GÉNESIS 11:3 - Dios Rimashca Shimicunami

³ Chaipi cashpami caishuj chaishuj: “Jacuchij, ladrillota rurashpa ninapi cusashunchij” ninacurcacuna. Chashnami rumicunapaj randica ladrillota, lodopaj randica breata charircacuna.

GÉNESIS 11:3 Iomraidhean Croise

GÉNESIS 11:4

Chai q'uipaca cashnapishmi nircacuna: “Shuj pueblota jahua pachaman chayaj torreyujta rurashunchij. Chashnami c'ari c'ari runacuna tiyashcaca tucuipi yacharishun, tucui cai pachata caita chaita rinatapish pararishun” nircacunami.

GÉNESIS 11:7

Cunanca caishuj chaishuj imata rimacushcatapish ama entendichun paicunapaj rimaitaca ch'ican ch'icanta rurashun” nirca.

GÉNESIS 14:10

Sidim pugru pambapica brea llujshicuj achca jutcucunami tiyarca. Sodomata jatun mandajpish, Gomorrata jatun mandajpish, chai macanacuimanta miticushpa callpacushpaca chai jutcucunapimi huashicurcacuna. Caishuj mandajcunaca urcupi miticungapajmi callparcacuna.

2 SAMUEL 12:31

Chai pueblopi causajcunatapish llujshichishpami, sierracunahuan, trillana fierrocunahuan, fierro hachacunahuan trabajachun churarca. Ladrillocunata cusana hornocunapi trabajachunpishmi churarca. Amón llajtapi tiyaj tucui pueblocunapi causajcunatapish chashnallataj rurachunmi churarca. Chashna rurashpaca Davidca tucui israelcunandij Jerusalenman tigrarcallami.

SALMOS 64:5

Millaita rurana yuyailla tucushpa pacallapi trampata churashpami: “Caitaca pi mana ricungachu” nincuna.

ÉXODO 1:14

Paicunataca lodota rurachishpa ladrillocunata rurachishpa, allpapi sinchita trabajachishpa, shujtaj imata ruranacunapipish yallitaj llaquichishpa trabajachishpami mana maita causaipajta rurarcacuna.

ÉXODO 2:3

Ña mana ashtahuan pacalla chari tucushpami, juncomanta rurashca shuj canastata japishpa asfaltohuan, breahuan jahuata llihuishpa chai huahuataca chai canasta ucupi churashpa, jatun yacu uripi tiyaj carrizocuna chaupipi churarca.

PROVERBIOS 1:11

Cantaca cashnami ningacuna: “Jacu ñucanchijhuan. Pipish alli puricujta japishcahuan huañuchingapaj chapashun.

ECLESIASTÉS 2:1

Ñuca shungupica: “Cunanca tucui laya cushicushpa, alli causashpa ricusha” yuyarcanipishmi. Chashna causajpipish yangallatajmi ricurirca.

ISAÍAS 5:5

Cunanca ñuca uva chagrata imata ruragrishcatami ricuchigrini. Muyundij pircatami anchuchigrini. Tucui tucuchishcami canga. Tucui pircata anchuchishca cajpica, pipish sarushcami canga.

ISAÍAS 65:3

Chai gentecunaca ñuca ñaupajpi punllanta millaita rurashpa p'iñachijcunami. Huertacunapi sacrificiota cujcunami. Inciensotapish ladrillo jahuacunapi rupachijcunami.

ISAÍAS 9:10

“Ladrillocunahuan shayachishcata urmachijpica, yacu rumicunahuanmi shayachishun. Sicómoro caspicunahuan rurashcata p'itijpica, cedro caspicunahuanmi shayachishun” nincunami.

NAHUM 3:14

Macanacui punllapajca yacuta ashtangui. Muyundij pircacunataca ashtahuan allichiyari. Lodota sarushpa, ladrillota rurangui. Cambaj hornota alli allichiyari.

Hebreos 10:24

Shinallataj caishujmanta chaishujmanta ayudanacushpa, allicunata rurangapaj c'uyaihuan yuyachinacushunchij.

Hebreos 3:13

Chaipaj randica ima millaita rurana yuyaicuna cancunata umashpa, mana uyasha nijta ama rurachun cunan causacushparaj punllanta caishuj chaishuj yuyachinacuichij.

Santiago 4:13

“Cunan cashpa, caya cashpapish cai puebloman, chai puebloman rishunchij. Chaipi shuj huatata cangapaj. Randishpa, c'atushpa cullquita mirachingapaj” nijcuna ¡uyaichij!

Santiago 5:1

¡Achcata charijcuna, uyaichij! Cancunata llaquicuna japina cashcamanta huacaichij, caparichij.