Biblia Todo Logo
Bìoball air-loidhne

- Sanasan -




GÉNESIS 1:20 - Dios Rimashca Shimicunami

20 Taita Diosca: “Yacupi causai tucuipaj tucui laya animalcuna, huairata purij alasyuj tucui laya animalcuna tiyachun” nircami.

Faic an caibideil Dèan lethbhreac




GÉNESIS 1:20
17 Iomraidhean Croise  

Chai q'uipaca Taita Diosca cashnami nirca: “Jahua pachamanta achijyachishpa punllatapish, tutatapish ch'icanchij tiyachun. Chaicunaca ima quillacuna, ima punllacuna, ima huatacuna cashcatapish ricuchijcuna cachun.


Punllandij tutandijmi shuj punlla tucurca. Chashnami chuscu punllapica saquirirca.


Taita Diosca yacupi causai tucuipaj tucui laya jatun animalcunatapish, tucui laya uchilla animalcunatapish paicuna ima shina cana cashca shinallatatajmi rurarca. Huairapi purij tucui laya animalcunatapish paicuna ima shina cana cashca shinallatatajmi rurarca. Taita Diosca tucuitami alli cashcata ricurca.


Taita Diosca chai animalcunata alli cashca cachun nishpaca: “Huahuacunayuj tucushpa, achcata mirarishpa mama cuchapi jundarichij” nircami.


Sacha animalcunamanpish, huairata purij alasyuj animalcunamanpish, llucashpa purij animalcunamanpish paicuna micuchunca verdijlla tucui laya q'uihuacunatami cuni” nircami. Chaica chashnami saquirirca.


Ch'icanyachichun churashpaca Taita Diosca chaupi yacutaca cai pachapi, chaupi yacutaca ch'icanyachij huaira jahuapimi churarca. Chaica chashnami saquirirca.


Mandaj Taita Diosca, cai allpamanta rurashca causaj tucui laya animalcunata, huairata purij alasyuj animalcunataca ima shutilla canata Adán ricushpa shutichichunmi paipajman pushamurca. Causaiyuj caj tucui chaicunaca Adán shutichishca shinallataj chai shutimi saquirirca.


Chaimi cai pachapi causaiyuj caj tucuicunaca huairata purij alasyuj animalcunapish, charina animalcunapish, sacha animalcunapish, llucaj tucui animalcunapish, tucui gentecunapish huañurcacuna.


Canhuan caj tucui laya animalcunataca, huairata purij animalcunatapish, sacha animalcunatapish, llucaj animalcunatapish tucui cai pachata rishpa mirarishpa jundarichun llujshichi” nirca.


Salomonca yuracunamantapish libanopi tiyaj cedro yuramanta callarishpaca, pata quinricunapi huiñaj hisopo yura ima shina cashcacamami yachachirca. Animalcunamantapish, tucui alasyuj animalcunamantapish, llucashpa purij animalcunamantapish, chalhuacunamantapishmi ima shina cashcata yachachirca.


Cai tucuitaca Mandaj Diospaj maquihuan rurashcataca pitaj mana yachangari.


Jatun animalcunapish, tucui laya animalcunapish, llucashpa purij animalcunapish, tucui pajarocunapish alabaichigari.


Shujcunaca alli yuyaihuan, alli ricushpa, alli yachaihuanmi imatapish rurancuna. Chaitaca manapish imata ruraj shujtajcunallami japincuna. Chaimanta, tucui ima rurashcapish yangallami. Chaipish shuj jatun llaquimari.


Huijsahuan llucashpa purij animalcunata, chuscu chaquiyuj animalcunata, mana cashpaca ashtahuan chaquiyuj animalcunataca ama micunguichij. Chaicunaca millanana animalcunami.


Cancunaca llucashpa purij maijan animalcunahuan ama mapayaichijchu. Chaicunahuan ama mapayaichijchu. Chaicunamantapish ama mapayaichijchu.


Paica causaitapish, samaitapish tucui imatapish cuj Taita Diosmi. Chaimanta gentecuna paita alli nishpa ima cushcacunallahuanca mana cushicunchu.


Lean sinn:

Sanasan


Sanasan