GÉNESIS 1:4 - Dios Rimashca Shimicunami

⁴ Achijllataca alli cashcata ricushpami, Taita Diosca achijllataca amsamanta ch'icanyachun nirca.

GÉNESIS 1:4 Iomraidhean Croise

GÉNESIS 1:10

Maillapi chaquishca cajtaca “Allpatami” shutichirca, yacucuna tandanacushcataca “Mama Cuchatami” shutichirca. Taita Diosca tucuitami alli cashcata ricurca.

GÉNESIS 1:12

Allpamantaca tucui laya q'uihuacunami huiñarca. Chaicunaca paicuna imata p'ucuna cashca shinallatajmi muyucunayuj granocunata p'ucurca. Yuracunapish huiñarcami. Chaicunapish paicuna imata p'ucuna cashca shinallatajmi muyuta charij micunacunata p'ucurca. Taita Diosca tucuitami alli cashcata ricurca.

GÉNESIS 1:18

Punllatapish, tutatapish achijyachishpa, achijtaca amsamanta ch'icanyachichunmi churarca. Taita Diosca tucuitami alli cashcata ricurca.

GÉNESIS 1:25

Taita Diosca sacha animalcunatapish paicuna ima shina cana shinallatataj, charina animalcunatapish paicuna ima shina cana shinallatataj, llucashpa purij animalcunatapish paicuna ima shina cana shinallatatajmi rurarca. Taita Diosca tucuitami alli cashcata ricurca.

GÉNESIS 1:31

Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

SALMOS 145:10

Mandaj Dioslla, tucui quiquin rurashcacuna quiquintaca alabachun. Quiquinpaj jucha illajcuna alli nishca nichun.

SALMOS 145:9

Mandaj Diosca tucuicunahuan allimari. Pai llaquij canaca tucui rurashcacunapaj jahuapimari.

ECLESIASTÉS 11:7

Achij punllaca sumajmari, achij intita ñahuihuan ricunaca allimari.

ECLESIASTÉS 2:13

Chashna alli yuyarishpami, amsapaj randica achij alli caj shinallataj, ch'ahuan canapaj randica yachaj cana alli cashcata ricurcani.

ISAÍAS 45:7

Ñucami luztapish callarichij cani. Ñucami amsatapish callarichij cani. Sumaj causaitapish ñucami cuni. P'iñanacuitapish ñucami callarichini. Tucui chaicunata rurajca pi shujtaj mana tiyanchu. Mandaj Dios ñucami tucui chaicunata rurajca cani.