GÉNESIS 15:1 - Dios Rimashca Shimicunami

¹ Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 15:1 Iomraidhean Croise

GÉNESIS 15:2

Shina nijpi Abramca: –Mandaj Jatun Dioslla ñucaman huahuata mana cushca jahuaca ¿imapajtaj imata cugringui? Ñuca imalla charishcacunataca damasceno Eliezer ñuca huasita ricuj mayordomollami japinga– nirca.

GÉNESIS 15:4

Chai q'uipaca Mandaj Diospaj rimashca paipajman shamushpami: –Can imalla charishcacunataca mana chai runachu japinga. Ashtahuanpish cambaj quiquin churimi japinga– nirca.

GÉNESIS 21:17

Taita Diosca chai huambra caparijta uyarcami. Chaimi Taita Diospaj angelca Agartaca jahua pachamanta cayashpaca: “Agar, ¿imataj tucungui? Ama manchaichu, cambaj huahua caparijtaca Taita Diosca uyarcami.

GÉNESIS 22:1

Tucui chaicuna q'uipami Taita Diosca Abrahamtaca pai ima shina crij cashcata ricungapaj: –Abraham– nishpa cayajpi paica: –Caipimi cani– nirca.

GÉNESIS 22:20

Tucui chaicuna q'uipami Abrahammanca: “Cambaj huauqui Nacorpaj huarmi Milcapish cambaj huauquipajta huahuacunayuj tucushcami” nishpa huillarca.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 31:7

Cancunapaj yayaca ñucata umashpami, paipajta rurashcamanta ñuca japina cashcataca chunga cutin shujtajyachishca. Taita Diosmari ñucata llaquichichunca mana saquihuashca.

2 SAMUEL 22:3

Ñuca Taita Dioslla, ñuca pacatucunalla, paipimi shunguta churani. Paica ñuca escudomi. Tucuita rurai tucujhuan ñucata quishpichijmi. Tucuimanta yalli jahuaman ñuca miticunami. Ñuca quishpichijmi cangui. Llaquihuan cajpica canmi ñucata quishpichircangui.

2 REYES 1:15

Shina nijpi Mandaj Diospaj angelca Eliastaca: –Ama manchashpa paihuan uriyailla– nijpimi Eliasca, jatarishcahuan chai soldadohuan jatun mandajpajman uriyarca.

1 CRÓNICAS 28:20

Davidca paipaj churi Salomontaca cashnapishmi nirca: “Ama mana rurai tucushachu yuyangui. Tucui fuerzahuan rurai callarilla. Ama manchangui. Ama shaicungui. Mandaj Diosca canhuanmi canga. Mandaj Dios ñuca Diosca paipaj huasita tucui can rurangacama cantaca mana saquingachu. Canmantaca mana anchuringachu.

SALMOS 115:10

Aaronpaj huahuacunapish, Mandaj Diospi shunguta churaichij. Paica cancunata ayudajmi. Paica cancunapaj escudomi.

SALMOS 119:114

Quiquinca ñuca miticuna, ñuca escudomi cangui. Quiquinpaj shimi nishcatami shuyacunilla.

SALMOS 142:5

Mandaj Dioslla quiquintaca cashna nishpami mañarcani: “Quiquinllami ñuca shuyana cangui. Cai pachapi causajcunapurapica quiquinmi ñuca charina cangui” nircanimi.

SALMOS 18:2

Mandaj Dioslla, ñuca jatun rumilla. Ñuca miticuna sinchi huasilla, ñucata quishpichijlla. Ñuca Dioslla, ñucaman fuerzata cujlla, paillapimi shunguta churani. Ñuca paca tucuna escudolla, ñucata quishpichij, ñuca fuerzalla. Jahuajman ñuca paca tucunalla.

SALMOS 27:1

Mandaj Diosca ñucata achijyachij luzmi, ñucata quishpichijmi. Pitataj manchashari. Mandaj Diosca muyundijta pircashca shinami ñuca causaita huaquichin. Pita mana manchanichu.

SALMOS 3:3

Ashtahuanpish can Mandaj Diosmi ñuca muyundijta escudo shina cangui. Canmi ñucata jatunyachingui, canmi ñucata jatarichingui.

