GÉNESIS 12:11 - Dios Rimashca Shimicunami

¹¹ Abramca Egiptoman ñalla chayagricushpami, paipaj huarmi Saraitaca: “Canca sumaj ñahui huarmimari cangui.

GÉNESIS 12:11 Iomraidhean Croise

GÉNESIS 12:14

Egiptoman Abram yaicujpica, Abram nishca shinallatajmi egipciocunaca Saraitaca sumaj huarmi cajta ricurcacuna.

GÉNESIS 20:13

Ñuca yayapaj huasimanta llujshishpa caita chaita purichun, Taita Dios mandajpi llujshicushpallatajmi, ñuca huarmitaca: “Can ñucata c'uyashpa ñucapaj allita ruranapajca mai llajtaman chayashpapish, ñucataca paica ñuca turillami nipangui” nircani– nircami.

GÉNESIS 20:2

Chaipi causacushpami Abrahamca paipaj huarmi Sarataca: “Ñuca panimi” nirca. Chaimi Gerar pueblota jatun mandaj Abimelecca Sarataca paipajman pushanaman cachashpa paipaj huarmi cachun japirca.

GÉNESIS 24:16

Chai solteraca sumaj ñahui, c'arihuan manaraj chayarinacushcami carca. Paica pugyuman uriyashpa paipaj puñupi yacuta huishishpami ña tigragrirca.

GÉNESIS 26:7

Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

GÉNESIS 29:17

Leapajca ñahui luluncunallami sumaj carca. Ashtahuanpish Raquelca ñahuipish sumaj, munananqui solterami carca.

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

2 SAMUEL 11:2

Shuj punlla ña chishiyacujpimi Davidca, paipaj camamanta jatarishpa, pai mandashpa tiyana huasi jahuata pambajllata rurashcapi puricushpa, shuj huarmi armacujta ricurca. Chai huarmica sumajmi carca.

1 REYES 1:4

Paica yallitaj sumaj solterami carca. Paimi jatun mandajta cunujyachishpa paipajta rurashpa causarca. Paipica jatun mandajca manataj chayarircachu.

PROVERBIOS 21:30

Ima alli yachaipish, alli yuyaipish, alli cunashcapish Mandaj Diospaj munaitaca mana shujtajyachi tucunchu.

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

CANTARES 1:14

Ñuca c'uyashcaca, En-gadi pueblo c'uchupi tiyaj uva chaupicunapi huiñashca alheña sisa shinamari.

1 SAMUEL 25:3

Chai runaca Nabal shutimi carca. Paipaj huarmica Abigailmi carca. Chai huarmica yuyaisapa, sumaj ñahuimi carca. Ashtahuanpish paipaj cusaca rumi shungu, millaita rurajmi carca. Paica Calebpaj huahua huahuamantami carca.