GÉNESIS 13:4 - Dios Rimashca Shimicunami

⁴ Mandaj Diosta adorana altarta rurashcallamantaj chayashpami Mandaj Diosta chaipi adorashpa mañarca.

GÉNESIS 13:4 Iomraidhean Croise

GÉNESIS 13:18

Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

GÉNESIS 26:25

Isaacca chaipipish shuj altarta rurashpami, Mandaj Diosta mañarca. Paipajpish carpa huasita shayachircami. Isaacpajta rurajcunapish shuj pugyutami chaipi allarcacuna.

GÉNESIS 4:26

Setca shuj c'ari huahuatami charirca. Chai huahuatami Enos shutita shutichirca. Chai punllamantapachami runacunaca, Mandaj Diosta yuyarinata callarirca.

SALMOS 107:1

Mandaj Diosta alabaichij. Paica allimari. Pai llaquij canaca huiñaipajmari.

SALMOS 107:15

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 107:8

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 116:17

Taita Diosmanca cantashcatami cuni. Mandaj Diospaj shutipimi cantani.

SALMOS 116:2

Ñuca mañajpica, paipaj rinrinta mañachishpami uyahuarca. Chaimanta ñuca tucui causaipimi mañacushalla.

SALMOS 145:18

Mandaj Diosca, tucui paita mañajcunapajca c'uchullapimi. Tucui shunguhuan paita mañajcunapajca c'uchullapimi.

SALMOS 26:8

Mandaj Dioslla, can maipi causan huasitamari c'uyani. Quiquin sumaj achij nicujhuan causacun ucutapish c'uyanimi.

SALMOS 84:10

Shuj punllallatapish quiquinpaj huasi canllapi canaca, huaranga punllacunata shujtajpi canata mai yalli allimari. Millaicuna causacunpi causanata agllanapaj randica, ñuca Taita Diospaj huasi pungupi canatami agllani.

ISAÍAS 58:9

Chaipica Mandaj Diosta mañanguimi, paica can mañashcata uyangami. Can caparishpa mañajpica paica: Caipimi cani ningami. Yugoshca shina llaquichicushcata saquijpi, dedohuan manchachinata saquijpi, yangata rimanata saquishpa,

JEREMÍAS 29:12

Chaipica ñucata mañanguichijllami. Ñucapajman shamushpa mañashcataca ñucapish uyashallami.

SOFONÍAS 3:9

Chai punllacunapica, tucuicunatami ima mapata mana rimaj c'allucunayujta rurasha. Chashna rurajpimi, tucuicuna Mandaj Dios ñucallata mañangacuna, tucuicunami tandalla ñucallata servingacuna.

1 Corintios 1:2

Corintopi caj Diospaj tandanacushca crijcunaman quillcanchij. Cristo Jesuspi shujlla tucujpi jucha illajta rurashca, jucha illaj cachun cayashcacunami canguichij. Ñucanchijta Mandaj Jesucristopaj shutipi, maipipish tucui mañajcunandijmi chashna canguichij. Paicunapajpish, ñucanchijpajpish Mandaj Jesusmi.