GÉNESIS 15:12 - Dios Rimashca Shimicunami

¹² Ña inti huashicucuitami Abramtaca yallitaj dorminai japirca. Paipaj jahuamanca yallitaj amsa shamujpimi achcata mancharirca.

GÉNESIS 15:12 Iomraidhean Croise

GÉNESIS 15:11

Chai siricuj aichacunaman ullahuangacuna uriyamujpimi, Abramca chaicunataca manchachishpa cachacurca.

GÉNESIS 2:21

Chaimi Mandaj Taita Diosca, Adanta huañuita dormichishpa, paipaj costillamanta shuj tulluta llujshichishpa aichataca ima shina cashca shinallatataj saquirca.

GÉNESIS 28:11

Chaiman ricushpaca shuj pambaman chayashpami chaipi dormirca. Inti huashicushpa ña tutayashcamantami paica chai pambapi siricuj rumicunamanta shuj rumita japishpa saunashpa chaipi dormirca.

JOB 33:15

Runacunamanca camapi huañuita dormicujpi tuta muscuipi ricurishpami,

Hechos 20:9

Chaipica, Eutico shuti huambrami ventanapi tiyacurca. Unita Pablo huillashcamantami, yallitaj dormi atijpi, quimsa altoyuj huasimanta ucuman urmarca. Paita jatarichinaman rishpaca huañushcatami japircacuna.

1 SAMUEL 26:12

Davidca, Saulpaj saunapi shayacuj lanzatapish, yacu mangatapish apashpami rirca. Chaita ricujca pi mana tiyarcachu. Pi mana rijcharircachu. Pi mana sintircachu. Paicunamanca Mandaj Dios yallitaj dormita cachajpimi tucuicuna huañuita dormicurcacuna.