GÉNESIS 10:25 - Dios Rimashca Shimicunami

²⁵ Heberca ishqui churicunatami charirca: Punta churica Pelegmi carca, paipaj huauquica Joctanmi carca. Peleg causai punllacunapimi allpata chaupishpa ch'ican causanata callarircacuna. Chaimantami paitaca Pelegta shutichirca.

GÉNESIS 10:25 Iomraidhean Croise

GÉNESIS 10:21

Jafetpaj punta huauqui Sempish churicunata charircami. Semca, Heberpaj huahua huahuacunapaj ñaupa yayami.

GÉNESIS 10:26

Joctanpaj churicunaca: Almodad, Selef, Hazar-mavet, Jera,

GÉNESIS 10:32

Noepaj churicunapaj huahua huahua mirarishpa shujtaj shujtaj llajta tucushpa causaj huahua huahuacunaca chaicunami. Yacu juillu tiyashca q'uipaca tucui paicunami caita chaita rishpa tucui cai pachapi shujtaj shujtaj llajta tucushpa causarcacuna.

GÉNESIS 10:5

Tucui paicunaca mama cucha uricunapimi causarcacuna. Paicunaca quiquin rimaita rimajcuna, paicunapaj familia ima shina cashca shina, ch'ican ch'ican llajtacuna tucushpami causarcacuna.

1 CRÓNICAS 1:19

Heberca, ishqui churicunatami charirca. Punta churica Pelegmi carca. Paitaca cai pachapi causajcuna ch'icanyari punllacunapi huacharishcamantami chashna shutichirca. Pelegpaj q'uipa huauquica Joctanmi carca.

JOB 15:19

Cai llajtataca chai ñaupa yayacunamanmi cushca carca. Paicuna causacun llajtataca shujtajcunaca, mana pasai tucurcacunachu.

Hechos 17:26

Taita Diosca tucui cai pachapi mirarishpa causachunpish shuj runallatami churarca. Taita Diosllatajmi llajtacunapish maillata canata, maillapi causanatapish mandarca.

DEUTERONOMIO 32:8

Jahua pacha Diosca gentecunata mirga mirgata rurashpa llajtacunata rurashpaca, tucuicunamanmi quiquin llajtacunata curca. Ashtahuanpish israelcunamanca mashna cashcapaj pajtatami curca.