GÉNESIS 1:5 - Dios Rimashca Shimicunami

⁵ Achijllataca “Punllatami” shutichirca. Amsataca “Tutatami” shutichirca. Punllandij tutandijmi shuj punlla tucurca. Chashnami callari punllaca saquirirca.

GÉNESIS 1:5 Iomraidhean Croise

GÉNESIS 1:13

Punllandij tutandijmi shuj punlla tucurca. Chashnami quimsa punllapica saquirirca.

GÉNESIS 1:19

Punllandij tutandijmi shuj punlla tucurca. Chashnami chuscu punllapica saquirirca.

GÉNESIS 1:23

Punllandij tutandijmi shuj punlla tucurca. Chashnami pichca punllapica saquirirca.

GÉNESIS 1:31

Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

GÉNESIS 1:8

Taita Diosca chai ch'icanchij huairataca “Jahua Pachatami” shutichirca. Punllandij tutandijmi shuj punlla tucurca. Chashnami ishqui punllapica saquirirca.

GÉNESIS 8:22

Cai pacha tiyashcacamaca tarpui punllacunapish, cozicha punllacunapish manataj illangachu. Chiri punllacunapish, rupaj punllacunapish tiyangami. Tamya punllacunapish, usya punllacunapish tiyangami. Punllapish tutapish tiyangami” nircami.

SALMOS 104:20

Amsayanatami churangui, chaica tutami. Chaipimi sacha animalcunaca caita chaita callpancuna.

SALMOS 19:2

Punllapish caishuj punllamanmi huillacun. Tutapish caishuj tutamanmi Mandaj Diospaj yachaita ricuchicun.

SALMOS 65:8

Chaimi tucui cai pachapi causajcunaca mancharinacunata quiquin rurajta ricushpaca mancharincuna. Tutamanta, pacaricujtapish quiquinmari cushichingui. Chishi, chishiyacujtapish quiquinmari cushichingui.

SALMOS 74:16

Punllapish quiquinpajmi tutapish quiquinpajllatajmi. Quiquinmi lunatapish intitapish churarcangui.

ISAÍAS 45:7

Ñucami luztapish callarichij cani. Ñucami amsatapish callarichij cani. Sumaj causaitapish ñucami cuni. P'iñanacuitapish ñucami callarichini. Tucui chaicunata rurajca pi shujtaj mana tiyanchu. Mandaj Dios ñucami tucui chaicunata rurajca cani.

JEREMÍAS 33:20

“Ñuca, Mandaj Diostajmi cashna nini: Ñucaca punlla canapitaj punlla cachun, tuta canapitaj tuta cachunmi mandashpa churarcani. Chaitaca cancuna shujtajyachishpa, punllataca tuta canapi, tutataca punlla canapi churajpica,

NÚMEROS 20:29

Aarón huañushcata tucui israelcuna yachashpaca, yallitaj llaquilla tucushpami, quimsa chunga punllacunata llaquilla carcacuna.

1 Corintios 3:13

Cada quiquin imata rurashcataca, shamuj punllapimi ninahuan ricuchishca canga. Cada quiquinpaj imalla rurashcataca, alli cashcatapish mana alli cashcatapish ninallatajmi ricuchinga.

Efesios 5:13

Luz achijyachijpica, tucui imapish ricuringami. Luzca tucuita ricuchij cashcamanta, tucuitami ricuchinga.

1 Tesalonicenses 5:5

Cancunaca tucuicunami achijpaj huahuacuna, punllapaj huahuacuna canguichij. Mana tutapaj, amsapajchu canchij.