GÉNESIS 1:31 - Dios Rimashca Shimicunami

³¹ Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

GÉNESIS 1:31 Iomraidhean Croise

GÉNESIS 1:13

Punllandij tutandijmi shuj punlla tucurca. Chashnami quimsa punllapica saquirirca.

GÉNESIS 1:19

Punllandij tutandijmi shuj punlla tucurca. Chashnami chuscu punllapica saquirirca.

GÉNESIS 1:23

Punllandij tutandijmi shuj punlla tucurca. Chashnami pichca punllapica saquirirca.

GÉNESIS 1:5

Achijllataca “Punllatami” shutichirca. Amsataca “Tutatami” shutichirca. Punllandij tutandijmi shuj punlla tucurca. Chashnami callari punllaca saquirirca.

GÉNESIS 1:8

Taita Diosca chai ch'icanchij huairataca “Jahua Pachatami” shutichirca. Punllandij tutandijmi shuj punlla tucurca. Chashnami ishqui punllapica saquirirca.

GÉNESIS 2:2

Taita Diosca pai imalla ruranataca canchis punlla tucunapajca tucuitami tucuchirca. Tucui imalla rurana cashcata tucuchishpaca canchis punllapica samarircami.

GÉNESIS 2:3

Taita Diosca pai imalla rurana cashcata tucuchishpa canchis punllapica samarishcamantami, chai punllataca paipajlla ch'icanchishca samana punlla cachun alli nirca.

JOB 38:7

Pacarij luzerocuna tucuicuna alabacujpi, Diospaj churicunapish tucuicuna cushicucujpica ¿maipitaj carcangui?

SALMOS 104:24

¡Mandaj Dioslla, quiquin rurashcacunaca mana yupai tucuipajmari! Tucui chaicunataca quiquinpaj yachaihuanmari rurashcangui. Cai pachaca quiquin rurashcacunahuan jundamari.

SALMOS 104:28

Quiquinmi micunata cungui. Chaitami paicunaca tandan. Maquita pascashpa sajsajtami carangui.

SALMOS 104:31

Mandaj Dios quiquinpaj sumaj canaca huiñaipaj cachun. Mandaj Dios quiquinpaj rurashcacunapi cushicuyari.

SALMOS 119:68

Quiquinca allimari cangui, allicunata rurajmari cangui. Quiquin chaitataj pajtachichun nishcacunata yachachihuayari.

ÉXODO 20:11

Mandaj Diosca jahua pachatapish, cai pachatapish, mama cuchatapish, tucui chaicunapi imalla tiyajcunatapish sujta punllacunapimi tucuita rurarca. Canchis punllapica samarircami. Chaimantami Mandaj Diosca chai punllataca paipajlla cachun ch'icanchirca.

ÉXODO 31:17

Mandaj Diosca sujta punllapimi jahua pachatapish, cai pachatapish rurarca. Canchis punllapica imata mana rurashpa samarishca cashcamanta israelcunahuan ñucahuan huiñaipaj ari ninacushcata ricuchijmi” nircami.

PROVERBIOS 16:4

Mandaj Diosca tucuitamari imapaj cashpapish, shuj yuyaihuan rurashca. Chaimantami Diosta mana manchaj runatapish, llaqui punllapaj charicun.

ECLESIASTÉS 3:11

Diosca, tucui imapajpish shuj punlla tiyachunmi churashca. Cai pachapi causajcunapaj yuyaipica, callarimantapacha huiñaita Diosca imalla ruracushcata yachana munaiyujtami rurashca.

LAMENTACIONES 3:38

Jahua pachapi causaj Diostaj paipaj shimihuan mandashcamantami, llaquipish, allipish tiyan.

DEUTERONOMIO 32:4

Paica ñucanchij miticuna jatun Rumimari. Pai rurashcacunapica ima panda mana tiyanchu. Paipaj ñancunapish ima mana pandachu. Paica mana llullaj Taita Diosmi. Paipica ima millai mana tiyanchu. Paica cashcata rurajmi, imata mana pandajmi.

1 Timoteo 4:4

Taita Dios rurashcaca tucuimi alli. Imapish mana shitanallachu. Taita Diosta pagui nishpaca micunallami.

1 Timoteo 4:5

Taita Diospaj Shimimanta, Taita Diosta mañashcamantaca chuyayachishcami.