GÉNESIS 1:29 - Dios Rimashca Shimicunami

²⁹ Chai q'uipami Taita Diosca: “Riquichij, cancunamanca allpapi huiñashpa p'ucujmantaca muyuyashpa p'ucuj tucui laya granocunatapish, yurapi p'ucuj tucui laya granocunatapishmi cuni. Tucui chaicunatami micui tucunguichij.

GÉNESIS 1:29 Iomraidhean Croise

GÉNESIS 2:16

Mandaj Taita Diosca chai runataca cashnami mandarca: “Cai huertapi tiyaj tucui yuracunapi p'ucushcacunataca micunguilla.

GÉNESIS 6:21

Cancuna micunapajpish tucui laya micunata, animalcunaman caranapajpish tucui laya micunata achcata huaquichingui. Chashnami yaricaihuan mana huañunguichij” nircami.

GÉNESIS 9:3

Causaiyuj caj tucui animalcunaca cancuna micunapajmi. Chashnallataj yacu granocunatapish, verdi q'uihuacunatapish tucuitami cancunaman cuni.

JOB 36:31

Chaicunallahuantajmi runacunata llaquichin. Chaicunallahuantajmi cai tucui runacunaman micunatapish caran.

SALMOS 111:5

Paita manchajcunamanca micunata cujmi. Pai imata ari nishcataca manataj cungaringachu.

SALMOS 115:16

Jahua pachacunaca jahua pachapi caj Mandaj Diospajmi. Cai pachataca huañujlla runacunamanmi cushca.

SALMOS 136:25

Tucui causaita charijcunaman micunata carajta alabaichigari. Pai llaquij canaca huiñaipajmari.

SALMOS 146:7

Paica llaquichishcacunapaj cashcata rurajmi. Yaricaihuan cajcunaman carajmi. Mandaj Diosca prezu cajcunata cacharichijmi.

SALMOS 147:9

Paica tucui animalcunaman carajmi. Cuervocunapaj huahuacuna mañajpipish cujmi.

SALMOS 24:1

Cai pacha allpaca Mandaj Diospajmi. Chaipi imalla tiyajcunapish paipajmi. Cai pachapi tucui imalla causajcunapish paipajmi.

ISAÍAS 33:16

jahua pachapica causanga. Paicuna miticunaca muyundijta yacu rumihuan pircashcami. Paicunapajca chaipica micunapish, yacupish mana illangachu.

OSEAS 2:8

Chai huarmica trigotapish, vinotapish, aceitetapish ñuca cucushcataca mana yuyarircachu. Achca cullquita, achca curita ñuca mirachicushcatapish mana yuyarishpami chaicunataca Baalman curca.

Mateo 6:11

Cunan punlla micunata ñucanchijman cuhuai.

Hechos 14:17

Chashna causacujpipish Taita Diosca tamyata cachashpa granocuna p'ucuna punllapitaj p'ucuchishpami ñucanchijmanca mana nijta carashpa cushichin. Chashnami pai alli cashcataca ricuchin– nircacunami.

Hechos 17:28

Ñucanchijca Taita Dios causaita cujpimi causanchij, purinchij, paillamantatajmi tiyanchij. Chaimantami cancunapuramanta sumaj shimicunata rimajcunapish: “Taita Diosmanta miramushcacunami canchij” nincuna.

1 Timoteo 4:3

Paicunaca cazaranatapish jarcangacunami. Mana llullata crishpa caticujcunaca, Taita Dios cushca micunacunata Taita Diosta pagui nishpa micunalla cajpipish, chai yachachijcunaca mana micunachu nishpami jarcangacuna.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.