GÉNESIS 1:2 - Dios Rimashca Shimicunami

² Cai pachaca imaman mana rijchaj, imapish illaj, yacuhuan junda amsallami carca. Taita Diospaj Espirituca yacu jahuapimi cuyuricurca.

GÉNESIS 1:2 Iomraidhean Croise

JOB 26:14

Cai rurashcacunaca callaricunallami. Paimantaca asha ashallatami uyanchij. C'ulun nichij paipaj jatun podertaca ¿pitaj alli yachai tucungari?” nircami.

JOB 26:7

Paica jahua pachataca huairapimi churarca. Cai pachatapish imapi mana huarcurcachu.

JOB 38:9

Ñucami yacutaca p'uyuhuan tapachircani. Paitaca amsahuanmi chumbillichircani.

JOB 41:32

Paica yacupi huambushpapish, yurajlla puscuta rurashpami purin.

SALMOS 104:30

Quiquin espirituta cachajpica, cutin mirarinllami. Chashna rurashpami allpapica causaiyuj mushujcunata jundachingui.

SALMOS 104:6

Cai pachataca churanahuan shinami jatun yacuhuan pilluchircangui. Yacucunaca urcucuna jahuatami carca.

SALMOS 136:6

Cai pacha allpata yacu jahuapi churajta alabaichigari. Pai llaquij canaca huiñaipajmari.

SALMOS 148:7

Mandaj Diostaca cai pachamanta alabaichigari. Mama cuchapi causaj manchanana animalcuna, ucujman caj yacucuna paita alabaichigari.

SALMOS 33:6

Mandaj Diosca rimashcallahuanmi jahua pachacunataca rurarca. Chaipi imalla tiyajcunatapish p'ucushpallami rurarca.

PROVERBIOS 8:24

Mama cuchapish, allpa ucumanta llujshicuj yacucunapish manaraj tiyajpimari, ñucamanraj causaita cuhuarca.

ISAÍAS 31:5

Pajarocuna paicunapaj tazinta cuidashpa tazin jahuata muyucujlla shinami tucuita Mandaj Diosca Jerusalentaca cuidashpa, huaquichishpa, mitsashpa quishpichinga” nircami.

ISAÍAS 45:18

Jahua pachata ruraj Mandaj Diosmi chashna nin. Cai pachata ruraj. Ima shinalla canapi churaj Diosmi paica. Paica cai pachataca mana yanga tiyachun rurarcachu, runacuna causachunmi rurarca. Ñucami Mandaj Dios cani, shujtajca mana tiyanchu.

JEREMÍAS 4:23

Cai llajtata ricujpica, chushaj allpallami ricurirca. Jahua pachata ricujpipish, amsallami carca. Ima achijyachij mana ricurircachu.

NAHUM 2:10

Chushajlla, huañucuj, llaquinayajmari saquirishca. Shungupish huañushcamari. Cunguri mucucunapish chujchucunmari, huijsatapish nanachicunmari. Ñahuicunapish quillu quillumari tucushca.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

DEUTERONOMIO 32:11

Aguila paipaj tazin jahuata purishpa paipaj huahuacunata jatarinata yachachij shinami, Mandaj Diosca alasta chutashpa paipaj pluma jahuapi apamurca.