GÉNESIS 1:9 - Dios Rimashca Shimicunami

⁹ Taita Diosca: “Chaquishca allpa tiyachun. Cai pachapi tiyaj yacucunaca shujllaman tandanacuchun” nircapishmi. Chashnami saquirirca.

GÉNESIS 1:9 Iomraidhean Croise

GÉNESIS 1:8

Taita Diosca chai ch'icanchij huairataca “Jahua Pachatami” shutichirca. Punllandij tutandijmi shuj punlla tucurca. Chashnami ishqui punllapica saquirirca.

NEHEMÍAS 9:6

Chaipimi cashna nirca: “Quiquinllami Mandaj Dios cangui. Jahua pachatapish, quiquinmi rurashcangui. Jahua pachamanta jahuaman caj pachacunatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Cai pachatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Mama cuchatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Tucui chaicunamanca quiquinmi causaita cungui. Jahua pacha angelcunapish quiquintami adorancuna.

JOB 26:10

Maicama yacucuna tiyanatapish, paimi lindeta churarca. Achijpish, amsapish tucuringacamami yacucunataca churarca.

JOB 26:7

Paica jahua pachataca huairapimi churarca. Cai pachatapish imapi mana huarcurcachu.

SALMOS 104:3

Quiquin causana ucucunatapish yacucuna jahuapimi churarcangui. P'uyutapish quiquin purina carrota rurajmi cangui. Huairapaj alascunapi purijmi cangui.

SALMOS 33:7

Paimi mama cucha yacutapish montonashpa charin. Ucujman huaquichinacunapi churashpami charin.

SALMOS 95:5

Mama cuchapish paipajllatajmari, paimari rurarca. Chaquishca allpatapish paipaj maquihuanmari rurarca.

ECLESIASTÉS 1:7

Tucui jatun yacucunami mama cuchaman chayan. Chashna cajpipish yacuca manataj jundanchu. Yacucunaca llujshimushca ñanllatataj tigrashpa muyucunllami.

JEREMÍAS 5:22

Mandaj Diosca cashnami nin: Ñucataca manamari manchanguichijchu, manamari ñuca ñaupajpica chujchunguichijchu. Ñucamari mama cucha maicama canatapish churarcani. T'iyullatamari huiñaita yacu muyundijta tiyachun churarcani. Shina cajpipish, ñuca mandashcamantaca mana pasanchu. Jatun huairahuan yacu huajiashpa jatarishpapish, mana maitapish rinllachu. Mana chai t'iyumanta pasanchu.

JONÁS 1:9

Chashna tapujpimi Jonasca: –Ñucaca hebreocunapurami cani. Jahua pachapi causaj Mandaj Diosta cazushpa causajmi cani. Taita Diosca cai pachatapish, mama cuchatapish ruraj Diosmi– nirca.

2 Pedro 3:5

Chashnacunaca callaripi Dios jahua pachata, cai pachatapish rimashpalla rurashcata cai pachataca yacumanta ch'icanyachishcata, yacullamantataj tiyashcataca manataj crincunachu.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.