GÉNESIS 1:10 - Dios Rimashca Shimicunami

¹⁰ Maillapi chaquishca cajtaca “Allpatami” shutichirca, yacucuna tandanacushcataca “Mama Cuchatami” shutichirca. Taita Diosca tucuitami alli cashcata ricurca.

GÉNESIS 1:10 Iomraidhean Croise

GÉNESIS 1:4

Achijllataca alli cashcata ricushpami, Taita Diosca achijllataca amsamanta ch'icanyachun nirca.

SALMOS 104:31

Mandaj Dios quiquinpaj sumaj canaca huiñaipaj cachun. Mandaj Dios quiquinpaj rurashcacunapi cushicuyari.

SALMOS 146:6

Paimari jahua pachatapish, cai pachatapish rurarca. Mama cuchatapish, tucui chaipi imalla tiyajcunatapish paimari rurarca. Pai mana llullaj cashcataca huiñaipaj huaquichijmi.

SALMOS 33:7

Paimi mama cucha yacutapish montonashpa charin. Ucujman huaquichinacunapi churashpami charin.

SALMOS 95:5

Mama cuchapish paipajllatajmari, paimari rurarca. Chaquishca allpatapish paipaj maquihuanmari rurarca.

JONÁS 1:9

Chashna tapujpimi Jonasca: –Ñucaca hebreocunapurami cani. Jahua pachapi causaj Mandaj Diosta cazushpa causajmi cani. Taita Diosca cai pachatapish, mama cuchatapish ruraj Diosmi– nirca.

DEUTERONOMIO 32:4

Paica ñucanchij miticuna jatun Rumimari. Pai rurashcacunapica ima panda mana tiyanchu. Paipaj ñancunapish ima mana pandachu. Paica mana llullaj Taita Diosmi. Paipica ima millai mana tiyanchu. Paica cashcata rurajmi, imata mana pandajmi.