GÉNESIS 1:21 - Dios Rimashca Shimicunami

²¹ Taita Diosca yacupi causai tucuipaj tucui laya jatun animalcunatapish, tucui laya uchilla animalcunatapish paicuna ima shina cana cashca shinallatatajmi rurarca. Huairapi purij tucui laya animalcunatapish paicuna ima shina cana cashca shinallatatajmi rurarca. Taita Diosca tucuitami alli cashcata ricurca.

GÉNESIS 1:21 Iomraidhean Croise

GÉNESIS 1:18

Punllatapish, tutatapish achijyachishpa, achijtaca amsamanta ch'icanyachichunmi churarca. Taita Diosca tucuitami alli cashcata ricurca.

GÉNESIS 1:20

Taita Diosca: “Yacupi causai tucuipaj tucui laya animalcuna, huairata purij alasyuj tucui laya animalcuna tiyachun” nircami.

GÉNESIS 1:22

Taita Diosca chai animalcunata alli cashca cachun nishpaca: “Huahuacunayuj tucushpa, achcata mirarishpa mama cuchapi jundarichij” nircami.

GÉNESIS 1:25

Taita Diosca sacha animalcunatapish paicuna ima shina cana shinallatataj, charina animalcunatapish paicuna ima shina cana shinallatataj, llucashpa purij animalcunatapish paicuna ima shina cana shinallatatajmi rurarca. Taita Diosca tucuitami alli cashcata ricurca.

GÉNESIS 1:31

Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

GÉNESIS 2:19

Mandaj Taita Diosca, cai allpamanta rurashca causaj tucui laya animalcunata, huairata purij alasyuj animalcunataca ima shutilla canata Adán ricushpa shutichichunmi paipajman pushamurca. Causaiyuj caj tucui chaicunaca Adán shutichishca shinallataj chai shutimi saquirirca.

GÉNESIS 6:20

Alasyuj animalcunapish chaipurallataj caj ishqui ishqui, jatun animalcunapish chaipurallataj caj ishqui ishqui, llucashpa purij animalcunapish chaipurallataj caj ishqui ishquimi cambajman shamushpa mana huañungapaj canhuan yaicungacuna.

GÉNESIS 7:14

Paicunahuanca sachapi causaj animalcunapish chaipurallataj caj, charina animalcunapish chaipurallataj caj, llucaj animalcunapish chaipurallataj caj, alasyuj animalcunapish chaipurallataj caj, pajarocunapish chaipurallataj caj tucuicunami yaicurcacuna.

GÉNESIS 8:17

Canhuan caj tucui laya animalcunataca, huairata purij animalcunatapish, sacha animalcunatapish, llucaj animalcunatapish tucui cai pachata rishpa mirarishpa jundarichun llujshichi” nirca.

GÉNESIS 8:19

Allpapi purij animalcunapish, llucaj animalcunapish, huairata purij alasyuj animalcunapish tucui laya animalcunami huambuj huasimantaca llujshircacuna.

GÉNESIS 9:2

Cai pachapi tiyaj tucui animalcunaca huairata purij alasyuj animalcunapish, pambapi purij animalcunapish, mama cuchapi causaj animalcunapish tucuicunami cancunata manchacuj tucungacuna. Tucui chaicunataca cancunapaj maquipimi churani.

GÉNESIS 9:7

Ashtahuanpish cancunaca huahuacunayuj tucushpa, alli huiñachishpa achcata mirarichij. Cai pachapica achca huahuacunayuj tucushpa tucuipi jundarichij” nircami.

JOB 12:7

Shina cajpica cunanca animalcunata tapuyari, paicunaca yachachingallacunami. Huairata purij pajarocunata tapuyari, paicunaca rijsichingallami.

JOB 26:5

Huañushcacunaca jutcu ucupica chujchucunmi. Mama cucha yacucunapish, chaipi imalla tiyajcunapish chujchucunmi.

JOB 7:12

Ñucaca mana mama cucha shina p'iña canica, mana mama cuchapi tiyaj manchanana jatun animal shina canica. ¿Imamantataj ñucata chapachun chapajta chaparacunguiyari?

SALMOS 148:7

Mandaj Diostaca cai pachamanta alabaichigari. Mama cuchapi causaj manchanana animalcuna, ucujman caj yacucuna paita alabaichigari.

ÉXODO 1:7

Israelcunaca mirarishpa yallitaj achcacuna tucushpami, Egiptopica jundarircacuna. C'ari c'aricunapishmi tucurcacuna.

ÉXODO 8:3

Jatun yacumantaca yallitaj t'imbucuj sapocuna llujshishpami, cambaj huasipi, can causana ucupi, can dormina camapi, cambajta rurajcunapaj huasicunapi, tucui cai pueblopi, cambaj hornocunapi, tandapaj masana artesacunapipish yaicushpa jundaringacuna.

EZEQUIEL 32:2

“Huañujlla aichayuj runalla, Egipto llajtata jatun mandaj faraonmanta cashna yupashpa yupashpa huacai: Canca shujtaj llajtacunapajca, malta león shinamari carcangui. Mama cucha yacucunapi causaj dragón shinamari carcangui. Jatun yacucunatapish chaquichircanguimi. Cambaj chaquicunahuan sarushpami, chai yacucunatapish mapayachircangui, yacu uricunatapishmi sarushpa purircangui.

JONÁS 1:17

Mandaj Diosllatajmi chai mama cuchapica, Jonasta millpuchun shuj jatun chalhuata charicurca. Chai chalhua millpujpimi, Jonasca, quimsa punllata quimsa tutata chalhuapaj huijsa ucupi carca.

JONÁS 2:10

Mandaj Diosllataj cutin mandajpimi, Jonasta millpuj chalhuaca chaquishca allpaman llujshishpa, Jonasta shungu tigrarca.

Mateo 12:40

Jonas, shuj jatun chalhuapaj huijsa ucupi quimsa punllata, quimsa tutata cashca shinallatajmi. Runa Aichayujpish, allpa ucupi quimsa punllata, quimsa tutata canga.