Gálatas 5:3 - Dios Rimashca Shimicunami

³ Maijanpish circuncisionta rurachijmanca, tucuicunamanmi cutin huillani. Paica tucui Mandashcatami pajtachinataj tucun.

Mushuj Testamento Diospaj Shimi

³ Cutintaj alli uyaichij: Pipish charishca aicha punta carata pʼitichishpaca, Mandashcapi nishcataca callarishpami, tucuita pajtachina tucun.

Gálatas 5:3 Iomraidhean Croise

NEHEMÍAS 9:34

Ñucanchij jatun mandajcunapish, llajtata mandajcunapish, ñucanchij curacunapish, ñucanchij yayacunapish quiquin Dios cushca mandashcata pajtachinapica mana yuyaita churashcacunachu. Quiquin cushca mandashcacunatapish, Dios ima shina cashca shina causachun nishcatapish mana uyashun nircacunachu. Tucui chaicunahuan rimashcatami mana uyashun nircacuna.

Mateo 23:16

Cancunaca ñahui mana ricuj pushajcunami canguichij. ¡Aij cancunalla! “Imata rurangapaj Diosta adorana huasipaj shutipi ari nishpaca, mana pajtachingapajpish rimanallami ninguichijmi. Imata rurangapaj Diosta adorana huasipi tiyaj curipaj shutipi ari nishpaca pajtachinatajmi” nishpami yachachinguichij.

Mateo 23:18

Cancunaca: “Imata rurangapaj altarpaj shutipi ari nishpaca, mana pajtachingapajpish rimanallami ninguichijmi. Ashtahuanpish altar jahuapi caj ofrendapaj shutipi ari nishpaca, pajtachinatajmi” nishpami yachachinguichij.

Lucas 16:28

Chaipica ñucaca, pichca huauquicunatamari charini. Paicunapish caitaj llaquimanca ama shamuchun, huillaj cachapai” nircami.

Hechos 15:1

Chai punllacunallatajmi Judeamanta maijan shamujcunaca Jesusta caticujcunataca: “Moisés mandashca shina circuncisionta mana rurachishpaca, mana quishpiri tucunguichijchu” nishpa yachachircacuna.

Hechos 2:40

Pedroca ashtahuan shujtaj shimicunahuan cunashpa yuyachishpaca: –Cai punllapi causacuj millaicunahuan, ama llaquichishca cangapajca llujshimuichij– nircami.

Hechos 20:21

Judiocunaman, mana judiocunamanpish mana allita ruracushcata saquishpa cutirichij, ñucanchijta Mandaj Jesucristota crichij nishpami huillacurcani.

Romanos 2:25

Mandashcata pajtachijpajca, circuncisionta rurashcapish allitajmari. Ashtahuanpish Mandashcata p'aquij cashpaca, canca mana circuncisionta rurachishca shinallatajmi cangui.

Gálatas 3:10

Mandashcapi nishcata rurashpa alli ricurishun nijcunaca, tucuicunami llaquichishca canapaj. Cashnami quillcashca tiyacun: “Mandashcata quillcashca libropi imalla tiyacujta tucuita mana pajtachijcunaca, llaquichinapajllatajmi” ninmi.

Gálatas 5:2

Ñuca, Pablotajmi cancunamanca cashna nini. Circuncisionta rurachijcunaca, Cristomantaca imata mana japingacunachu.

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

Efesios 4:17

Mandaj Jesuspaj shutipimi, caita nisha nini: Caishuj mana judiocuna shina ña ama purichijchu. Paicunaca, paicunapaj yanga yuyaihuanmi causancuna.

DEUTERONOMIO 27:26

Maijanpish cai mandashcacunata chaitataj tucuita mana pajtachijca llaqui tucushca cachun nijpica, tucuicuna: Chashnataj cashca cachun ninguichij.

DEUTERONOMIO 31:21

Paicunapajman jatun llaquicuna, llaquichijcuna shamujpica paicuna cantajpimi chai cantoca paicuna ima shina cashcamanta chashna cashcata ricuchinga. Paicunapaj huahua huahuacuna cantajpipish chashnallatajmi yuyachinga. Ñuca paicunaman cushatajmi nishca allpaman manaraj ñuca chayachishpa, paicuna chaipi cashpa ima shina yuyana cashcataca ñaupamanmi ñucaca ña yachani” nircami.

DEUTERONOMIO 8:19

Mandaj Diosta cungarij canaman chayashpa chai dioscunata catishpa paicunapajta ruraj tucushpa chaicunata cungurishpaca cancuna ima llaqui tucushpa chingarinatami huillani.

1 Tesalonicenses 4:6

Maijanpish paipaj huauquita umashpa imapipish ama llaquichichun. Ña cancunaman nishca, huillashca shinallataj chashna rurajcunataca Mandaj Jesusmi paicunatapish llaquichinga.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.