GÉNESIS 1:26 - Dios Rimashca Shimicunami

²⁶ Chai q'uipami Taita Diosca: “Cunanca yacupi causaj animalcunatapish, huairapi purij alasyuj animalcunatapish, charina animalcunatapish, sachapi causaj animalcunatapish mandachunca ñucanchijman rijchaj, ñucanchijtajlla runata rurashun” nirca.

GÉNESIS 1:26 Iomraidhean Croise

GÉNESIS 11:7

Cunanca caishuj chaishuj imata rimacushcatapish ama entendichun paicunapaj rimaitaca ch'ican ch'icanta rurashun” nirca.

GÉNESIS 2:19

Mandaj Taita Diosca, cai allpamanta rurashca causaj tucui laya animalcunata, huairata purij alasyuj animalcunataca ima shutilla canata Adán ricushpa shutichichunmi paipajman pushamurca. Causaiyuj caj tucui chaicunaca Adán shutichishca shinallataj chai shutimi saquirirca.

GÉNESIS 3:22

Chaipimi Mandaj Taita Diosca: “Runaca ñucanchij shinami tucushca. Allitapish mana allitapish yachajmi tucushca. Cunanca paipaj maquita chutashpa causaita cuj yuramantapish micushpa huiñaita causaj tucuchunca mana saquinachu canchij” nirca.

GÉNESIS 5:1

Adanpaj huahua huahua callari yayacunapaj shuticunata quillcashcaca caicunami: Taita Diosca runata ruracui punllaca, paiman rijchajtami rurarca.

GÉNESIS 9:6

Maijanpish shuj runapaj yahuarta jichajtaca, paitapish shujtaj runami yahuarta jichanga. Runataca Taita Dios paiman rijchajta rurashcamanta pi mana yahuarta jichanallachu.

JOB 35:10

Llaquita apacujcunaca, shujllapish mana cashna ninchu: ¿Ñucata Ruraj Diosca maipitagari? Paica tutacunapish cantachun cushicuita cujmari.

JOB 39:11

Pai fuerzasapa cashcamantaca ¿paipi shunguta churanguillachu? ¿Yapunatapish paihuanca tucuchinguimanchu?

JOB 5:23

Shinallataj allpapi sirij rumicunapish cambaj chagra p'ucunataca mana jarcangachu. Sachapi causaj p'iña animalcunapish canhuanca sumajtami causangacuna.

SALMOS 100:3

Mandaj Diosca Diostaj cashcata yuyarichigari. Paimari ñucanchijtaca rurarca. Mana ñucanchijllataj rurarircanchijchu. Ñucanchijca paipajcunamari canchij, paipaj michina pambacunapi caj ovejacunami canchij.

SALMOS 149:2

Israelcuna, cancunata Ruraj Taita Dioshuan cushicuichigari. Siónpi causajcuna, cancunata Jatun Mandajhuan cushicuichigari.

ECLESIASTÉS 7:29

Caillatami ricuni: Diosca runataca allitami rurashca. Ashtahuanpish paicunallatajmi tucui laya mana allita mashcancuna.

CANTARES 1:11

Cambajca, curi zarcillocunatapish cullquihuan chagrushpami rurachishun.

ISAÍAS 45:18

Jahua pachata ruraj Mandaj Diosmi chashna nin. Cai pachata ruraj. Ima shinalla canapi churaj Diosmi paica. Paica cai pachataca mana yanga tiyachun rurarcachu, runacuna causachunmi rurarca. Ñucami Mandaj Dios cani, shujtajca mana tiyanchu.

ISAÍAS 6:8

Chai q'uipami, Jatun Dios rimashcata uyarcani: “¿Pitataj cachashari? ¿Pitaj ñucanchijpaj randi ringari?” nijpimi ñucaca: “Caipimi cani, ñucata cachahuai” nircani.

ISAÍAS 64:8

Mandaj Dioslla, quiquinmari ñucanchij yaya cangui. Ñucanchijca lodollami canchij, quiquinca allpamanta imatapish rurajmi cangui. Ñucanchijca tucuicuna quiquinpaj maquihuan rurashcami canchij.

JEREMÍAS 27:6

Cunanca tucui cai llajtacunata Babilonia llajtata jatun mandaj, ñucata servij Nabucodonosorpaj maquipimi churani. Sacha animalcunatapishmi, pai munashcata rurachun paipaj maquipi churani.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 5:17

Chaimi Jesusca: –Ñuca Yayaca, trabajanataca mana saquinchu. Ñucapish trabajanataca mana saquinichu– nirca.

Hechos 17:20

Can yachachishcacunaca ñucanchij manaraj uyashcamari. Chaimi ñucanchijca can yachachishcacuna imata nisha nishcata yachashun ninchij– nircacuna.

Hechos 17:26

Taita Diosca tucui cai pachapi mirarishpa causachunpish shuj runallatami churarca. Taita Diosllatajmi llajtacunapish maillata canata, maillapi causanatapish mandarca.

1 Corintios 11:7

C'arica, Diosman rijchaj, Dios sumaj cashcata ricuchij cashcamantami, umataca mana ch'ungurina. Ashtahuanpish huarmica, c'ari sumaj cashcata ricuchijmi.

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

Efesios 4:24

Mushuj causaita churarichij. Mana llullapi nishca shina, cashcata rurachun, jucha illaj cachun, Diosman rijchaj cachun mushujyachishcami canguichij.

Colosenses 1:15

Cristoca mana ricuipaj Dios ima shina cashcata ricuchijmi. Paica cai pachata manaraj rurajpi ña tiyajmi.

Colosenses 3:10

mushuj runata rurashcami canguichij. Dios shina cachun mushujyachishcami canguichij. Paica paita alli rijsichun mushujyachicunllami.

Santiago 3:7

Tucui laya sacha animalcunata, pajarocunata, culebracunata, mama cuchapi causajcunatapish runaca mansoyachi tucunmi. Chaicunataca mansoyachishcami.

Santiago 3:9

Chai c'alluhuanmi Dios Yayataca, allimari cangui ninchij. Chaillahuantajmi Diosman rijchajta rurashca gentecunatapish, llaqui tucushca canman ninchij.

1 Juan 5:7

Jahua pachapica cai quimsami huillacun. Paicunaca: Yaya, Rimai Shuti, Jucha Illaj Espiritumi. Cai quimsaca shujllami.