SALMOS 3:4

Mandaj Diostaca ñuca shimihuan caparishpami mañarcani, paica paipajlla caj urcumantami cutichihuarca. Selah

SALMOS 5:12

Mandaj Dioslla, cashcata rurajcunamanca canmari allicunata cungui. Muyujta escudohuan pacaj shinami, cambaj c'uyaihuan muyuchingui.

SALMOS 58:11

Chaimi gentecunaca: “Cashcata rurajpajca japinaca tiyashcatajmi. Cai pachapi imalla rurashcacunata ricuchij Taita Diosca tiyashcatajmi” ningacuna.

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

SALMOS 84:9

Taita Dioslla, ñucanchij escudo Taita Dioslla. Quiquinpaj agllashcata chaparana yuyailla cayari.

SALMOS 91:4

Paipaj plumacunahuanmi cantaca pacanga. Paipaj alas ucupica imata mana manchashpami causangui. Paipaj mana llullaj shimica escudo shina, cara churana shinami huaquichinga.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

PROVERBIOS 11:18

Diosta mana manchaj runaca, umarishpami causan. Ashtahuanpish allita tarpucujca, mana tucurij allicunatami japinga.

PROVERBIOS 30:5

Mandaj Dios rimashca shimicunaca chuya shimicunami. Diosca paipi shunguta churajcunapajca, pacaj escudomi.

ISAÍAS 35:4

Manchacuj shungucunataca: “¡Ama manchashpa c'ari c'ari caichijlla! Riquichij cancunapaj Diosca paicuna ima shina cashca shinallataj llaquichingapajmi shamucun. Diosca paitaj shamushpami cancunataca quishpichinga” nichigari.

ISAÍAS 40:10

Riqui, Mandaj Jatun Diosca tucuita rurai tucuj cashcahuanmi shamunga. Paipaj maquihuanmi tucuita mandanga. Imallata rurashca shinallataj cuna cashcataca paimari apamunga. Cuna cashcaca paipaj ñaupajpimari shamunga.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 41:14

Jacobpaj c'uritucuna ama manchaichijchu. Israelcuna ashalla cashpapish cancunaca ama manchaichijchu. Ñucami cancunata ayudaj cani ninmi Mandaj Diosca. Israelcunapaj jucha illaj Diosmi cancunata Quishpichijca.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

ISAÍAS 43:5

Ama manchaichu, ñucamari canhuan cani. Cambaj huahua huahuacunataca inti llujshin ladomantami apamusha. Inti huashicun ladomantami cambaj huahua huahuacunataca tandachisha.

ISAÍAS 44:2

Mamapaj huijsamantapacha canta callarichij, canta ruraj, Mandaj Diosca cashnami nin: Ñucapajta ruraj Jacob ama manchaichu. Jesurún canpish ñuca agllashcamari cangui. Ñucami cantaca ayudasha.

ISAÍAS 44:8

Ama manchaichijchu, ama chujchuichijchu. Imalla tucuna cashcataca ¿manachu cancunamanca ñaupamantapacha ña huillarcani? Chaitaca cancunallataj allimi yachanguichij. ¡Shujtaj Diosca mana tiyanchu, ñucallami cani! ¡Shujtaj jatun rumica mana tiyanchu, pita mana ricushcanichu!

ISAÍAS 51:12

Cancunata cushichijca ñucamari cani. ¿Huañujlla runacunata manchangapajca yangallachari canguiyari? ¿Llullu q'uihua shina chaquirijlla runacunapaj churicunata manchangapajca yangallachari canguiyari?

JEREMÍAS 39:17

Shina cajpipish chai llaqui punllacunapica, ñucami canta quishpichisha. Cantaca can manchacushca runacunapaj maquipica, mana churashachu ninmi Mandaj Diosca.

LAMENTACIONES 3:24

Ñuca tucui almahuanmi: “Ñuca charinaca Mandaj Diosmari” nishpaca, paillata shuyani.

EZEQUIEL 1:1

Ñucaca, Quebar shuti jatun yacu c'uchupimi, prezu apashcacunapaj chaupipi carcani. Ñucaca, quimsa chunga huatayujmi carcani. Chai huatapaj chuscu quillapimi, jahua pacha pascarijpi, Taita Dios imallata ricuchishca muscuipi shina ricurcani.

