GÉNESIS 12:15 - Dios Rimashca Shimicunami

¹⁵ Faraón churashca mandajcuna ricushpapish chai huarmica sumaj huarmimari nishpa Faraonman huillashpami, Sarai huarmitaca, faraón mandashpa tiyana huasiman pusharcacuna.

GÉNESIS 12:15 Iomraidhean Croise

GÉNESIS 12:14

Egiptoman Abram yaicujpica, Abram nishca shinallatajmi egipciocunaca Saraitaca sumaj huarmi cajta ricurcacuna.

GÉNESIS 20:2

Chaipi causacushpami Abrahamca paipaj huarmi Sarataca: “Ñuca panimi” nirca. Chaimi Gerar pueblota jatun mandaj Abimelecca Sarataca paipajman pushanaman cachashpa paipaj huarmi cachun japirca.

GÉNESIS 26:7

Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

GÉNESIS 40:2

Faraonca copacunata pasachijcunata mandajhuanpish, tandata rurajcunata mandajhuanpish yallitaj p'iñarishpami,

GÉNESIS 41:1

Chashna tucushcamanta ishqui huatapica faraonmi shuj muscuita muscurca. Paica jatun yacu c'uchupi cashcata,

1 REYES 3:1

Salomonca Egiptota jatun mandaj Faraonpaj familiapurami tucurca. Paica Faraonpaj ushushita paipaj huarmi cachun japishpami, Davidpaj puebloman pusharca. Chai punllacunallatajmi paipaj huasitapish, Mandaj Diospaj huasitapish, Jerusalén muyundij jatun pircacunatapish tucui rurarca.

2 REYES 18:21

Cantaca Egiptopaj chijtaricuj carrizopi taunaricujtami ricuni. Chai chijtaricuj carrizopi maijanpish taunarijpica, jahuaman pasajtami maquipi yaicunga. Egiptota jatun mandaj faraonpi shunguta churajcunaca tucuicunami chashna tucunga.

SALMOS 105:4

Mandaj Diostapish, pai tucuita rurai tucuj cashcatapish mashcaichigari. Punllanta paipaj ñahuita mashcaichigari.

ÉXODO 2:15

Chashna rurashcata faraón yachaj chayashpaca, Moisestaca ima shinapish huañuchinatami yuyarca. Ashtahuanpish Moisesca faraonta miticushpami Madián llajtaman rirca.

ÉXODO 2:5

Faraonpaj ushushica jatun yacupi armangapajmi uriyarca. Paipajta ruraj huarmicuna yacu urita puricujpimi, paica carrizo chaupipi shuj canasta tiyacujta ricushpa, paipajta ruraj shuj huarmitaca chai canastata japimuchun mandarca.

PROVERBIOS 29:12

Mandajllataj llulla huillashcata chasquijpica, tucui paita servijcunami Diosta mana manchangacuna.

PROVERBIOS 6:29

Maijanpish shujtajpaj huarmihuan churarishpaca, chai shinamari tucun. Cusayuj huarmipi chayarishpaca, paillatajmi jatun llaquipi yaicun.

JEREMÍAS 25:19

Shinallataj Egipto llajtata jatun mandaj faraonmanpish, pai churashca mandajcunamanpish, paita servijcunamanpish, paipaj tucui runacunamanpishmi ubyachircani.

JEREMÍAS 46:17

Chaipica: Egipto llajtata jatun mandaj faraonca manaraj punlla chayajllapi c'ari tucujmari carca, cunanca tucurishcamari nishpapishmi caparircacuna.

EZEQUIEL 32:2

“Huañujlla aichayuj runalla, Egipto llajtata jatun mandaj faraonmanta cashna yupashpa yupashpa huacai: Canca shujtaj llajtacunapajca, malta león shinamari carcangui. Mama cucha yacucunapi causaj dragón shinamari carcangui. Jatun yacucunatapish chaquichircanguimi. Cambaj chaquicunahuan sarushpami, chai yacucunatapish mapayachircangui, yacu uricunatapishmi sarushpa purircangui.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.