GÉNESIS 12:16 - Dios Rimashca Shimicunami

¹⁶ Faraonca Sarai huarmimantami Abrampaj allita rurashpa ovejacunata, vacacunata, burrocunata, camellocunata curca. Abrampajta ruraj cachunpish c'aricunata, huarmicunatami curca.

GÉNESIS 12:16 Iomraidhean Croise

GÉNESIS 13:2

Abramca achca animalcunayuj, achca cullquiyuj, achca curiyuj yallitaj charijmi carca.

GÉNESIS 13:6

Paicuna tandalla causanapajca allpaca mana pajtarcachu. Paicunaca ishquindijtaj yallitaj charijcuna cashcamantami shujllapica mana causai tucurcacuna.

GÉNESIS 16:1

Abrampaj huarmi Saraica mana huachajmi carca. Paica Egiptomanta caj Agar huarmitami paipajta ruraj cachun charirca.

GÉNESIS 20:14

Shina nijpimi Abimelecca, Abrahammanca ovejacunata, vacacunata cushpa paipaj huarmi Sarataca tigrachirca. Abimelecca paipajta ruraj c'aricunatapish, huarmicunatapishmi curca.

GÉNESIS 24:35

Mandaj Diosmi ñuca amomanca achca allicunata cushpa achcata charijyachishca. Chaimi paica ovejacunata, vacacunata, cullquita, curita, paipajta ruraj c'aricunata, huarmicunata, camellocunata, burrocunatapish achcata charij tucurca.

GÉNESIS 26:14

Paica ovejacunatapish, vacacunatapish achca canllacunata, paipajta rurajcunatapish achcacunatami charirca. Chaimi filisteocunaca Isaactaca envidiarcacuna.

GÉNESIS 30:43

Chashnami Jacobca achcata charijyashpa catirca. Ovejacunata, camellocunata, burrocunata, paipajta ruraj c'aricunata, huarmicunatapishmi achcata charirca.

GÉNESIS 32:5

Ñucaca vacacunata, burrocunata, ovejacunata, ñucapajta ruraj c'aricunata, huarmicunatapishmi charini. Cunanca canpi alli ricuringapajmi rogarinaman cachani ninmi” nichunmi cacharca.

JOB 1:3

Paipaj haciendapica, 7.000 ovejacunatapish, 3.000 camellocunatapish, 500 yunta huagracunatapish, 500 burrocunatapish, cullqui jahua servijcunatapishmi yallitaj achcata charirca. Inti llujshin ladopi causajcunapuramantaca, paillami yallitaj charij carca.

JOB 42:12

Mandaj Diosca Jobmanca q'uipa punllacunapica, ñaupa punllacunapi bendiciashcatapish yallitami bendiciarca. Chaimantami paica, 14.000 ovejacunata, 6.000 camellocunata, 1.000 yunta huagracunata, 1.000 burrocunatapish charirca.

Lucas 12:45

Ashtahuanpish chai servijca: “Ñuca amoca manaraj shamungachu” nishpa paipaj shungullapi yuyashpa, amopaj caishuj servijcunata macashpa, machajcunahuan micushpa, ubyashpa puri callaringachari.