GÉNESIS 12:7 - Dios Rimashca Shimicunami

⁷ Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 12:7 Iomraidhean Croise

GÉNESIS 12:8

Chaimanta rishpaca Bet-elmanta inti llujshin ladoman caj shuj urcuman rishpami, paipaj carpa huasita chaipi shayachishpa tiyarirca. Pai tiyacunmantaca Bet-elca inti huashicun ladomanmi carca. Hai puebloca inti llujshin ladomanmi carca. Chaipipish Mandaj Diospaj shuj altarta rurashpami, Mandaj Diospaj shutipi mañarca.

GÉNESIS 13:15

Can maillata ricushca llajtacunataca canmanpish, cambaj huahua huahuacunamanpishmi huiñaipaj cusha.

GÉNESIS 13:17

Jatari, tucui cai llajtataca largotapish, anchotapish purishpa ricui. Cai llajtataca canmanmi cuni” nirca.

GÉNESIS 13:18

Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

GÉNESIS 13:4

Mandaj Diosta adorana altarta rurashcallamantaj chayashpami Mandaj Diosta chaipi adorashpa mañarca.

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 17:3

Chaimi Abramca cungurishpa pambaman tupajta cumurijpi, Taita Diosca cashnapish nircaraj:

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 18:1

Mandaj Diosca Abrahammanca, Mamre shuti runapaj encina yuracuna tiyanpimi ricurirca. Abrahamca chaupi punlla shinata yallitaj rupachicujpimi, paipaj carpa huasi punguman llujshishpa tiyacurca.

GÉNESIS 22:9

Taita Dios ricuchishca urcuman ña chayashpaca, Abrahamca shuj altarta rurashpami, yantatapish allichishpa chai altar jahuapi churarca. Paipaj churi Isaactapish tsagnashpami chai yanta jahuapi churarca.

GÉNESIS 24:7

Ñucataca jahua pacha Mandaj Taita Diosmi ñuca yayapaj huasimanta, ñuca familiacunapuramanta pushamushpa ñucamanca: “Cai llajtataca cambaj huahua huahuacunaman cushatajmi” nirca. Ñuca churipaj shuj huarmita chai llajtamanta pushamuchunpish pai Diosllatajmi paipaj angelta canta ñaupachishpa cachanga.

GÉNESIS 26:25

Isaacca chaipipish shuj altarta rurashpami, Mandaj Diosta mañarca. Paipajpish carpa huasita shayachircami. Isaacpajta rurajcunapish shuj pugyutami chaipi allarcacuna.

GÉNESIS 26:3

Chai llajtapica ashacamalla causangui. Ñucami canhuanca casha. Tucui ima allicunatapish cushami. Ashtahuanpish canman, cambaj huahua huahuacunamanmi tucui chai llajtacunataca cusha. Chashna rurashpami, cambaj yaya Abrahamman cushatajmi nishcataca pajtachisha.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 28:4

Abrahamta alli cashca cachun nishcallatataj canmanpish, cambaj huahua huahuacunamanpish cuchun. Taita Dios Abrahamman cushca cunan ñucanchij causacun llajtataca chashnami quiquin allpataj tucungacama doñoyashpa catingacuna” nircami.

GÉNESIS 32:30

Chaimi Jacobca chai pambataca: “Taita Diosta ñahui ñahui ricushpapish, manarajmari huañunichu” nishpa Penielta shutichirca.

GÉNESIS 33:20

Shuj altarta chaipi rurashpaca, “El-Elohe-Israeltami” shutichirca.

GÉNESIS 35:12

Abrahamman, Isaacman cushca llajtataca canman, cambaj huahua huahuacunamanpishmi cusha” nircami.

GÉNESIS 35:7

Chaiman chayashpaca, chaipi shuj altarta rurashpami, chai pambataca El-bet-elta shutichirca. Paipaj huauquita miticushpa ricujpi Taita Dios chaipi paiman ricurishcamantami chai shutita shutichirca.

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

2 SAMUEL 24:25

Chaipimi Davidca Mandaj Diospaj shuj altarta rurashpa, Diosman cushpa tucui rupachinatapish, Mandaj Dioshuan alli cangapaj cuna cashcatapish cushpa rupachirca. Chaimi Mandaj Diosca, cai pachamanta mañashcata uyashpa, israelcunata llaquichicun llaquitaca chaillapi parachirca.

