GÉNESIS 11:32 - Dios Rimashca Shimicunami

³² Tareca, 205 huatayuj cashpami Haranpi huañurca.

GÉNESIS 11:32 Iomraidhean Croise

GÉNESIS 11:31

Tareca paipaj churi Abramtapish, paipaj nuera Saraitapish, paipaj churi Haranpaj churi Lottapish, pushashpami Canaanman ringapaj, caldeocuna causacun Ur pueblomanta llujshishpa rirca. Ashtahuanpish Haranman chayashpaca chaillapimi saquirirca.

GÉNESIS 12:1

Mandaj Diosca, Abramtaca: “Can maipi causana llajtataca ñucami ricuchisha. Cunanca can causacun llajtatapish, cambaj huasi ucupuracunatapish, cambaj yayapaj huasi ucupuracunatapish saquishpa rilla.

GÉNESIS 24:10

Chai q'uipaca paipajta ruraj runaca paipaj amo Abraham charishcacunataca tucuimanta yalli alli camaricunata agllashpa, amopaj chunga camellocunata japishpa chaicunaman apachishpa ñanpi yaicushpaca, Mesopotamiapi caj Nacor causacun pueblomanmi chayarca.

2 REYES 19:12

Ñuca ñaupa yayacunaca Gozán, Harán, Resefpi causajcunata, Edén llajtapi caj Telasarpi causajcunata llaquichicujpica, chai llajtacunapaj dioscunaca mana quishpichi tucurcacunachu.

JOB 42:16

Jobca ungüimanta alliyashca q'uipaca, 140 huatacunahuanmi causarca. Paica, paipaj huahuacunapaj huahuacunatapish, chai huahuacunapaj huahua huahuacunatapishmi ricurca. Paica chuscu cutin nietocuna ricuringacamami causarca.

ISAÍAS 37:12

Ñuca ñaupa yayacunaca Gozán, Harán, Resef pueblocunapi causajcunata, Edén llajtapi caj Telasarpi causajcunata llaquichicujpica, chai llajtacunapaj dioscunaca mana quishpichi tucurcacunachu.