GÉNESIS 13:13 - Dios Rimashca Shimicunami

¹³ Sodomapi causajcunaca mana allita rurajcuna cashcamanta yallitaj millaillata rurashpa Mandaj Diosta p'iñachijcunami carca.

GÉNESIS 13:13 Iomraidhean Croise

GÉNESIS 10:9

Nimrodca Mandaj Diospaj ñaupajpica, animalcunata japishpa huañuchij c'ari c'ari runami carca. Chaimantami: “Nimrod shina animalcunata japishpa huañuchij c'ari c'ari runa Mandaj Diospaj ñaupajpica caichigari” nincuna.

GÉNESIS 15:16

Amorreocunaca manaraj yallitaj millaita rurancunachu. Chashna cashcamanta cambaj huahua huahuacunaca chuscu yayacunapaj q'uipami tigramungacuna– nircami.

GÉNESIS 18:20

Chaipimi Mandaj Diosca Abrahammanca: –Sodoma, Gomorra pueblopi causajcuna yallitaj millaita rurashcacunataca ashtahuan ashtahuanmi caparishpa huillacun. Paicunaca yallitaj jatun millaitami rurashcacuna.

GÉNESIS 19:13

Cai pueblotaca chingachigrinchijmi. Cai pueblopi causajcuna yallitaj millaita rurashcata caparishpa huillashcami Mandaj Diospajman chayarca. Chaimi Mandaj Diosca cai pueblota chingachichun ñucanchijta cacharca– nircacunami.

GÉNESIS 38:7

Judapaj punta churi Erca Mandaj Diospaj ñaupajpi millai cajpimi, Mandaj Diosca paipaj causaita quichurca.

GÉNESIS 39:9

Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

GÉNESIS 6:11

Taita Diospaj ñaupajpica cai pachaca yallitaj llaqui, millanana ruraicunahuan jundami carca.

2 REYES 21:6

Manasesca paipaj churitapish rurashcalla diosman cushpami rupachirca. Imalla punllacunapi imalla tucunata yachaj canata, brujo canata, muspachij yumbu canata, adivinaj canata yachanatapishmi churarca. Chashna pai rurashcacunahuan yallitaj millaita mirachishpami Mandaj Diostaca p'iñachirca.

ISAÍAS 1:9

Tucuita Mandaj Dios ñucanchijta ashallatapish mana saquishca cajpica, p'ichillatapish mana puchuchishca cajpica, Sodoma pueblo shina illanchijmanmi. Gomorra pueblo shina mana tiyanchijmanchu.

JEREMÍAS 23:14

Jerusalén pueblopi huillajcunatapish mancharina millaita rurajtami ricuni. Paicunaca huainayashpami purincuna, imatapish llullashpa umancunapishmi. Chashna rurashpami alliman ama pi cutirichunca, paicunallataj millai causaita ashtahuan yachachincuna. Tucui ñucamanta huillajcunapish, Jerusalenpi causajcunapish ñuca ñaupajpica Sodoma, Gomorra shuti pueblocunapi causajcuna shinami” ninmi.

JEREMÍAS 23:24

Mandaj Diosca cashnapishmi nin: “¿Pitaj ñuca mana ricunapi miticui tucungari? Ñucaca tucui jahua pachapipish, cai pachapipish jundamari cani. Mandaj Diostajmi chashna nini.

NÚMEROS 32:23

Ashtahuanpish cancuna nishcata mana pajtachishpaca, Mandaj Diospaj ñaupajpimi juchallinguichij. Cancunapaj juchallataj cancunata llaquichina cashcataca yachanguichijmi.

Mateo 9:10

Chaimanta rishpa, Jesusca Mateopaj huasipi mizapi micushpa tiyacujpica, impuestota japijcunapish, juchayujcunapish achcacuna chayashpami Jesusndij paipaj yachacujcunandij mizapi micungapaj tandalla tiyarircacuna.

Mateo 9:13

“Sacrificiocunataca mana ninichu. Ashtahuanpish llaquij cachunmi munani” nishcaca imata nisha nishcataraj yachamugrichij. Ñucaca cashcata rurajcunataca mana cayaj shamurcanichu. Ashtahuanpish mana allita ruracushcata saquishpa cutirichunmi cayaj shamurcani– nircami.

Juan 9:24

Shina nijpimi mana ricuj cashca runata cutin cayashpaca: –¡Taita Dios ricucunmi ama llullashpa ñucanchijman huillai! Ñucanchijca chai runataca juchayuj cashcatami yachanchij– nircacuna.

Juan 9:31

Taita Diosca juchayujcunataca mana uyaj cashcataca yachanchijmi. Pipish Taita Diosta manchaj, Taita Diospaj munaita rurajllatami uyan.

Romanos 1:27

Shinallatajmi c'aricunapish huarmihuan ruranata saquishpa, caishuj chaishuj millaita ruranaihuan huañucurcacuna. Chashna cashpami c'aripurallataj pinganayaj, manapish rurana cashcata rurashcamantaca paicunapaj aichallapitaj llaquita apanataca chasquincuna.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

2 Pedro 2:10

Aicha munaillata rurashpa cushicujcunata, millananata rurajcunata, Dios mandacuntapish yanganchijcunatami llaquichinga. Paicunaca jatun tucushcacuna, c'ariyajcuna cashpami jahua pacha jatun mandajcunatapish mana manchashpa millaita rimancuna.

Judas 1:7

Sodoma, Gomorra pueblocunapish chai c'uchullapi caj pueblocunapish chai angelcuna shinallatajmi tucushcacuna. Paicunaca huainayana yuyaillahuan cashpami, c'aricunapurallataj, huarmicunapurallataj mana rurana cashca pinganayaj millaita rurashcacuna. Chaimantami shujtajcunapish ama paicuna shina cachun yuyachingapaj, huiñaipaj ninahuan chaicunataca llaquichishca.

1 SAMUEL 15:18

Mandaj Diosca cantaca: Juchata ruraj amaleccunahuan macanacushpaca tucui paicunata tucuringacama chingachina yuyaihuan richunmi cantaca cacharca.

1 SAMUEL 2:17

Chai q'uipa huiñaicuna Mandaj Diosman cushcacunata yangata rurashcamantaca paicunapaj juchaca Mandaj Diospaj ñaupajpica yallitaj millaimi carca.