18 Chaimi faraonca Abramta cayachishpaca: “Canca ñucahuanca ¿imatataj rurashcanguichu imamí? ¿Ima nishpataj cambaj huarmi cashcataca mana huillarcangui?
Ima nishpataj: Ñuca panillami nircangui. Ñuca huarmi cachun ñuca japishca cajpica, ima shinataj canman carca. Cunanca caipimi cambaj huarmi, paita pushashpa caimanta ri” nirca.
Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.
Cayandij tutamanta Jacob ricushpaca, paihuan dormishpa pacarijca Lealla cashcata ricushpami Labantaca: –Canca ñucataca ¿imatataj rurashcanguichu, imamí? ¿Manachu ñucaca Raquelmanta cambajta rurashpa causarcani? ¿Ima nishpataj chashna umarcanguiyari?– nirca.
Chaimi Mandaj Taita Diosca Evataca: –¿Imatataj rurashcanguichu imamí?– nijpi Evaca: –Culebra umajpimari micurcani– nirca.
Chaipimi Labanca, Jacobtaca: –¿Imatataj rurashcanguichu, imamí? ¿Ima nishpataj ñucapaj pacalla, ñuca ushushicunataca jatun macanacuipi mishashpa prezu apajcuna shina pushamurcangui?
Mandaj Diosca, Caintaca: –¿Imatataj rurarcanguiyari? Cambaj huauquipaj yahuarmi ñucataca allpamanta caparicun.
Chaimi Joseca paicunataca: –¿Ima ruranatataj rurashcanguichijchu, imamí? Ñuca shina mandajca imatapish yachai tucuj cashcataca ¿manachu yacharcanguichij?– nirca.
Chaimi jatun mandajpajman Joab rishpaca: –¿Imatataj rurarcangui? Abner cambajman shamujpica ¿ima nishpataj richun saquircanguilla?
Chaipimi Moisesca Aarontaca: –Cai gentecunapajman cai jatun juchata apamuchunca paicunaca cantaca ¿imatataj rurarcari?– nirca.
Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.
Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.
Ashtahuanca cancunaca cai llajtapi causajcunahuan, imata mana ari ninacushpa, paicunapaj altarcunatapish tucui urmachinallami canguichij nircani. Ashtahuanpish cancunaca ñuca mandashcataca manamari uyashcanguichijchu. Riqui manamari chashna rurashcanguichijchu.
Chaimi Saulca Jonatantaca: –¿Imatataj rurarcangui? huillai– nijpi Jonatanca: –Mana pacashpami huillana cani. Ñuca apamucushca caspi puntahuanmi sacha chuspi huachashca asha mishquita japishpa micurcani. ¿Chaimantatajchari huañushari?– nirca.