GÉNESIS 14:3 - Dios Rimashca Shimicunami

³ Tucui chai mandajcunami Sidim pugru pambapi tandanacurca. Chai pugruca cunanca Cachisapa Cuchami.

GÉNESIS 14:3 Iomraidhean Croise

GÉNESIS 10:19

Cananeocunapaj llajtaca Sidón pueblomanta callarishpaca Gerarman rina ladota catishpa Gaza pueblocama, shinallataj Sodomaman, Gomorraman, Admaman, Zeboimman rina ladota catishpaca Lasa pueblocamami carca.

GÉNESIS 14:10

Sidim pugru pambapica brea llujshicuj achca jutcucunami tiyarca. Sodomata jatun mandajpish, Gomorrata jatun mandajpish, chai macanacuimanta miticushpa callpacushpaca chai jutcucunapimi huashicurcacuna. Caishuj mandajcunaca urcupi miticungapajmi callparcacuna.

GÉNESIS 14:4

Chai pichca mandajcunaca chunga ishqui huatatami, Quedorlaomerpajta rurashpa causarcacuna. Ña chunga quimsa huatapica, Quedorlaomerta c'ariyashpami jatarircacuna.

GÉNESIS 14:8

Chaimi Sodomata, Gomorrata, Admata, Zeboimta, Bela nishca Zoarta jatun mandajcunaca paicunahuan macanacungapaj llujshishpa Sidim pugru pambapi macanacurcacuna.

GÉNESIS 19:24

Chai q'uipami Mandaj Diosca Sodoma, Gomorra pueblocunapica azufrehuan rupacuj ninata jahua pachamanta tamyachirca.

SALMOS 107:34

Alli granota p'ucuj allpacunatapish mana p'ucuj cachi allpata ruranllami. Chaipi causajcuna millaicuna cajpimi chashna ruran.

NÚMEROS 34:12

Chai lindeca Jordán yacucama urita rishpa Cachisapa Cuchaman tupanacujtami canga. Cancunapaj llajta lindeca tucui chaicunata muyushpami canga” nircami.

DEUTERONOMIO 3:17

Inti llujshinman caj Arabá llajtatapish inti llujshinman caj Pisga llajtatapishmi curcani. Chai llajtapaj lindeca Jordán yacuhuan Cineret llajtaman rin ladota rishpa cachisapa cuchacamami.

JOSUÉ 3:16

Chaimi janajmanta shamucuj yacuca Saretán pueblo c'uchupi caj Adam shuti pueblomanta carupi jarcarirca. Israelcuna ch'imbacushcamanta uriman ricuj yacupish, Arabá shuti pambapi caj Cachisapa Cuchacamami chaquirca. Chai yacu chashna chaquijpimi, tucui israelcuna Jericó pueblo derechota ch'imbarcacuna.