GÉNESIS 14:10 - Dios Rimashca Shimicunami

¹⁰ Sidim pugru pambapica brea llujshicuj achca jutcucunami tiyarca. Sodomata jatun mandajpish, Gomorrata jatun mandajpish, chai macanacuimanta miticushpa callpacushpaca chai jutcucunapimi huashicurcacuna. Caishuj mandajcunaca urcupi miticungapajmi callparcacuna.

GÉNESIS 14:10 Iomraidhean Croise

GÉNESIS 11:3

Chaipi cashpami caishuj chaishuj: “Jacuchij, ladrillota rurashpa ninapi cusashunchij” ninacurcacuna. Chashnami rumicunapaj randica ladrillota, lodopaj randica breata charircacuna.

GÉNESIS 14:11

Macanacuita mishajcunaca Sodomapi, Gomorrapi tiyashca achca charinacunatapish, granocunatapish tucuita apashpami rircacuna.

GÉNESIS 14:17

Quedorlaomertapish, paihuan caj jatun mandajcunatapish Abram mishashpa tigracujpica, Sodomata jatun mandajmi Save pugru pambapi tupanaman llujshirca. Chai pamballatatajmi, Jatun Mandajpaj Pugru Pamba nincuna.

GÉNESIS 14:21

Sodomata jatun mandajpish Abramtaca: –Charinacunataca can japilla. Gentecunallata ñucaman tigrachi– nircami.

GÉNESIS 14:3

Tucui chai mandajcunami Sidim pugru pambapi tandanacurca. Chai pugruca cunanca Cachisapa Cuchami.

GÉNESIS 14:9

Chai pichca jatun mandajcunaca Elam llajtata jatun mandaj Quedorlaomerhuan, Goim llajtata jatun mandaj Tidalhuan, Sinar llajtata jatun mandaj Amrafelhuan, Elasar llajtata jatun mandaj Ariochuanmi macanacurcacuna. Pichca jatun mandajcunami, chuscu jatun mandajcunahuan macanacurcacuna.

GÉNESIS 19:17

Pueblomanta ña canllaman cajpica chai angelcunaca: –Cancunapaj causaita quishpichingapajca callpashpa richij. Ama huashaman tigrashpa ricunguichij. Cai pambacunapipish maipi ama pararishpa, urcupi miticunaman utca callpashpa richij. Mana chashna rurashpaca chingachishcami canguichij– nircami.

GÉNESIS 19:30

Ashtahuanpish Lotca, Zoarpi causanata manchashcamantami, paipaj ishqui ushushicunandij urcupi causanaman rirca. Chaipica shuj jutcupimi quimsandijtaj causarcacuna.

SALMOS 83:10

Paicunaca Endor pueblopimi chingarircacuna. Allpapaj majada tucushpamari saquirircacuna.

ISAÍAS 24:18

Manchaihuan callpacujca jutcupimi urmanga. Jutcumanta llujshishpa callpacushpapish linchipimi pillurishpa urmanga. Jahua pacha ventanacunaca pascashcami canga. Cai pachata aparijpish chujchungami.

JEREMÍAS 48:44

Manchaihuan miticunaman callpashpapish, jutcupimi urmanguichij. Jutcumanta llujshishpapish tsagnarishpa japi tucunguichijllami. Ñucatajmi Moab llajta runacunapajca jatun llaqui huatata apamugrini. Chaimantami chashna tucunguichij” ninmi Mandaj Diosca.

JOSUÉ 8:24

Hai pueblopi causajcuna israelcunata llaquichingapaj shitashca pambacama catishpa rijcunataca, chaillapitajmi tucuicunata huañuchircacuna. Chashnami macanacunaman rijcunaca tucuicuna espadapi tucuringacama huañurcacuna. Chai q'uipaca israelcunaca chai pueblomanta mana llujshijcunatami tigrashpa tucuicunata huañuchircacuna.