GÉNESIS 12:6 - Dios Rimashca Shimicunami

⁶ Abramca tucui chai llajtata rishpami, Siquempi caj More shuti pambapi caj encina yura c'uchuman chayarca. Chai llajtapica cananeocunami causarca.

GÉNESIS 12:6 Iomraidhean Croise

GÉNESIS 10:15

Canaanca Sidón, Het shuti churicunatami charirca. Canaanpaj punta churica Sidonmi carca.

GÉNESIS 13:7

Abrampaj michijcunahuan, Lotpaj michijcunahuanca p'iñanacunatami callarircacuna. Chai punllacunaca chai llajtapica cananeocuna, ferezeocunami causacurca.

GÉNESIS 33:18

Jacobca Padan-arammanta tigrashpaca Canaanpi caj Siquem puebloman ima mana tucushca alli chayashcamantami, chai pueblo ch'imbapurallapi causanata callarirca.

GÉNESIS 34:2

Paitaca chai llajtata mandaj heveo Hamorpaj churi Siquem moso ricushpami mana nicujllatataj pushashpa paihuan dormishpa pingaichirca.

GÉNESIS 34:30

Chaimi Jacobca, Simeontapish Levitapish: –Cancuna chashna rurashpaca, ñucatamari cai llajtapi causaj cananeocunapi, ferezeocunapi p'iñaipi churashpa, jatun llaquipi churanguichij. Ñucaca ashalla gentecunatamari charini. Chaimanta cunanca paicuna tandanacushpami ñucatapish, ñuca huasi ucupuracunatapish huañuchishpa chingachingacuna– nircami.

GÉNESIS 35:4

Chaimi paicunaca rurashcalla shujtaj dioscunatapish, rinrinpi aparishca zarcillocunatapish Jacobman tucuita curcacuna. Jacobca paicuna cushcacunataca, Siquem pambapi caj encina yura ucupimi pambashpa pacarca.

1 REYES 12:1

Roboamca, jatun mandaj cachun paita churangapaj tucui israelcuna Siquempi tandanacujpimi, chaiman rirca.

1 REYES 12:25

Jeroboamca, Efraín urcupi caj Siquem pueblota allichishpami chaipi causarca. Chaimanta llujshishpaca, Penuel pueblotami allichirca.

SALMOS 60:6

Taita Diosca paipajlla ucupica cashnami nirca: “Ñucaca cushicushami. Siquem llajtataca chaupishami. Sucot pugru pambataca medishami.

OSEAS 6:9

Siquemman rina ñanpi shuhuacuna tandanacushca chapashpa maijanta huañuchij shinami, tandanacushca curacunapish huañuchincuna. Chashna rurashpami paicunaca yallitaj millananata rurancuna.

Juan 4:5

Samariaman rishpaca Sicar nishca shuj pueblomanmi chayagrirca. Chai puebloca, yaya Jacob paipaj churi Joseman cushca allpa c'uchullapimi carca.

Hechos 7:16

Paicunapaj tullucunataca, Siquem llajtamanmi apamurcacuna. Chai Siquem llajtapimi Abrahamca, Hamorpaj churicunaman pambana jutcundij allpataca randishca carca. Chai jutcupimi tullucunataca churarcacuna.

DEUTERONOMIO 11:30

Chai urcucunaca Jordán ch'imbanij Arabapi causaj cananeocunapaj llajtapimi. Cananeocunapaj llajtata pasaj inti huashicun lado ñan huashanijpimi. Encina yuracuna tiyan More jatun pamba, Gilgal pueblo ch'imbapurapimi.

Hebreos 11:9

Crishcamantami Abrahamca Dios cusha nishca llajtapica, shujtaj llajtamanta caj shina causashca. Chai llajtallapitajmi ñaupa yaya Isaacpish, Jacobpish yaya Abrahamman Dios cusha nishcallatataj japijcuna cashpa, carpa huasicunapi causashcacuna.

JOSUÉ 20:7

Shina nijpi paicunaca cai pueblocunatami agllarcacuna: Neftalipaj urcupi caj Galileapica, Cedes pueblota, Efrainpaj urcupica, Siquem pueblota, Judapaj urcupica, Quiriat-arba nishca Hebrón pueblotami agllarcacuna.

JOSUÉ 24:32

Israelcunaca Egiptomanta apamushca Josepaj tullucunataca, Siquem pueblopimi pambarcacuna. Chai allpataca yaya Jacobmi, Siquem shuti runapaj yaya Hamorman patsaj cullquipi randirca. Chai allpacunami Josepaj huahuacunapaj tucurca.

JUECES 7:1

Jerobaal nishca Gedeonca, tucui paihuan cajcunandij tutamanta utcata jatarishpa rishpaca, Harod yacu pugyu c'uchupi carpa huasicunata shayachishpami tiyarircacuna. Madianitacunapaj carpa huasicunaca More loma janaj ladoman caj pugru pambapimi carca.

JUECES 9:1

Jerobaal nishca Gedeonpaj churi Abimelecca, paipaj mamapaj turicunapajman Siquem puebloman rishpami, paicunatapish, paipaj mamapaj, yayapaj tucui familiacunatapish cashna nirca: