GÉNESIS 13:7 - Dios Rimashca Shimicunami

⁷ Abrampaj michijcunahuan, Lotpaj michijcunahuanca p'iñanacunatami callarircacuna. Chai punllacunaca chai llajtapica cananeocuna, ferezeocunami causacurca.

GÉNESIS 13:7 Iomraidhean Croise

GÉNESIS 10:19

Cananeocunapaj llajtaca Sidón pueblomanta callarishpaca Gerarman rina ladota catishpa Gaza pueblocama, shinallataj Sodomaman, Gomorraman, Admaman, Zeboimman rina ladota catishpaca Lasa pueblocamami carca.

GÉNESIS 12:6

Abramca tucui chai llajtata rishpami, Siquempi caj More shuti pambapi caj encina yura c'uchuman chayarca. Chai llajtapica cananeocunami causarca.

GÉNESIS 21:25

Chashna nishpapish Abrahamca, Abimelecpajta rurajcuna shuj yacu pugyuta quichushcata yuyarishpami Abimelectaca rimarca.

GÉNESIS 26:20

Chai yacuta quichunacushpami, Gerarpi causajcunapaj michijcunahuan, Isaacpaj michijcunahuanca: “Ñucanchij yacumi” nishpa p'iñanacurcacuna. Chai pugyuta mitsanacushpa p'iñanacushcamantami Isaacca chai pugyutaca: “Esekta” shutichirca.

GÉNESIS 34:30

Chaimi Jacobca, Simeontapish Levitapish: –Cancuna chashna rurashpaca, ñucatamari cai llajtapi causaj cananeocunapi, ferezeocunapi p'iñaipi churashpa, jatun llaquipi churanguichij. Ñucaca ashalla gentecunatamari charini. Chaimanta cunanca paicuna tandanacushpami ñucatapish, ñuca huasi ucupuracunatapish huañuchishpa chingachingacuna– nircami.

GÉNESIS 46:34

cancunaca: Cambajta ruraj ñucanchijca ñucanchij ñaupa yayacuna shinallataj huambramantapacha animalcunata michishpa huiñachishpa causajcunami canchij nishpa huillanguichij. Chashna nishpallami, Gosenpica causai tucunguichij. Egipciocunapajca ovejacunata michij canaca yallitaj millananami– nishpami yachachirca.

NEHEMÍAS 5:9

Cashnapishmi nircani: “Quiquinpurallataj chashna ruranaca mana allichu. Ñucanchijta p'iñaj llajtacuna yanganchishpa asicunalla ama cangapajca ñucanchij Taita Diosta manchashpami causana canguichij.

ÉXODO 2:17

Ashtahuanpish michijcuna shamushpa paicunata anchuchishpa cachasha nijpimi, Moisesca jatarishpa paicunata mitsashpaca, chai solteracunapaj ovejacunamanraj yacuta ubyachirca.

PROVERBIOS 20:3

P'iñanacuipi yaicunata jarcarinaca, pitapish alli nishcatami ruran. Ashtahuanpish ch'ahuanyashcacunaca, p'iñanacuipi yaicunllami.

Marcos 3:25

Shuj huasipi causajcunapish quiquinpurallataj p'iñanacushpa chaupirinacujpica, chai huasi familiaca chingarinmanllami.

1 Corintios 3:3

Aicha munaitapish ruracujraj cashcamantami chashna canguichij. Chaimantami cancunapurapica huañurinacucunguichij, p'iñanacushpa rimanacucunguichij, chaupirinacucunguichij. Chashna cashpaca ¿manachu aicha munaita rurashpa mana crijcuna shinallataj puricunguichij?

Gálatas 5:20

rurashcalla dioscunata adorana, brujiana, p'iñanacushcalla causana, c'amina, huañurina, jahualla p'iñarina, p'iñanacuicuna, ch'icanyarinacuna, panda yachachicuna,

Colosenses 4:5

Yachaj cashcamanta, mana crijcunahuanca alli caichij. Paicunaman huillanalla cajpica huillaichijlla.

1 Tesalonicenses 4:12

Mana crijcunapish alli nishca cangapaj, imapish mana illaj cangapajmi chashna cana canguichij.

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.

Santiago 3:16

Huañurinacuna shujtajcuna shina cana tiyanpica, pandarinacuna, mana alli ruraicunallami chaipica tiyan.

Santiago 4:1

¿Maimantataj cancunapurapica macanacuicuna, c'aminacuicunaca shamun? ¿Manachu cancunapaj cuerpollapitaj mana alli yuyaicuna tiyashcamanta chaita rurachicun?

1 Pedro 2:12

Diosta mana rijsijcunapaj ñaupajpi alli causaichij. Chashna cajpimi, millaita rurajcunata shina cunan rimacujcunaca cancuna allita rurashcamantaca, imalla rurashcata Dios ricuchi punllapi paicunaca Diostaca allimari cangui ningacuna.