EZEQUIEL 11:24

Chai q'uipami Diospaj Espirituca, ñucata jatarichishpa pusharca. Chaimantaca Diospaj Espiritumi, ñucataca muscuipi shina caldeocuna causana llajtapi caj prezu apashcacunapajman cutinllataj pusharca. Chaimantaca muscuipi shina ricucushcaca, chingarircallami.

EZEQUIEL 3:4

Chai q'uipaca, cashnapishmi nirca: “Huañujlla aichayuj runalla, ri israelcunaman ñuca imalla nishcata huillagri.

NÚMEROS 12:6

Mandaj Diosca paicunataca cashnami nirca: “Cunanca ñuca rimashcata uyaichij. Mandaj Dios huillachishcata huillaj cancunapurapi tiyajpica, paimanca muscuipi shinami ricurisha. Muscuillapimi rimasha.

NÚMEROS 18:20

Mandaj Diosca Aarontaca cashnami nirca: “Canca israelpurapica caishuj israelcuna shina quiquin allpa cachun japina allpataca mana japinguichu. Can japina cashca allpa shinaca israelcunapaj chaupipi caj ñucami cani.

NÚMEROS 24:4

Taita Dios imalla nishcacunata uyashpa huillajca cashnami nin. Paica urmarcami. Ñahui pascashcami urmarca. Chaipica Pailla Tucuita Rurai Tucuj Dios muscuipi shina ricurishpa huillashcatami uyarca.

Mateo 28:5

Ashtahuanpish angelca, chai huarmicunamanca: “Cancunaca ama manchaichijchu. Chacatashca cashca Jesusta mashcacujtaca, ñucaca yachanimi.

Mateo 8:26

Chaimi Jesusca: –¿Ima nishpataj mancharinguichij? Cancunaca ashallata crijcunami canguichij– nishpa jatarishpaca, huairatapish, yacutapish casilla tucui nishpa sinchita rimajpica chashna tucurcallami.

Lucas 1:13

Angelca cashnami nirca: –Zacarías, ama manchaichu. Can mañashcataca Diosca uyashcami. Cambaj huarmi Elisabetca, shuj c'ari huahuatami huachanga. Paitaca Juan shutita shutichingui.

Lucas 1:30

Chaimi angelca: –María, ama manchaichu. Taita Diosmari canmanca mana c'uyaipajta c'uyajta cungapaj agllashca.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Hechos 10:22

paicunaca: –Ñucanchijca patsaj soldadocunata mandaj Cornelio cachajpimi shamunchij. Paica Taita Diosta manchaj, cashcata rurajmi. Paica judiocuna alli nishcami causan. Paimanmi jucha illaj ángel ricurishpaca: “Pedrota cambaj huasiman pushanaman cachai, pai imalla huillashcata alli uyangui” nishcami– nircacunami.

1 Corintios 3:22

Pablo cashpa, Apolos cashpa, Cefas cashpa, cai pacha cashpa, causai cashpa, huañui cashpa, cunan punllacuna cashpa, shamuj punllacuna cashpapish tucuimi cancunapaj.

DEUTERONOMIO 18:2

Paicunapaj huauquicunapurapica, ima japinata mana charingacunachu. Mandaj Dios nishca shinallataj paicunapaj japinaca Mandaj Diosmi.

DEUTERONOMIO 31:6

Fuerzarichij, c'ari c'ari caichij, ama manchaichijchu. Paicunataca ama imata manchanguichijchu. Mandaj Dios cancunapaj Taita Diosmi cancunahuanca ringa. Paica cancunataca manataj saquingachu, manataj shitangachu” nircami.

Hebreos 1:1

Ñaupa punllacunapica ñucanchij yayacunamanca, achca cutin tucui layami profetacunata huillachishpa Diosca rimarca.

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,

RUT 2:12

Can chashna allicunata rurashcamantaca, Mandaj Diosmi canmanca allicunata cunga. Israelcunata Mandaj Dios paipaj alas ucupi canta huaquichichunmi mashcaj shamushcangui. Paimi tucui imalla cuna cashcataca cunga– nirca.

1 SAMUEL 15:10

Chai q'uipami Mandaj Diosca Samueltaca:

1 SAMUEL 9:9

(Ñaupa punllacunaca ñucanchij israelcunapura maijanpish Diosta imatapish tapushun nishpaca: “Dios ricuchishcata huillaj runata tapugrishunchij” nijcunami carca. Chashna huillaj runallatatajmi cunan punllacunaca: “Profeta” nincuna).