GÉNESIS 1:11 - Dios Rimashca Shimicunami

¹¹ Chai q'uipaca Taita Diosca: “Allpamantaca verdijlla q'uihuapish, muyuta cuj q'uihuapish, granota p'ucuj tucui laya yuracunapish huiñachun. P'ucunatapish paicuna imata p'ucuna cashca shinallataj p'ucuchun, muyupish chaillamantataj llujshichun” nircami. Chaica chashnami saquirirca.

GÉNESIS 1:11 Iomraidhean Croise

GÉNESIS 1:12

Allpamantaca tucui laya q'uihuacunami huiñarca. Chaicunaca paicuna imata p'ucuna cashca shinallatajmi muyucunayuj granocunata p'ucurca. Yuracunapish huiñarcami. Chaicunapish paicuna imata p'ucuna cashca shinallatajmi muyuta charij micunacunata p'ucurca. Taita Diosca tucuitami alli cashcata ricurca.

GÉNESIS 1:29

Chai q'uipami Taita Diosca: “Riquichij, cancunamanca allpapi huiñashpa p'ucujmantaca muyuyashpa p'ucuj tucui laya granocunatapish, yurapi p'ucuj tucui laya granocunatapishmi cuni. Tucui chaicunatami micui tucunguichij.

GÉNESIS 2:16

Mandaj Taita Diosca chai runataca cashnami mandarca: “Cai huertapi tiyaj tucui yuracunapi p'ucushcacunataca micunguilla.

GÉNESIS 2:5

allpapica ima yuracuna manaraj tiyarcachu. Verdijlla q'uihuapish manaraj huiñarcachu. Mandaj Dios cai pachapi manaraj tamyachishcamanta, allpapi imata rurajpish manaraj tiyashcamantami chashna carca.

GÉNESIS 2:9

Mandaj Taita Diosca chai huertapica, micunanqui tucui laya sumaj granocunata p'ucuj sumaj yuracunatami huiñachirca. Shinallataj chai huerta chaupipica causaita cuj yuratapish, ima alli cashcata, mana alli cashcata yachaj chayachij granota p'ucuj yuratapishmi huiñachirca.

JOB 28:5

Allpallamantatajmi micunapish llujshin. Chai allpa ucupica rupacuj ninami tiyacun.

SALMOS 1:3

Chai runaca yacu uripi tarpushca yura shinami canga. P'ucuna punllacunapitaj p'ucuj shinami canga. Chai yuramantaca p'angacunapish mana urmanchu. Tucui imata pai rurashcapish allimi llujshinga.

SALMOS 147:8

Paica jahua pachata p'uyuhuan tapachijmi. Paica tamyata allpapaj allichijmi. Paica urcucunapi q'uihuata huiñachijmi.

ISAÍAS 61:11

Ima shinami allpaca muyuta tarpujpica mushujta huiñachin, huertapi tarpujpipish ima shinami huiñachin, chai shinallatajmi Mandaj Jatun Diosca paicunataca tucui llajtacuna ricucunpi cashcata rurajcunata, paita alabajcunata ruranga.

JEREMÍAS 17:8

Paicunaca yacu uripi tarpushca yura shinami canga. Yacu llujshicuj allpapi sapiyashca yuraca inti sinchita rupachijpipish, mana anguyanchu. Verdijlla p'anga shayacunllami. Tamya mana tiyai huatapish mana chaquirishpa, granota p'ucunllami.

Mateo 3:10

Ashtahuancarin hachatamari ña yuracuna sapipi churashca. Mana p'ucuj yuracunataca tucuitami p'itishpa ninapi shitanga.

Mateo 6:30

Q'uihuacunaca cunanca sumaj cashpapish cayaca hornopi rupanapajlla cajpipish Taita Diosca chashna sumajtami churachin. ¿Manachu cancunamancarin chaicunaman churachishcata yalli churachinga? Cancunaca ashallata crijcunamari canguichij.

Marcos 4:28

Allpapica muyuca huiñanllami: Puntaca alcacermi tucun, chai q'uipaca caspami tucun. Chai caspapimi granoca jundarin.

1 Corintios 15:38

Diosca pai munashca yuratami huiñachin. Ima muyuta cashpapish, chaitatajmi yurayachin.

Hebreos 6:7

Cutin cutin tamyajpi yacuta tsupaj allpaca alli granotami p'ucuchin. Chaimantami chagrajcunaca Dios cushca allicunata japincuna.

Santiago 3:12

Ñuca huauquicunalla, higo yurapish aceitunata, uva yurapish higocunataca ¿p'ucunchari? Shinallataj maijan pugyupish cachi yacuta, mishqui yacutaca mana cui tucunchu.