1 REYES 18:32

Mandaj Diospajlla altarta chai rumicunahuan allichishpaca, chai altar muyundijpica uchilla larcatami rurarca. Chai larcaca, ishqui arroba granota apaipaj shinami carca.

1 CRÓNICAS 16:16

Abrahammanmari chashnatajmi rurasha nirca. Isaacmanpish rurashatajmi nishpami huillarca.

1 CRÓNICAS 16:18

nishpaca: Canaán llajtataca canmanmi cusha. Cambaj allpa cachunmi cusha nircami.

2 CRÓNICAS 20:11

Chashna allita rurashcamantaca, cunanca mana allitamari cutichincuna. Ñucanchijpaj cachun can cushca cai llajtamanta llujshichishpa cachangapajmari shamushcacuna.

2 CRÓNICAS 20:7

Ñucanchij Dioslla, canmari cai llajtapi causajcunataca, can agllashca israelcunapaj ñaupajpi shamushpa cai llajtamanta llujshichishpa cachashcangui. Chashna rurashpaca cai llajtataca, cutinca ama shujtajcunapaj cachunmi canhuan alli apanacuj Abrahampaj huahua huahua israelcunaman cushcangui.

ESDRAS 3:2

Chaipimi Josadacpaj churi Jesuaca, caishuj curacunandij, Salatielpaj churi Zorobabelpish paipaj familiacunandij tucushpa israelcunata Mandaj Diospaj altarta shayachina tucurcacuna. Diospaj runa Moisés mandashpa quillcashcapi nishca shinallataj chai altar jahuapi Mandaj Diosman cushpa tucui rupachingapajmi chashna rurarcacuna.

ÉXODO 17:15

Moisesca shuj altarta rurashpa, chai altartaca: Jehová– nisi shutita shutichishpami,

ÉXODO 24:4

Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

ÉXODO 33:1

Mandaj Diosca Moisestaca: –Egiptomanta can llujshichimushca israelcunata pushashpa huichi rilla. Abrahamman, Isaacman, Jacobmanca: Cai llajtataca cambaj huahua huahuacunamanmi cushatajmi nircani. Israelcunataca chaiman pushashpa rilla.

ÉXODO 6:3

Abrahamman, Isaacman, Jacobman ricurishpaca Ñucalla Tucuita Rurai Tucuj Dios cashcatami ricuchircani. Ashtahuanpish paicunamanca ñuca shuti, MANDAJ DIOS cashcataca mana huillarcanichu.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

JEREMÍAS 3:18

Chai punllacunapica Judá llajtapi causajcunaca, Israel llajtapi causajcunahuan tandanacungallami. Chashna causangapajca janaj lado llajtamantami cancunapaj ñaupa yayacunaman ñuca cushca llajtaman tandalla shamungacuna.

NÚMEROS 26:53

“Shuticunata quillcashpa yupashca israelcunamanca, ima shina shuticunata quillcashca shinallataj allpata chaupishpa cungui.

NÚMEROS 32:11

“Egiptomanta llujshimujcunaca ishqui chunga huatayujmanta huichiman cajcunaca Abrahamman, Isaacman, Jacobman Mandaj Dios cushca llajtataca mana ricungacunachu. Mandaj Diospi mana shunguta churashcamantami mana ricungacuna.

Hechos 7:5

Cai llajtapica paimanca chaqui saruillatapish allpataca mana curcachu. Ashtahuanpish chai punllacunapica Abrahamca huahua illajlla cajpipish Taita Diosca: “Can huañushca qu'ipa cambaj huahua huahuacunamanmi cai allpataca cusha” nircami.

Romanos 9:8

Cashnami nisha nin: Aicha munaillamanta huahuacunaca, mana Diospaj huahuacunatajchu. Ashtahuanpish Dios cushami nishcamanta huahua huahuacunami, paipaj huahuacunatajca.

Gálatas 3:16

Chai shinallatajmi Abrahamman, paipaj huahua huahuaman Diosca cusha nirca. Achcacunaman nij shinaca, mana: “Huahua huahuaman” ninchu. Ashtahuanpish shujta nij shinallami: “Quiquinpaj huahuaman” nin. Chaica Cristomi.

