GÉNESIS 14:7 - Dios Rimashca Shimicunami

⁷ Chaimanta tigracushpaca, En-mispat nishca Cades pueblomanmi chayarcacuna. Chai llajtapi causaj amalecitacunatapish tucuitami chingachircacuna. Hazezon-tamarpi causaj amorreocunatapish chashnallatajmi chingachircacuna.

GÉNESIS 14:7 Iomraidhean Croise

GÉNESIS 16:14

Chaimi chai pugyutaca: “Ñucata Ricuj Causacujpaj Pugyumi” nishpa shutichirca. Chai pugyuca Cades pueblohuan Bered pueblohuan chaupipimi.

GÉNESIS 20:1

Abrahamca pai causacushca llajtamantaca, Neguevmanmi rirca. Chaiman chayashpaca, Cades pueblohuan, Shur nishca shitashca pambahuan chaupipi caj Gerar pueblopimi pasacujlla shina causarca.

GÉNESIS 36:12

Esaupaj churi Elifazca, Timna shuti caishuj huarmitapishmi charirca. Chai huarmipica Amalec churitami charirca. Chaicunaca Ada huarmipi Esaú charishca churipaj churicunami carca.

GÉNESIS 36:16

Coré, Gatam, Amalecmi carca. Elifazmanta mirarishpa Canaanpi causaj edomitacunata mandajcunaca chaicunami. Chaicunaca Ada huarmipi Esaú charishca churipaj churicunami carca.

2 CRÓNICAS 20:2

Chaitaca shujtajcunami Josafatmanca, cashna nishpa huillagrircacuna: “Cachisapa Cucha ch'imbanijmantapish, Siria llajtamantapishmari canhuan macanacungapaj yallitaj achcacuna shamushca. Tucui paicunaca Hazezon-tamar nishca En-gadi pueblopimi tiyacuncuna” nishpami huillarcacuna.

EZEQUIEL 47:10

Shinallataj chalhuata japijcunapish, chai yacu c'uchupimi canga. En-gadi pueblomantaca, En-eglaim pueblocamami linchicunatapish churangacuna. Jatun Cuchapi tiyaj chalhuacuna shinallataj cai yacupipish, tucui laya chalhuacunaca achcami tiyanga.

EZEQUIEL 48:28

Gad aillupaj allpa ura ladomanca, Tamar pueblomantaca p'iñanacuna yacucama, Cades pueblomantaca Egipto llajtahuan tupanacunpi tiyaj yacu huaicuta catishpa Jatun Cuchacamami lindeca canga.

NÚMEROS 13:26

Paicunaca Parán shuti shitashca pambapi caj Cades pueblomanmi tigrarcacuna. Chaipimi Moisespaj, Aaronpaj, tandanacushca israelcunapaj ñaupajpi chai llajta ima shina cashcata huillashpa, chai llajtapi p'ucushca granocunatapish ricuchirca.

NÚMEROS 14:43

Amalecitacuna, cananeocunami cancunapaj ñaupajpi. Cancunaca paicunapaj espadapimi urmanguichij. Cancunallataj Mandaj Diosta mana catishun nishcamanta Mandaj Diosca ña mana cancunapaj chaupipichu– nircami.

NÚMEROS 14:45

Chaipimi chai urcupi causaj amalecitacunapish, cananeocunapish uriyamushpa israelcunahuan macanacushpa chugrichishpa mishashpaca, Horma shuti pueblocama catircacuna.

NÚMEROS 20:1

Tandanacushca tucui israelcunaca huatapaj punta quillapimi Zin nishca shitashca pambaman chayashpa, Cades shuti pueblopi carpa huasicunata shayachishpa tiyarirca. Moisespaj pani Mariaca chaipimi huañurca. Paitaca chaillapitajmi pambarcacuna.

NÚMEROS 24:20

Amaleccunata ricushpapish shamuj punllacunapi paicuna imalla tucunatami cashna huillarca: “Amalecca llajtacunapaj umami. Ashtahuanpish tucuitaj chingachishcami canga” nircami.

DEUTERONOMIO 1:19

Horeb urcumanta llujshishpaca cancuna ricushca shinallataj manchanana shitashca jatun pambatami shamurcanchij. Mandaj Dios, ñucanchij Taita Dios mandashca shinallataj amorreocunapaj urcu chaqui ñanta shamushpami Cades-barneaman chayarcanchij.

DEUTERONOMIO 1:46

Chaimantami cancunaca Cadespi, chai tucui huatacunata causana tucurcanguichij.

JOSUÉ 15:62

Nibsán, En-gadi, Cachi tiyan pueblotapishmi japircacuna. Chai sujta pueblocunatapish, tucui muyundij llajtacunandijmi japircacuna.