GÉNESIS 12:13 - Dios Rimashca Shimicunami

¹³ Canmanta ñucapaj alli llujshichunca canca: Ñucapajca ñuca panilla cashcata huillangui. Chashna ñucapaj allita rurajpimi, ñucaca mana huañusha” nircami.

GÉNESIS 12:13 Iomraidhean Croise

GÉNESIS 11:29

Abramhuan Nacorhuanca paicunapaj huarmicuna cachunca cai huarmicunatami japirca. Abrampaj huarmica Saraimi carca. Nacorpaj huarmica Milcami carca. Haranca Milcapaj, Iscapaj yayami carca.

GÉNESIS 12:14

Egiptoman Abram yaicujpica, Abram nishca shinallatajmi egipciocunaca Saraitaca sumaj huarmi cajta ricurcacuna.

GÉNESIS 20:2

Chaipi causacushpami Abrahamca paipaj huarmi Sarataca: “Ñuca panimi” nirca. Chaimi Gerar pueblota jatun mandaj Abimelecca Sarataca paipajman pushanaman cachashpa paipaj huarmi cachun japirca.

GÉNESIS 20:5

Abrahamllatajmi: “Ñuca panimi” nirca. Sara huarmipish: “Ñuca turimi” nijpimi, paitaca ñucapaj cachun japircani. Ñuca maquihuan ima millaita mana rurashpa, alli shunguhuanmi japircani” nircami.

GÉNESIS 26:7

Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

ISAÍAS 57:11

¿Pita manchashpataj ñucapi shunguta churanataca saquircanguiyari? ¿Pi manchachijpitaj ñucataca mana cringuiyari? ¿Ima nishpataj ñucataca mana yuyaringuiyari? Cambaj yuyaimanca ¿manachu ñucata yuyarinallapish shamurca? Ñucata manataj manchajpipish ñaupamantapachami imata mana nishpa, upalla saquircani.

JEREMÍAS 38:17

Shina nijpimi Jeremiasca, Sedequiastaca cashna nirca: –Tucuita Mandaj Diostaj, israelcunapaj Diostajmi cashna nin: Babilonia llajtata jatun mandaj cachashca mandajcunapajman rishpa, cunantaj paicunapaj maquipi yaicushpaca mana huañunguichu. Canpish, cambaj familiapish mana huañunguichijchu. Cai pueblopish mana rupachishca cangachu.

JEREMÍAS 38:20

Shina nijpimi, Jeremiasca cashna nirca: –Mana paicunapaj maquipi churangacunachu. Ñucaca Mandaj Dios huillachun nishcatamari huillani, chaita uyayari. Chaita uyashpaca mana ima tucunguichu, allimi causangui.

EZEQUIEL 18:4

Tucuicunami ñucapaj. Yayapish, churipish ñucapajmari. Maijanpish juchallishpaca, chaillami huañunga.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

Colosenses 3:6

Chaicunamantami mana cazujcunata Dios p'iñarishpa jatunta llaquichinaca shamunga.