GÉNESIS 1:14 - Dios Rimashca Shimicunami

¹⁴ Chai q'uipaca Taita Diosca cashnami nirca: “Jahua pachamanta achijyachishpa punllatapish, tutatapish ch'icanchij tiyachun. Chaicunaca ima quillacuna, ima punllacuna, ima huatacuna cashcatapish ricuchijcuna cachun.

GÉNESIS 1:14 Iomraidhean Croise

GÉNESIS 1:13

Punllandij tutandijmi shuj punlla tucurca. Chashnami quimsa punllapica saquirirca.

GÉNESIS 1:15

Chaicunaca jahua pachamanta cai pachata achijyachijcuna cachun” nircami. Chaica chashnami saquirirca.

GÉNESIS 8:22

Cai pacha tiyashcacamaca tarpui punllacunapish, cozicha punllacunapish manataj illangachu. Chiri punllacunapish, rupaj punllacunapish tiyangami. Tamya punllacunapish, usya punllacunapish tiyangami. Punllapish tutapish tiyangami” nircami.

GÉNESIS 9:13

Ñuca cuichitami jahua p'uyupi churani. Chai cuichimi cai pachapi causajcunapaj ñuca rurasha nishpa ari nishcata ricuchijca canga.

JOB 25:3

¿Paipaj soldadocunaca yupai tucuipajchu? ¿Paipaj luzca maijanpaj jahuapica, manachu achijyachicunga?

JOB 25:5

Riqui, paipaj ñaupajpica lunapish manamari achijyachij cangachu, luzerocunapish manamari mapa illaj cangachu.

JOB 3:9

Pacarij luzerocunapish amsayashca cachun, achijyachijta shuyacujpipish, amataj achijyashca cachun. Pacarishpa achijyachishcallapish amataj ricurishca cachun.

SALMOS 119:91

Tucui imalla tiyajcunapish, quiquin mandashcapimi cunancama tiyacun. Tucui chaicunami quiquinpajta ruracuncuna.

SALMOS 148:3

Intipish, lunapish alabaichigari. Achij nicuj tucui luzerocunapish, alabaichigari.

SALMOS 148:6

Tucui imatapish huiñai huiñaipaj cachunmi rurarca. Mana p'aquipaj mandashcatami churarca.

SALMOS 150:1

Taita Diostaca paipaj huasipi alabaichigari. Paipaj sumaj jahua pachapi alabaichigari.

SALMOS 81:3

Mushuj lunapi trompetapi tocaichigari. Luna jundai punllapipish tocaichigari. Ñucanchij jatun fiesta punllapipish tocaichigari.

ISAÍAS 40:26

Cancunapaj ñahuihuan huichilla ricuichigari. Tucui caicunata pi rurashcata ricuichigari. Jahuapi ima tiyajcunataca paimi tucuita yupashpa maita rina cashcata cachan. Tucui chaicunataca paicunapaj shutipimi cayan shujllapish mana illangachu. ¡Chashnami paica tucuita rurai tucuj, tucuita mandai tucuj!

JEREMÍAS 10:2

Mandaj Diosca cashnami nin: “Caishuj llajta runacuna ima rurashcataca ama catichijchu. Jahua pachapi ima ricurijpipish, ama caishuj llajta runacuna shina manchaichijchu.

JEREMÍAS 31:35

Mandaj Diosca punllata achijyachichun intita churajmi, tutaca achijyachichun lunata, luzerocunata mandajmi, mama cucha yacucunata jatarichishpa manchanayajta huajiachijmi. Paica tucuita Mandaj shutimari. Paica cashnamari nin:

JEREMÍAS 33:20

“Ñuca, Mandaj Diostajmi cashna nini: Ñucaca punlla canapitaj punlla cachun, tuta canapitaj tuta cachunmi mandashpa churarcani. Chaitaca cancuna shujtajyachishpa, punllataca tuta canapi, tutataca punlla canapi churajpica,

JEREMÍAS 33:25

Ashtahuanpish ñucaca cashnami nini: Punllapish, tutapish ñuca mandashca shina mana tiyajpi, jahua pachapish cai pachapish ima shinalla tiyachun ñuca mandashca shina mana tiyajpica,

EZEQUIEL 46:1

Mandaj Jatun Diostajmi cashna nini: Ñuca huasi canllaman yaicuna inti llujshin ladoman caj punguca, sujta punllami canga. Ashtahuanpish samana punllapi, mushuj quilla punllapica pascaringami.

EZEQUIEL 46:6

Mushuj quilla punllapica, vacacunamanta malta c'ari huagrata, sujta malta c'ari ovejacunata, shuj carnerotapish ima mana tucushcacunata cuchun.

JOEL 2:10

Paicunata ricushpaca cai pachapish, jahua pachapish chujchungami, intipish, lunapish amsayangami, luzerocunapish ña mana achijyachingachu.

JOEL 3:15

Chai punllapica intipish, lunapish amsayangami, luzerocunapish ña mana achijyachingachu.

AMÓS 5:8

Pléyades, Orión shuti luzerocunatapish ruraj Diosta mashcaichij. Paica tutatapish achijyachinmi, punllatapish tutayachinmi. Paica mama cucha yacutapish mandajmi, paica chai yacutaca allpa jahuapi tsirapajmi. Paica Mandaj Dios shutimi.

AMÓS 8:9

Mandaj Jatun Diosca cashnapishmi nin: “Ñuca llaquichi punllapica, intipish chaupi punllapi ña mana achijyachingachu. Achij punllatami cai pachataca amsayachisha.

Mateo 2:2

–Judiocunata mandangapaj huacharishca huahuaca ¿maipitaj canga? Pai huacharishcata ricuchij lucerotami inti llujshin ladopi ricurcanchij. Chaimi paita adorangapaj shamurcanchij– nishpa tapurcacuna.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Marcos 13:24

Chai jatun llaqui punllacuna ña tucurijpica intica amsayangami, lunapish mana achijyachingachu.

Lucas 23:45

Intipish mana achijyachircachu. Taita Diospaj huasi ucupi jarcachishca linsoca, jahuamanta urimanmi chaupita lliquirirca.

DEUTERONOMIO 4:19

Jahua pachata huichilla ricushpapish intita, lunata, luzerocunata, tucui ima tiyajcunatapish ñataj paicunata cungurina yuyaita japishpa paicunapajta ruranguichijman. Chaicunataca Mandaj Dios cancunapaj Taita Diosmi tucui cai pachapi causajcunapaj rurarca.

Apocalipsis 6:12

Pichcapaj q'uipa sellashcata Oveja pascajpi ñuca ricujpica, cai pachapica jatunta allpa chujchushpami t'imburirca. Intipish llaquihuan cashpa churarina yanajlla churanata churarishca shinami tucurca. Shinallataj lunapish tucuimi, yahuar shina tucurca.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.

Apocalipsis 9:2

Chai ucujta jutcupaj punguta pascajpica, jatun hornomanta cushni llujshicuj shinami cushni llujshirca. Chai jutcumanta cushni llujshishpaca, intitapish huairatapishmi amsayachirca.