GÉNESIS 13:8 - Dios Rimashca Shimicunami

⁸ Chaimi Abramca, Lottaca: “Ñucapish canpish familiapurallataj cashca jahua p'iñanacunaca mana allichu. Ñuca michijcunahuan, cambaj michijcunahuan p'iñanacunapish mana allichu.

GÉNESIS 13:8 Iomraidhean Croise

GÉNESIS 13:9

Cai tucui allpami cambaj ñaupajpi. Cunanca ñucamanta ch'icanyashpa richunmi rogani. Can lluqui maqui ladoman rijpica, ñucaca alli ladoman rishallami. Can alli maqui ladoman rijpica, ñucaca lluqui ladoman rishallami” nircami.

GÉNESIS 14:14

Abramca paipaj familia Lotta prezu apashcata uyashpami, paipaj huasipi huacharishca paipajta rurajcunapuramanta 318 runacunata tandachishpa, prezu apajcunataca Dan pueblocama catishpa rirca.

GÉNESIS 45:24

Chai q'uipami Joseca paipaj huauquicunata caya minchacama nishpa paicuna ña rigrijpica: –Ñanpi ama p'iñanacunguichij– nirca.

GÉNESIS 46:34

cancunaca: Cambajta ruraj ñucanchijca ñucanchij ñaupa yayacuna shinallataj huambramantapacha animalcunata michishpa huiñachishpa causajcunami canchij nishpa huillanguichij. Chashna nishpallami, Gosenpica causai tucunguichij. Egipciocunapajca ovejacunata michij canaca yallitaj millananami– nishpami yachachirca.

SALMOS 133:1

Riquichij, ¡Huauquindijcuna tandalla, shuj shinalla causanaca yallitaj alli, yallitaj sumajmari!

ÉXODO 2:13

Cayandij punlla llujshishpaca, hebreocunapurallataj ishqui runacuna p'iñanacucushpaca shujca caishujta macajpimi, chai macacuj runataca: –¿Ima nishpataj quiquinpurallatatajca macacunguiyari?– nirca.

PROVERBIOS 15:1

Sumajta cutichishca shimica, p'iñarishcatapish anchuchinmi. Ashtahuanpish maipish cachun rimashca shimica ashtahuan p'iñachinllami.

PROVERBIOS 15:18

Imamantapish jahualla p'iñarijca, macanacuitarajmi callarichin. Ashtahuanpish mana utca p'iñarij runaca, p'iñanacuitapish allichinmi.

PROVERBIOS 20:3

P'iñanacuipi yaicunata jarcarinaca, pitapish alli nishcatami ruran. Ashtahuanpish ch'ahuanyashcacunaca, p'iñanacuipi yaicunllami.

Mateo 5:9

P'iñanacushcata alli tucunacuchijcunaca cushichishcami. Paicunaca Taita Diospaj huahuacuna nishcami cangacuna.

Hechos 7:26

Cayandij punllaca israelcunapura macanacucujtami japirca. Paicunataca alli tucunacuchisha yuyashpami: “Huauquindijcunami canguichij. ¿Ima nishpataj quiquinpurallatajca macanacucunguichij?” nirca.

Romanos 12:10

Quiquin huauquindij shina caishuj chaishuj c'uyanacuichij. Caishuj chaishuj ñucata yalli allimi cangui ninacuichij.

Filipenses 2:14

Ama huashalla parlanacushpa, ama rimanacushpa tucui imatapish alli ruraichij.

1 Tesalonicenses 4:9

Taita Dios yachachijpimi cancunallataj caishuj chaishuj c'uyanacunataca yacharcanguichij. Chaimi cancunamanca, huauquicunapura c'uyanacunami canguichij nishpaca mana quillcani.

Hebreos 12:14

Tucuicunahuan sumajta causanata mashcaichij, jucha illaj canapi catichij. Mana chashna cajca, Mandaj Jesustaca pipish manataj ricungachu.

Hebreos 13:1

Quiquin huauquindij shina caishuj chaishujhuan c'uyanacunataca amataj saquichijchu.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Pedro 2:17

Tucuicunahuan alli caichij. Huauquicunata c'uyaichij. Diosta manchaichij. Jatun mandajtapish cazuichij.

1 Pedro 3:8

Tucuimanta yallica, tucuicuna chai shinallataj cashcata yuyaichij. Llaquilla cajcunahuanpish llaquirij caichij. Quiquin huauquindij shina c'uyanacuichij, llaquijcuna caichij, caishuj chaishujhuanpish apanacujcuna caichij.

1 Pedro 4:8

Tucuimanta yallica, cancunapurapi tucui shunguhuan c'uyaj caichij. C'uyaica, achca juchacunatapish perdonachijmi.

2 Pedro 1:7

Diosta alli yuyarij cashpaca, quiquin huauquindij shina c'uyanacuj caichij. Quiquin huauquindij shina c'uyanacuj cashpaca, tucuicunata c'uyaj caichij.

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.

JUECES 9:26

Ebedpaj churi Gaalca, paipaj huauquicunandijmi Siquemman chayarcacuna. Siquempi causajcunaca, Gaalpimi shunguta churarcacuna.