GÉNESIS 1:16 - Dios Rimashca Shimicunami

¹⁶ Taita Diosca ishqui jatun achijyachijcunatami rurarca. Jatun achijyachijtaca punllata achijyachichun. Uchilla achijyachijtaca tutata achijyachichunmi rurarca. Luzerocunatapish rurarcami.

GÉNESIS 1:16 Iomraidhean Croise

GÉNESIS 1:15

Chaicunaca jahua pachamanta cai pachata achijyachijcuna cachun” nircami. Chaica chashnami saquirirca.

JOB 31:26

Inti achijlla llujshijpipish, mana chaita chapashcanichu. Luna sumajta achij nicujtapish, mana chaipi ñahuita churarcanichu.

JOB 38:7

Pacarij luzerocuna tucuicuna alabacujpi, Diospaj churicunapish tucuicuna cushicucujpica ¿maipitaj carcangui?

SALMOS 148:3

Intipish, lunapish alabaichigari. Achij nicuj tucui luzerocunapish, alabaichigari.

SALMOS 148:5

Mandaj Diospaj shutitaca alabaichigari. Pai mandajpimi tucui imapish rurarirca.

SALMOS 19:6

Paipaj llujshinaca caishuj lado cielo c'uchumantami. Pai chayanaca caishuj lado cielo c'uchumanmi. Paipaj t'itaimantaca ¿pitaj miticungari?

SALMOS 74:16

Punllapish quiquinpajmi tutapish quiquinpajllatajmi. Quiquinmi lunatapish intitapish churarcangui.

SALMOS 8:3

Jahua pachata ricushpaca cambaj maquihuan rurashcatami ricuni. Lunata, luzerotapish can rurashcata ricushpami,

ISAÍAS 13:10

Chashna llaqui cajpica jahua pacha uchilla luzerocunapish, uchilla luzerocunamanta achijyachicuj jatun luzerocunapish mana achijyachingachu. Intipish pacarijpi llujshicushca manaraj unipimi amsayanga. Lunapish lamyachina illajllami canga.

ISAÍAS 24:23

Tucuita Mandaj Diosca Sión urcupi caj Jerusalenpimi mandacunga. Pai agllashca cunaj yuyajcunapaj ñaupajpimi achij nicuj mandacunga. Chaipica lunaca pingai tucungami. Intica musparingami.

ISAÍAS 40:26

Cancunapaj ñahuihuan huichilla ricuichigari. Tucui caicunata pi rurashcata ricuichigari. Jahuapi ima tiyajcunataca paimi tucuita yupashpa maita rina cashcata cachan. Tucui chaicunataca paicunapaj shutipimi cayan shujllapish mana illangachu. ¡Chashnami paica tucuita rurai tucuj, tucuita mandai tucuj!

ISAÍAS 45:7

Ñucami luztapish callarichij cani. Ñucami amsatapish callarichij cani. Sumaj causaitapish ñucami cuni. P'iñanacuitapish ñucami callarichini. Tucui chaicunata rurajca pi shujtaj mana tiyanchu. Mandaj Dios ñucami tucui chaicunata rurajca cani.

JEREMÍAS 31:35

Mandaj Diosca punllata achijyachichun intita churajmi, tutaca achijyachichun lunata, luzerocunata mandajmi, mama cucha yacucunata jatarichishpa manchanayajta huajiachijmi. Paica tucuita Mandaj shutimari. Paica cashnamari nin:

HABACUC 3:11

Intipish, lunapish paicuna causanapimi shayarircacuna. Cambaj puntajlla caspicuna achijyachijpi, cambaj achij nicuj lanza achijyachijpimi purircacuna.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Mateo 27:45

Chaupi punllamanta, quimsa horas chishicamami tucui cai pacha amsayarca.

1 Corintios 15:41

Intica shuj shinami achijyachin, lunapish shujtaj shinami achijyachin, luzerocunapish shujtaj shinami achijyachin. Shuj luzeroca, caishuj luzeromanta ch'icanmi achijyachin.

DEUTERONOMIO 4:19

Jahua pachata huichilla ricushpapish intita, lunata, luzerocunata, tucui ima tiyajcunatapish ñataj paicunata cungurina yuyaita japishpa paicunapajta ruranguichijman. Chaicunataca Mandaj Dios cancunapaj Taita Diosmi tucui cai pachapi causajcunapaj rurarca.

Apocalipsis 21:23

Dios sumaj cashcahuan achijyachijpi, Ovejapish paillataj achijyachij luz cashcamantaca intitapish lunatapish chai puebloca ña mana minishtinchu.