GÉNESIS 10:10 - Dios Rimashca Shimicunami

¹⁰ Nimrod mandacun llajtacunaca ashtahuan alli llajtacuna Sinarpi caj Babel, Erec, Acad, Calne shuti jatun pueblocunami carca.

GÉNESIS 10:10 Iomraidhean Croise

GÉNESIS 10:9

Nimrodca Mandaj Diospaj ñaupajpica, animalcunata japishpa huañuchij c'ari c'ari runami carca. Chaimantami: “Nimrod shina animalcunata japishpa huañuchij c'ari c'ari runa Mandaj Diospaj ñaupajpica caichigari” nincuna.

GÉNESIS 11:2

Inti llujshin ladomanta rishpaca, Sinar llajtapi caj pambamanmi chayarcacuna. Chaipimi causanata callarircacuna.

GÉNESIS 11:9

Mandaj Dios chai punllapi tucui cai pachapi causajcunapaj rimaita ch'ican ch'icanta rurashpa tucui cai pachata caita chaita cachashcamantami chai pueblotaca, Babelta shutichirca.

GÉNESIS 14:1

Sinar llajtata jatun mandaj Amrafel, Elasar llajtata jatun mandaj Arioc, Elam llajtata jatun mandaj Quedorlaomer, Goim llajtata jatun mandaj Tidal mandacui punllacunaca,

ISAÍAS 10:9

Calno pueblopish ¿manachu Carquemis pueblo shinallataj? Hamat pueblopish ¿manachu Arfad pueblo shinallataj? Samaria pueblopish ¿manachu Damasco pueblo shinallataj?

ISAÍAS 11:11

Chai punllacunapica cashnami tucunga: Mandaj Diosca mana huañushpa puchushcacunata prezu apashcacunata tigrachimungapajmi cutinllataj paipaj maquita alzanga. Paicunataca: Asiria, Egipto, Patros, Etiopía, Elam, Sinar, Hamat, mama cucha uripi caj llajtacunamantami tigrachimunga.

ISAÍAS 39:1

Chai punllacunapimi, Baladanpaj churi Merodac-baladán Babilonia llajtata jatun mandajca, huillashpa purijcunataca quillcacunandij convidanacunandij Ezequiaspajman cacharca. Ezequías ungushca cashcamanta alliyashcata yachashpami cacharca.

JEREMÍAS 50:1

Caldeocuna causan Babilonia llajtata llaquichinataca, Mandaj Diosmi pai ima nishcata huillaj Jeremiashuan cashna huillachirca:

JEREMÍAS 50:21

Mandaj Diosca cashnapishmi nin: “Merataim llajtapi causajcunahuan macanacuj shamuyari. Pecod llajtapi causajcunata catishpa huañuchiyari. Ñuca mandashca shinataj tucuchishpa saquiyari.

EZEQUIEL 27:23

Harán shuti, Cane shuti, Edén shuti pueblocunapi causajcunapish, Sabá shuti, Asiria shuti, Quilmad shuti llajtacunapi causajcunapishmi canhuan imatapish c'atunacungapaj, randinacungapaj ari nircacuna.

DANIEL 1:2

Jatun Diosmi Judá llajtata jatun mandaj Joacimtapish, Diospaj huasipi Diospajta ruranapaj caj imalla charinacunatapish, Nabucodonosorpaj maquipi churarca. Chaicunataca Nabucodonosorca, Sinar llajtaman apamushpami, achca valijcunata huaquichina paipaj diospaj huasipi churarca.

AMÓS 6:2

Cancunaca, Calne puebloman rishpa ricugrichij. Chaimantaca Hamat jatun pueblomanpish ringuichij. Chai q'uipaca, filisteocuna causacun Gad puebloman uriyanguichij. Chai pueblocunachu cancunapaj llajtacunatapish yalli alli imamí. Mana cashpaca chai llajtacunachu yalli jatun cashca imamí ricugrichij.

MIQUEAS 4:10

Siónpi causajcunalla, huachana nanaihuan capariricuj huarmi shina caparirishpa huacaichigari. Cancunaca cai pueblomanta llujshishpaca, urcupimi causanguichij. Chaimantaca Babiloniacamami chayanguichij. Chaipimi quishpiringuichij. Chaipimi Mandaj Diosca, cancunata p'iñajcunapaj maquimanta quishpichinga.

MIQUEAS 5:6

Paicunami Nimrodpaj Asiria llajtapi causajcunataca, espadacunahuan huañuchingacuna. Chashnami ñucanchij llajtata quichushpa mishacuj Asiria llajta runacunamantaca quishpichinga.

ZACARÍAS 5:11

Chashna nijpimi, chai angelca: “Chaitaca Sinar llajtapi huasita rurashpa, chai huasi ucupica efata tiyachina jahuapi churangapajmi apashpa rincuna” nishpami cutichirca.