GÉNESIS 12:8 - Dios Rimashca Shimicunami

⁸ Chaimanta rishpaca Bet-elmanta inti llujshin ladoman caj shuj urcuman rishpami, paipaj carpa huasita chaipi shayachishpa tiyarirca. Pai tiyacunmantaca Bet-elca inti huashicun ladomanmi carca. Hai puebloca inti llujshin ladomanmi carca. Chaipipish Mandaj Diospaj shuj altarta rurashpami, Mandaj Diospaj shutipi mañarca.

GÉNESIS 12:8 Iomraidhean Croise

GÉNESIS 13:18

Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

GÉNESIS 13:3

Abramca Neguevmantaca asha asha caipi chaipi causashpami Bet-elcama rirca. Bet-elhuan, Haihuan chaupipi ñaupaman pai carpa huasita shayachishcallamantaj,

GÉNESIS 13:4

Mandaj Diosta adorana altarta rurashcallamantaj chayashpami Mandaj Diosta chaipi adorashpa mañarca.

GÉNESIS 21:33

Abrahamca Beerseba pambapi shuj tamarisco yurata tarpushpami, huiñaita causacuj Mandaj Taita Diosta chaipi mañaj carca.

GÉNESIS 22:9

Taita Dios ricuchishca urcuman ña chayashpaca, Abrahamca shuj altarta rurashpami, yantatapish allichishpa chai altar jahuapi churarca. Paipaj churi Isaactapish tsagnashpami chai yanta jahuapi churarca.

GÉNESIS 26:25

Isaacca chaipipish shuj altarta rurashpami, Mandaj Diosta mañarca. Paipajpish carpa huasita shayachircami. Isaacpajta rurajcunapish shuj pugyutami chaipi allarcacuna.

GÉNESIS 28:19

Ñaupamanca chai puebloca, Luz shuti cashca cajpipish, Jacobca chaitaca, Bet-el shutitami shutichirca.

GÉNESIS 31:25

Labanca, Galaad urcupi maipimi carpa huasicunata shayachishpa Jacob tiyacun chaipi cati japishpami paipish carpa huasicunata shayachishpa paipaj familiacunandij chaipi tiyarirca.

GÉNESIS 33:20

Shuj altarta chaipi rurashpaca, “El-Elohe-Israeltami” shutichirca.

GÉNESIS 35:3

Cunanca Bet-elman huichiyashunchij. Taita Diosca ñuca llaquilla puricujpipish tucui ñanpimi ñucataca huaquichihuarca. Paita pagui ningapajmi, ñucaca chaipi shuj altarta Taita Diospaj ruragrini– nirca.

GÉNESIS 35:7

Chaiman chayashpaca, chaipi shuj altarta rurashpami, chai pambataca El-bet-elta shutichirca. Paipaj huauquita miticushpa ricujpi Taita Dios chaipi paiman ricurishcamantami chai shutita shutichirca.

GÉNESIS 4:26

Setca shuj c'ari huahuatami charirca. Chai huahuatami Enos shutita shutichirca. Chai punllamantapachami runacunaca, Mandaj Diosta yuyarinata callarirca.

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

NEHEMÍAS 11:31

Benjaminpaj huahua huahuacunaca Gebamanta callarishpaca Micmaspi, Aiapi, Bet-elpi, chai muyundij llajtacunapi,

SALMOS 116:4

Chaimi ñucaca Mandaj Diospaj shutipi: “Mandaj Dioslla, ñucata quishpichihuayari” nishpa mañarcani.

ÉXODO 17:15

Moisesca shuj altarta rurashpa, chai altartaca: Jehová– nisi shutita shutichishpami,

ISAÍAS 10:28

Ajat pueblocama shamushpaca, Migrón pueblocamami rirca. Micmas pueblopimi soldadocunata yuparca.

JOEL 2:32

Mandaj Diosta mañajcunallami quishpiringacuna. Mandaj Dios nishca shinallatajmi Sión urcupi, Jerusalenpica quishpirina tiyanga. Chaipica israelcunapuramantaca, Mandaj Dios cayashcacunallami saquiringacuna.

Hechos 2:21

Chaipica Mandaj Jesuspaj shutipi maijanpish mañajca quishpichishcami canga” ninmi.

1 Corintios 1:2

Corintopi caj Diospaj tandanacushca crijcunaman quillcanchij. Cristo Jesuspi shujlla tucujpi jucha illajta rurashca, jucha illaj cachun cayashcacunami canguichij. Ñucanchijta Mandaj Jesucristopaj shutipi, maipipish tucui mañajcunandijmi chashna canguichij. Paicunapajpish, ñucanchijpajpish Mandaj Jesusmi.

Hebreos 11:9

Crishcamantami Abrahamca Dios cusha nishca llajtapica, shujtaj llajtamanta caj shina causashca. Chai llajtallapitajmi ñaupa yaya Isaacpish, Jacobpish yaya Abrahamman Dios cusha nishcallatataj japijcuna cashpa, carpa huasicunapi causashcacuna.

JOSUÉ 18:22

Bet-arabá, Zemaraim, Bet-el,

JOSUÉ 22:10

Rubén aillupish, Gad aillupish, Manasespaj chaupi aillupish Canaanpaj linde Jordán yacu uriman chayashpaca, chai uripimi shuj jatun altarta rurarcacuna.

JOSUÉ 7:2

Chai q'uipami Josueca Jericomanta Hai puebloman maijan runacunata cacharca. Chai puebloca, Bet-el pueblomanta inti llujshin ladoman caj Bet-avén pueblo c'uchullapimi carca. Paicunataca cashna nishpami cacharca: “Hai puebloman huichiyashpa chai pueblo ima shinalla cashcata ricumugrichij” nijpi, paicuna Hai puebloman huichiyashpaca ima shinalla cashcatami ricurcacuna.

JOSUÉ 8:12

Chaipi cashpami Josueca, Hai pueblomanta inti huashicun ladoman caj Bet-el pueblo ladomanca, 5.000 shina soldadocunataca pacalla chapachun churarca.

JOSUÉ 8:17

Hai pueblopi causajcunapish, Bet-el pueblopi causajcunapish c'aricunaca shujllapish mana saquirishpami israelcunata catishpa, pueblo pungucunatapish pascashcata shitashpa rircacuna.

JOSUÉ 8:3

Chaimi Josueca Hai pueblopi causajcunahuan macanacungapaj huichiyangapajca 30.000 c'ari c'ari runacunata agllashpa, Hai puebloman tuta cachashpa,

JOSUÉ 8:30

Josueca, Ebal urcupimi israelcunata Mandaj Diospaj shuj altarta rurarca.

JOSUÉ 8:9

Josué chashna mandashpa cachajpi paicuna rishpaca Bet-el pueblohuan, Hai pueblohuan chaupipi miticushpa chapanamanmi rircacuna. Hai pueblomantaca inti huashicun ladomanmi miticurcacuna. Josueca chai tutaca carpa huasicuna maipi canllapitajmi israelcunahuan pacarirca.

JUECES 6:24

Chaipica Gedeonca, Mandaj Diospaj shuj altarta shayachishpami: “Mandaj Diosca sumaj causaita cujmi” nishcata shutichirca. Abiezeritacuna causacun Ofra pueblopi shayachishca altarca cunancamami shayacunraj.

1 SAMUEL 30:27

Chai quichumushcacunataca Bet-elpi causajcunamanpish, Ramotpi caj Neguevpi causajcunamanpish, Jatirpi causajcunamanpish,