Gálatas 4:4 - Dios Rimashca Shimicunami

⁴ Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

Mushuj Testamento Diospaj Shimi

⁴ Ashtahuanpish ña punlla pajtajpimi, Taita Diosca Paipaj Churita cacharca. Paimi shuj huarmipi huacharirca. Pai huacharijpica, Mandashcaca Paitapish mandarcami.

Gálatas 4:4 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

ISAÍAS 48:16

Ñucapajman c'uchuyashpa caita uyaichij: Callarimantapacha pacallapica mana rimashcanichu. Tucuita callarichicushpapish chaipimi carcani. Tucui imalla tucucujpipish chaipimi cani” ninmi. Cunanca Mandaj Jatun Diosmi paipaj Espirituhuan ñucataca cacharca.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

JEREMÍAS 31:22

Sinchi shungu huarmilla, ¿ima horascamachari chashna uri huichi puricunguilla? Mandaj Diosca cai llajtapica mushujtamari ruragrin. Huarmica cusapaj c'uchupimi canga” ninmi.

ZACARÍAS 6:12

Chai q'uipaca, cashna ningui: Tucuita Mandaj Diosca cashnami nin: Retoñacuj yura shuti runaca, ñallami shamunga. Paica, quiquin sapillamantatajmi huiñanga. Paimi Mandaj Diospaj huasitaca shayachinga.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

NÚMEROS 28:22

Juchallishcamanta Mandaj Dioshuan alli tucungapajca shuj chivota cunguichij.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Mateo 3:15

Jesusca: –Shina cajpipish cunanca chaitaca saquishpa bautizaillari. Chashna rurashpami, Taita Dios mandashcataca tucuita pajtachishun– nijpimi Juanca bautizarca.

Mateo 5:17

Mandashcacunata anchuchingapaj, profetacuna quillcashcacunata anchuchingapaj shamushca canataca ama yuyaichijchu. Ashtahuanpish chai huillashcacuna pajtachunmi shamurcani.

Marcos 1:15

“Taita Dios mandanaca ñami c'uchuyamushca. Chai punllamari chayamushca. ¡Mana alli ruracushcata saquishpa, alli huillaita crichij!” nirca.

Lucas 1:31

Cunanca chichu tucushpa shuj c'ari huahuatami huachangui. Chai huahuataca, JESÚS shutita shutichingui.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Lucas 2:7

Pozana huasicunapi junda cajpimi, Mariaca punta c'ari huahuataca huagracuna shayana ucullapi huacharca. Chai huahuataca maitushpami ujsha jahuapi sirichirca.

Lucas 20:44

Davidllataj ñucata Mandaj nijpica, ¿ima shinataj paipaj churica cangari?– nircami.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 10:36

Ashtahuanpish cancunaca: Ñuca Yaya pai munashcata rurachun ch'icanchishpa cai pachaman cachashca cajtaca ¿maitataj Taita Diosta c'amijmi ninguichigari? Ñucaca pai cachashca cashpamari “Taita Diospaj Churimi cani” nircami.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Hechos 1:7

Chaimi Jesusca: –Chaitaca, ñuca Yayallami yachan. Cancunaca ima huata, ima punlla canata mana yachanachu canguichij.

Romanos 1:3

Chai alli huillaica Taita Diospaj Churi, ñucanchijta Mandaj Jesucristomantami huillan. Paica aichamantaca, Davidpaj huahua huahuamantami carca.

Romanos 15:8

Cashnami nini: Cristo Jesusca, circunsicionta rurashcacunata servingapajmi shamurca. Ñaupa yayacunaman cusha nishcata pajtachishpaca, Diosca mana llulla cashcata ricuchingapajmi chashna shamurca.

Romanos 5:6

Cristoca ñucanchijllataj mana quishpiripaj cajpimi, pai huañuna punlla chayajpica, Diosta mana rijsijcunamanta huañurca.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Romanos 9:5

Paicunaca callari yayacunapaj huahua huahuacunami. Aichamantaca paicunapurapimi Cristoca shamurca. Paica tucui ima tiyajcunapaj jahuapi caj Diosmi. Paitaca, huiñai huiñaita alli nishca cachun. Chaica chashnatajmi.

Efesios 1:10

Pai yuyarishca punllacuna pajtajpimi, jahua pachacunapi cajcunata, cai pachapi cajcunata, tucui ima tiyajta tandachishpa Cristopaj ucupi churanga.

Colosenses 2:14

Quillcashca mandashcatami ñucanchijca mana pajtachi tucurcanchij. Chaimantami debe cajpi quillcashca tiyacujta Cristota cruzpi clavashpa ñucanchij debetaca anchuchirca.

1 Timoteo 2:6

Paillataj curishpami, tucuicunata randishpa cacharichirca. Chaitaca Taita Dios rurasha nishca punlla pajtajpimi ricuchirca.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.

1 Juan 4:2

Diospaj Espirituhuan cajtaca caipi rijsichij: Jesucristoca runa aichayuj tucushpami shamushca nishpa huillajca, Diospaj Espirituhuanmi.