Gálatas 4:28

Chaimanta huauquicuna, ñucanchijca Isaac shinamari, Dios cusha nishcamanta huahuacuna canchij.

DEUTERONOMIO 1:8

Riquichij, chai llajtataca ñucaca ñami cancunaman cuni. Chaitaca cancunapaj ñaupa yaya Abraham, Isaac, Jacobman paicunapaj q'uipa huahua huahuacunamanmi ñuca shimihuantaj cushatajmi nircani. Cancunaca chai llajtaman yaicushpa cancunapajtaj cachun japigrichijlla ninmi” nircami.

DEUTERONOMIO 30:20

Mandaj Dios cancunapaj Taita Diosta c'uyashpa, paita cazushpa paita catishpa causachunmi mandani. Paimantami cancunaca Mandaj Dios cancunapaj Taita Dios cancunapaj ñaupa yaya Abrahamman, Isaacman, Jacobman cushatajmi nishca llajtapica unita causanguichij' nircami.

DEUTERONOMIO 34:4

Mandaj Diosca Moisestaca: “Abrahamman, Isaacman, Jacobmanca: Cai llajtatami cambaj huahua huahuacunamanca cusha” nircani. Chai llajtaman yaicuchun mana saquishpapish cambaj quiquin ñahuihuan ricuchunmi saquini nircami.

DEUTERONOMIO 6:10

Cancunapaj ñaupa yaya Abrahamman, Isaacman, Jacobman cusha nishca llajtaman Mandaj Dios cancunapaj Taita Dios cancunata chayachijpica, cancuna manapish shayachishca jatun alli pueblocunatami japinguichij.

DEUTERONOMIO 9:5

Cancuna cashcata ruraj cashcamanta, ima pandata mana yuyajcuna cashcamantaca chaicunapaj llajtataca cancunapaj cachun japinamanca mana yaicunguichijchu. Ashtahuanpish Mandaj Diosca chai llajtapi causajcunataca Diosta mana rijsij millaicuna cajpimi cancunapaj ñaupajmanta llujshichinga. Mandaj Diosca cancunapaj ñaupa yaya Abrahamman, Isaacman, Jacobman chashna rurashami nishcata pajtachingapajmi chashna ruranga.

Hebreos 11:13

Ñaupa yayacunaca, tucuicunami paicunaman Dios cusha nishcata manaraj japishpapish cunataj cashcata crij huañushcacuna. Paicunaca ima shina crishca shinallataj cashcatami carullamanta ricushpa cushicushcacuna. Chaimantami cai pachapica shujtaj llajtamanta caj shinalla puricujllacuna cashcata huillashcacuna.

Hebreos 11:8

Crishcamantami Abrahampish Dios cayajpica, cazushpa paiman cuna cashca llajtata japinamanca, maiman ricushcata mana yachashpapish, paipaj llajtamanta llujshishpa rircalla.

JOSUÉ 1:6

Cancunapaj ñaupa yayacunaman ñuca cusha nishca allpata japinataca, c'ari c'ari tucushpa, ama manchaichu. Chai allpataca, tucui israelcunaman canmi chaupishpa cungui.

JOSUÉ 22:10

Rubén aillupish, Gad aillupish, Manasespaj chaupi aillupish Canaanpaj linde Jordán yacu uriman chayashpaca, chai uripimi shuj jatun altarta rurarcacuna.

JOSUÉ 8:30

Josueca, Ebal urcupimi israelcunata Mandaj Diospaj shuj altarta rurarca.

JUECES 6:24

Chaipica Gedeonca, Mandaj Diospaj shuj altarta shayachishpami: “Mandaj Diosca sumaj causaita cujmi” nishcata shutichirca. Abiezeritacuna causacun Ofra pueblopi shayachishca altarca cunancamami shayacunraj.

1 SAMUEL 7:17

Chaimantaca Ramá pueblopi caj paipaj huasimanmi tigrajlla carca. Paica chaipimi israelcunapurapi ima allichinatapish allichij carca. Chaipica Mandaj Diospaj shuj altartapishmi rurarca.