunahuan judacunata juchallichirca.

SALMOS 105:43

Paipaj cajcunataca cushicuihuanmi llujshichirca. Pai agllashcacunataca cushicuihuanmi llujshichirca.

ÉXODO 12:40

Israelcunaca Egiptopica, 430 huatacunatami causarcacuna.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 13:4

Cunan cancuna caimanta llujshin quillaca Abib quillami.

DANIEL 8:23

Chai jatun mandajcunapaj mandana tucuricuipica, millaita rurajcunami yallitaj jundanga. Chaipimi shujtaj jatun mandaj jataringa. Paica jatun tucushca, pi mana yachaipajcunatapish yachaj tucushcami canga.

LEVÍTICO 18:24

Cai shina manapish ruranacunata rurashpaca ama mapayanguichijchu. Cancunapaj ñaupajmanta ñuca anchuchishpa shitana llajtacunaca tucui cai manapish ruranacunata rurashpa mapayajpimi,

DEUTERONOMIO 9:4

Mandaj Dios cancunapaj Taita Dios chai llajtapi causajcunata cancunapaj ñaupajmanta anchuchijpica ñataj cancunapaj shungupica: Ñucanchijtaca cashcata rurajcuna cajpimi, Mandaj Diosca cai llajtata japichun pushamushca niringuichijman. Mandaj Diosca chai llajtapi causajcunaca millaita ruraj cajpimi cancunapaj ñaupajmantaca llujshichinga.

DEUTERONOMIO 9:5

Cancuna cashcata ruraj cashcamanta, ima pandata mana yuyajcuna cashcamantaca chaicunapaj llajtataca cancunapaj cachun japinamanca mana yaicunguichijchu. Ashtahuanpish Mandaj Diosca chai llajtapi causajcunataca Diosta mana rijsij millaicuna cajpimi cancunapaj ñaupajmanta llujshichinga. Mandaj Diosca cancunapaj ñaupa yaya Abrahamman, Isaacman, Jacobman chashna rurashami nishcata pajtachingapajmi chashna ruranga.

1 Tesalonicenses 2:16

Mana judiocuna quishpirichun huillajtapishmi ñucanchijtaca jarcancuna. Chashna rurashpami paicunapaj juchacunataca, yallijta jundachincuna. Chaimi Taita Diospaj p'iñaica, yallitaj paicunapaj jahuaman shamurca.