GÉNESIS 13:18 - Dios Rimashca Shimicunami

¹⁸ Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

GÉNESIS 13:18 Iomraidhean Croise

GÉNESIS 13:4

Mandaj Diosta adorana altarta rurashcallamantaj chayashpami Mandaj Diosta chaipi adorashpa mañarca.

GÉNESIS 14:13

Macanacuimanta quishpirishpa rij shuj runami hebreo Abrammanca huillagrirca. Abramca amorreocunapura caj Mamre runapaj encina yuracuna tiyan allpapimi causacurca. Mamre runaca Escol, Aner runacunapaj huauquimi carca. Paicunaca Abramhuan shuj yuyailla tucushpa imatapish rurajcunami carca.

GÉNESIS 18:1

Mandaj Diosca Abrahammanca, Mamre shuti runapaj encina yuracuna tiyanpimi ricurirca. Abrahamca chaupi punlla shinata yallitaj rupachicujpimi, paipaj carpa huasi punguman llujshishpa tiyacurca.

GÉNESIS 22:9

Taita Dios ricuchishca urcuman ña chayashpaca, Abrahamca shuj altarta rurashpami, yantatapish allichishpa chai altar jahuapi churarca. Paipaj churi Isaactapish tsagnashpami chai yanta jahuapi churarca.

GÉNESIS 23:2

Saraca Canaán llajtapi caj Hebrón nishca Quiriat-arba pueblopimi huañurca. Chaimi Abrahamca Sara huañujpi llaquijlla tucushpa huacangapaj shamurca.

GÉNESIS 26:25

Isaacca chaipipish shuj altarta rurashpami, Mandaj Diosta mañarca. Paipajpish carpa huasita shayachircami. Isaacpajta rurajcunapish shuj pugyutami chaipi allarcacuna.

GÉNESIS 35:27

Jacobca paipaj yaya Isaacta ricungapajmi paipaj yaya causacun Arba pueblopi caj Mamreman rirca. Chai puebloca Abraham Isaac causashca Hebrón pueblomi.

GÉNESIS 37:14

Yaya Israelca Josetaca: –Cunanca cambaj huauquicunapish, ovejacunapish ima shinalla cashcata ñuca yachangapaj ricushpa tigramugri– nishpami paitaca Hebrón pambamanta cachajpi Joseca Siquemman chayarca.

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

2 SAMUEL 2:1

Chai q'uipami Davidca Mandaj Diostaca: –Judá llajtapi tiyaj ¿maijan pueblocunaman huichiyashachu?– nishpa tapujpi Mandaj Diosca: –Huichiyailla– nirca. Cutinllatajmi Davidca: –¿Maimantaj huichiyasha?– nijpi Mandaj Diosca: –Hebronman huichiyai– nirca.

SALMOS 16:8

Ñucaca tucui imapipish Mandaj Diostami puntapi churani. Chaimanta pai ñuca alli ladopi cajpi, pi mana cuyuchingachu.

NÚMEROS 13:22

Neguevman huichiyashpaca, Hebroncamami chayarcacuna. Chaipica Ahimán, Sesai, Talmai shuti runacunami causarca. Paicunaca Anacpaj churicunami carca. Hebrón puebloca Egipto llajtapi caj Zoán pueblota callarichinapaj canchis huata ñaupaman callarichishcami carca.

1 Timoteo 2:8

Runacunaca jucha illaj maquicunata chutashpa, mana p'iñarishca, mana p'iñanacushca yuyaihuan maipi cashpapish, Taita Diosta mañachunmi munani.

Hebreos 11:9

Crishcamantami Abrahamca Dios cusha nishca llajtapica, shujtaj llajtamanta caj shina causashca. Chai llajtallapitajmi ñaupa yaya Isaacpish, Jacobpish yaya Abrahamman Dios cusha nishcallatataj japijcuna cashpa, carpa huasicunapi causashcacuna.

JOSUÉ 14:13

Chaimi Josueca, Jefonepaj churi Calebtaca can nishcataca Dios alli nichun nishpa, pai japina cashca Hebrón llajtataca paipajpish, paipaj huahuacunapajpish cachun curca.

JOSUÉ 15:13

Jefonepaj churi Calebmanca Mandaj Dios mandashca shinallatajmi Josueca Judá aillupura japishca llajtallapitaj allpacunata curca. Anacpaj yaya shayachishca Quiriat-arba pueblotami curca. Chai puebloca Hebronmi.