GÉNESIS 11:9 - Dios Rimashca Shimicunami

⁹ Mandaj Dios chai punllapi tucui cai pachapi causajcunapaj rimaita ch'ican ch'icanta rurashpa tucui cai pachata caita chaita cachashcamantami chai pueblotaca, Babelta shutichirca.

GÉNESIS 11:9 Iomraidhean Croise

GÉNESIS 10:10

Nimrod mandacun llajtacunaca ashtahuan alli llajtacuna Sinarpi caj Babel, Erec, Acad, Calne shuti jatun pueblocunami carca.

GÉNESIS 10:20

Campaj huahua huahuacunaca chai llajtacunapimi paicunapaj familiacunapuralla shujtaj shujtaj llajta tucushpa, quiquin rimaita rimashpa causarcacuna.

GÉNESIS 10:25

Heberca ishqui churicunatami charirca: Punta churica Pelegmi carca, paipaj huauquica Joctanmi carca. Peleg causai punllacunapimi allpata chaupishpa ch'ican causanata callarircacuna. Chaimantami paitaca Pelegta shutichirca.

GÉNESIS 10:5

Tucui paicunaca mama cucha uricunapimi causarcacuna. Paicunaca quiquin rimaita rimajcuna, paicunapaj familia ima shina cashca shina, ch'ican ch'ican llajtacuna tucushpami causarcacuna.

SALMOS 55:9

Jatun Dioslla, chingachihuayari. Paicunapaj rimaicunataca ch'ican ch'icanta rurayari. Pueblopica llaquichinacui, c'aminacuillatami ricuni.

Hechos 17:26

Taita Diosca tucui cai pachapi mirarishpa causachunpish shuj runallatami churarca. Taita Diosllatajmi llajtacunapish maillata canata, maillapi causanatapish mandarca.

1 Corintios 14:23

Crijcuna tandanacunapi tandanacushpa, tucuicuna rimaicunapi rimacujpi, manaraj yachajcuna, mana cashpaca mana crijcuna yaicushpaca ¿manachu lococunamari canguichij ningacuna?