GÉNESIS 1:6 - Dios Rimashca Shimicunami

⁶ Chai q'uipaca Taita Diosca: “Yacucunata ucuman, jahuaman ch'icanchij huaira tiyachun” nircami.

GÉNESIS 1:6 Iomraidhean Croise

GÉNESIS 1:14

Chai q'uipaca Taita Diosca cashnami nirca: “Jahua pachamanta achijyachishpa punllatapish, tutatapish ch'icanchij tiyachun. Chaicunaca ima quillacuna, ima punllacuna, ima huatacuna cashcatapish ricuchijcuna cachun.

GÉNESIS 1:20

Taita Diosca: “Yacupi causai tucuipaj tucui laya animalcuna, huairata purij alasyuj tucui laya animalcuna tiyachun” nircami.

JOB 26:13

Diospaj Espirituhuanmi jahua pachataca, sumajta rurarca. Pi'ñarishpa singuricuj culebratapish, paipaj maquihuanmi rurarca.

JOB 37:11

P'uyuta yacuyachishpami allpapi yacuta regan. Paipaj luzhuanmi p'uyutapish anchuchin.

JOB 37:18

¿Yacuyachishpa mana p'aquirij espejota ruraj shinachu canca Diostaca jahua pachata rurashpa ayudarcangui?

SALMOS 104:2

Jahua churanata shinaca luzhuan pillurishcami cangui. Jahua pachatapish shuj linsota shina chutajmi cangui.

SALMOS 148:4

Tucuita yalli jahuaman caj jahua pachacunapish alabaichigari. Jahua pachapi caj yacucunapish alabaichigari.

SALMOS 150:1

Taita Diostaca paipaj huasipi alabaichigari. Paipaj sumaj jahua pachapi alabaichigari.

SALMOS 19:1

Cieloca Dios tucuita rurai tucuj cashcatami huillacun. Chaipi imalla tiyajpish paipaj maquihuan rurashcatami huillacun.

SALMOS 19:2

Punllapish caishuj punllamanmi huillacun. Tutapish caishuj tutamanmi Mandaj Diospaj yachaita ricuchicun.

SALMOS 33:6

Mandaj Diosca rimashcallahuanmi jahua pachacunataca rurarca. Chaipi imalla tiyajcunatapish p'ucushpallami rurarca.

SALMOS 33:9

Tucui imatapish tiyachun nijpica, tucuimi rurarirca. Pai mandajpica tucuimi tiyarca.

ECLESIASTÉS 11:3

P'uyuca achca yacuta amullishca cashpaca, allpapimi cacharinga. Yuraca uriman urmashpa, huichiman urmashpapish, urmashcallapitajmi saquiringa.

ISAÍAS 40:22

Taita Diosca, cai pachata muyunchishcapaj jahuapimi tiyacun. Chai jahuamanta ricujpica cai pachapi causajcunaca langostacuna shinallami. Paica jahua pachataca, shuj linsota shinami chutashca. Causanapaj carpa huasita shayachij shinami churashca.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

JEREMÍAS 51:15

Paimari tucuita rurai tucuj cashpa, cai pachata rurarca. Jatun yachaj cashpami, tucui cai pachataca sinchita churarca. Alli yuyaiyuj cashpami, jahua pachatapish linsota shina churarca.

ZACARÍAS 12:1

Israelcuna imalla tucuna cashcataca, Mandaj Diosllatajmi huillarca. Jahua pachatapish, cai pachatapish ruraj, runacunamanpish espirituta cuj Mandaj Diosca cashnami nirca:

2 Pedro 3:5

Chashnacunaca callaripi Dios jahua pachata, cai pachatapish rimashpalla rurashcata cai pachataca yacumanta ch'icanyachishcata, yacullamantataj tiyashcataca manataj crincunachu.