GÉNESIS 13:2 - Dios Rimashca Shimicunami

² Abramca achca animalcunayuj, achca cullquiyuj, achca curiyuj yallitaj charijmi carca.

GÉNESIS 13:2 Iomraidhean Croise

GÉNESIS 12:16

Faraonca Sarai huarmimantami Abrampaj allita rurashpa ovejacunata, vacacunata, burrocunata, camellocunata curca. Abrampajta ruraj cachunpish c'aricunata, huarmicunatami curca.

GÉNESIS 13:6

Paicuna tandalla causanapajca allpaca mana pajtarcachu. Paicunaca ishquindijtaj yallitaj charijcuna cashcamantami shujllapica mana causai tucurcacuna.

GÉNESIS 24:1

Abrahamca achca huatacunayuj, yallitaj yuyajmi carca. Mandaj Diosca Abrahamtaca tucuipimi bendiciarca.

GÉNESIS 24:35

Mandaj Diosmi ñuca amomanca achca allicunata cushpa achcata charijyachishca. Chaimi paica ovejacunata, vacacunata, cullquita, curita, paipajta ruraj c'aricunata, huarmicunata, camellocunata, burrocunatapish achcata charij tucurca.

GÉNESIS 26:14

Paica ovejacunatapish, vacacunatapish achca canllacunata, paipajta rurajcunatapish achcacunatami charirca. Chaimi filisteocunaca Isaactaca envidiarcacuna.

GÉNESIS 30:43

Chashnami Jacobca achcata charijyashpa catirca. Ovejacunata, camellocunata, burrocunata, paipajta ruraj c'aricunata, huarmicunatapishmi achcata charirca.

JOB 1:10

¿Manachu canllataj paitapish, paipaj familiacunandij, tucui imalla charishcacunatapish ama tuparichunllapish nishpa jarcaracungui? Paipaj maquihuan imata rurajpipish achcatamari bendiciangui. Chaimantami paipaj charinacunaca, allpapica yallitaj mirarishca.

JOB 1:3

Paipaj haciendapica, 7.000 ovejacunatapish, 3.000 camellocunatapish, 500 yunta huagracunatapish, 500 burrocunatapish, cullqui jahua servijcunatapishmi yallitaj achcata charirca. Inti llujshin ladopi causajcunapuramantaca, paillami yallitaj charij carca.

PROVERBIOS 10:22

Mandaj Diostaj cushca allicunaca charijyachinmi. Chaica ima llaquipipish mana churanchu.

Mateo 6:33

Chaimanta cancunaca Taita Dios mandashcaraj tucuichij. Pai munashca shina causajcunaraj tucuichij. Chashna cajpica, Taita Diosca imalla illashcacunataca cancunamanca ashtahuan mirachingallami.

DEUTERONOMIO 8:18

Ashtahuanpish chaicunata charichunca, Mandaj Dios cancunapaj Taita Dios fuerzata cushcatami manataj cungarina canguichij. Paimi charijyaj cachun fuerzata cujca. Paica cancunapaj ñaupa yayacunaman cushatajmi nishcata pajtachingapajmi cunan punlla cancunahuan chashna ruran.

1 Timoteo 4:8

Aichata cuyuchinapish, asha allimi. Ashtahuanca Taita Dios yuyailla canami tucuipaj alli. Paimi cai causaipajpish, shamuj causaipajpish cusha nishcata charin.

1 SAMUEL 2:7

Mandaj Diosmi huajchayachin. Paillatajmi charijyachin. Paillatajmi cumurichin. Paillatajmi jatunyachin.