GÉNESIS 11:7 - Dios Rimashca Shimicunami

⁷ Cunanca caishuj chaishuj imata rimacushcatapish ama entendichun paicunapaj rimaitaca ch'ican ch'icanta rurashun” nirca.

GÉNESIS 11:7 Iomraidhean Croise

GÉNESIS 1:26

Chai q'uipami Taita Diosca: “Cunanca yacupi causaj animalcunatapish, huairapi purij alasyuj animalcunatapish, charina animalcunatapish, sachapi causaj animalcunatapish mandachunca ñucanchijman rijchaj, ñucanchijtajlla runata rurashun” nirca.

GÉNESIS 10:20

Campaj huahua huahuacunaca chai llajtacunapimi paicunapaj familiacunapuralla shujtaj shujtaj llajta tucushpa, quiquin rimaita rimashpa causarcacuna.

GÉNESIS 10:32

Noepaj churicunapaj huahua huahua mirarishpa shujtaj shujtaj llajta tucushpa causaj huahua huahuacunaca chaicunami. Yacu juillu tiyashca q'uipaca tucui paicunami caita chaita rishpa tucui cai pachapi shujtaj shujtaj llajta tucushpa causarcacuna.

GÉNESIS 10:5

Tucui paicunaca mama cucha uricunapimi causarcacuna. Paicunaca quiquin rimaita rimajcuna, paicunapaj familia ima shina cashca shina, ch'ican ch'ican llajtacuna tucushpami causarcacuna.

GÉNESIS 11:5

Mandaj Diosca cai pachapi causajcunaca jahua pachaman chayaj torreyuj pueblota shayachicujpimi, chaita ricungapaj jahuamanta uriyamurca.

GÉNESIS 3:22

Chaipimi Mandaj Taita Diosca: “Runaca ñucanchij shinami tucushca. Allitapish mana allitapish yachajmi tucushca. Cunanca paipaj maquita chutashpa causaita cuj yuramantapish micushpa huiñaita causaj tucuchunca mana saquinachu canchij” nirca.

GÉNESIS 42:23

Joseca paicuna ima rimashcata egipcio rimaipi paiman huillaj runatami charirca. Chaimi paicunaca paicunapaj rimaipi parlanacushcataca Joseca mana entendinchu yuyarcacuna.

JOB 12:20

Mana llullashpa rimacujcunatapish upayachinllami. Cunaj yuyajcunatapish cunana yuyaita quichunllami.

SALMOS 2:4

Jahua pachapi causajca paicunatapish asingami, Jatun Diosca paicunatapish chanzata rurangami.

SALMOS 33:10

Diosta mana rijsij llajtacuna yuyarinacushcataca Mandaj Diosca chingachinmi. Llajtacunapi causajcuna millaita ruranata yuyarinacucujtaca muspachinmi.

SALMOS 55:9

Jatun Dioslla, chingachihuayari. Paicunapaj rimaicunataca ch'ican ch'icanta rurayari. Pueblopica llaquichinacui, c'aminacuillatami ricuni.

ÉXODO 4:11

Mandaj Diosca: –¿Pitaj runamanca shimita curcari? ¿Mana rimajtapish, mana uyajtapish, ñahui ricujtapish, mana ricujtapish pitaj rurarcari? Chaicunataca ¿Manachu Mandaj Dios ñuca rurarcani?

ISAÍAS 33:19

Mana llaquij jatun tucushcacunataca ña mana ashtahuan ricunguichijchu. Mana entendipajta rimaj gentecunataca ña mana ashtahuan ricunguichijchu. Pipish mana entendipajta rimajcunataca ña mana ashtahuan ricunguichijchu.

ISAÍAS 6:8

Chai q'uipami, Jatun Dios rimashcata uyarcani: “¿Pitataj cachashari? ¿Pitaj ñucanchijpaj randi ringari?” nijpimi ñucaca: “Caipimi cani, ñucata cachahuai” nircani.

JEREMÍAS 5:15

Mandaj Diosca cashnapishmi nin: “Israelcunalla, cancunata llaquichichunca caru llajta runacunatami pushamugrini. Chaicunaca ñaupamanta causaj, fuerzasapa jatun runacunami. Cancuna mana uyashca rimaita rimajcunapishmi. Paicuna imata rimajpipish, imata nicushcataca mana yachanguichijchu.

1 Corintios 14:23

Crijcuna tandanacunapi tandanacushpa, tucuicuna rimaicunapi rimacujpi, manaraj yachajcuna, mana cashpaca mana crijcuna yaicushpaca ¿manachu lococunamari canguichij ningacuna?

DEUTERONOMIO 28:49

Mandaj Diosca cancunata llaquichichunca, cai pacha tucuri caru llajtamanta cancuna mana entendipaj rimaita rimaj shujtaj gentecunatami apamunga. Paicunaca águila shinami utca callpangacuna.