GÉNESIS 1:12 - Dios Rimashca Shimicunami

¹² Allpamantaca tucui laya q'uihuacunami huiñarca. Chaicunaca paicuna imata p'ucuna cashca shinallatajmi muyucunayuj granocunata p'ucurca. Yuracunapish huiñarcami. Chaicunapish paicuna imata p'ucuna cashca shinallatajmi muyuta charij micunacunata p'ucurca. Taita Diosca tucuitami alli cashcata ricurca.

GÉNESIS 1:12 Iomraidhean Croise

GÉNESIS 1:11

Chai q'uipaca Taita Diosca: “Allpamantaca verdijlla q'uihuapish, muyuta cuj q'uihuapish, granota p'ucuj tucui laya yuracunapish huiñachun. P'ucunatapish paicuna imata p'ucuna cashca shinallataj p'ucuchun, muyupish chaillamantataj llujshichun” nircami. Chaica chashnami saquirirca.

GÉNESIS 1:13

Punllandij tutandijmi shuj punlla tucurca. Chashnami quimsa punllapica saquirirca.

SALMOS 104:14

Paimi animalcunapaj q'uihuatapish huiñachin. Gentecunapaj granota p'ucuj q'uihuacunatapish paimi huiñachin. Chaicunamanta micunacunata rurachun,

ISAÍAS 61:11

Ima shinami allpaca muyuta tarpujpica mushujta huiñachin, huertapi tarpujpipish ima shinami huiñachin, chai shinallatajmi Mandaj Jatun Diosca paicunataca tucui llajtacuna ricucunpi cashcata rurajcunata, paita alabajcunata ruranga.

Marcos 4:28

Allpapica muyuca huiñanllami: Puntaca alcacermi tucun, chai q'uipaca caspami tucun. Chai caspapimi granoca jundarin.

Lucas 6:44

Ima yura cajpipish, grano p'ucujpimi rijsinchij. Higocunataca mana casha yuramantaca tandanchu. Uvascunatapish mana zarza cashamanta tandanchu.

2 Corintios 9:10

Tarpuchun muyuta cuj, micunatapish caraj Diosllatajmi cancuna tarpushca chagratapish mirachinga. Cashcata ruranata tarpushcamantaca, paillatajmi ashtahuan mirachinga.

Gálatas 6:7

Ama umarichijchu. Diostaca pi mana chanzata rurai tucunchu. Maijan imata tarpujca, chaillatatajmi tandanga.

Hebreos 6:7

Cutin cutin tamyajpi yacuta tsupaj allpaca alli granotami p'ucuchin. Chaimantami chagrajcunaca Dios cushca allicunata japincuna.