Gálatas 3:5 - Dios Rimashca Shimicunami

⁵ Diosca cancunaman Espirituta cushpami, cancunapurapica mancharinacunata ruracun. ¿Mandashcapi nishcata rurashcamantachu, mana cashpaca uyashpa crishcamantachu chashnaca ruracun?

Mushuj Testamento Diospaj Shimi

⁵ Espirituta cancunaman cushpa, milagrocunata rurachij Diosca, ¿imamantataj chashna rurashca canga? ¿Mandashcapi nishcata pajtachijpichu, mana cashpaca huillashcata uyashpa crishcamantachu chashna rurarca?

Gálatas 3:5 Iomraidhean Croise

Hechos 14:3

Shina cajpipish paicunaca Mandaj Jesuspi shunguta churashpami, mana manchashpa chai llajtapi huillashpa unicama saquirircacuna. Taita Diosca mana c'uyaipajta c'uyajmi nishpa huillajpimi, pi mana rurai tucuipajta, mancharinacunata rurachishpa Jesusca paicunata alli nicushcataca ricuchirca.

Romanos 10:17

Chashna cajpica crinaca huillashcata uyashcamantami shamun, chai uyashcaca Diospaj Shimimanta huillashcami.

Romanos 15:19

Diospaj Espiritupaj poder rurachijpimi poderyuj ricuchinacunata, mancharinacunatapish rurarcani. Chashnami Jerusalenmanta callarishpaca, tucui llajtacunapi Iliricocama Cristomantaca alli huillaita huillashpa jundachircani.

1 Corintios 12:10

Shujtajmanca milagrocunata rurajta, caishujmanca profeciata, chaishujmanca ima espíritu rimachicushcata agllajta, caishujmanca ch'ican ch'ican rimaicunata rimajta, caishujmanca chai rimaicuna imata nisha nishcata huillaj cachunpishmi cushca.

2 Corintios 10:4

Ñucanchijca mana cai pachapaj macanacunahuanchu macanacucunchij, ashtahuanpish Dios cushca imatapish rurai tucuj macanacunahuanmi jarcacuj pirca shinacunata urmachinchij.

2 Corintios 12:12

Apostoltaj cashcata ricuchingapajca cancunapurapica ricuchinacunata, mancharinacunata, milagrocunatapish mana p'iñarishpami rurarcani.

2 Corintios 13:3

Cristo ñucapi rimacushcata mashcajcunaca caipimi ricunguichij. Paica cancunahuanca mana irquichu, ashtahuanpish cancunapica poderyujmi.

2 Corintios 3:8

Espíritu rurachicunca ¿manachu chaitapish yalli achij nicuj sumaj canga?

2 Corintios 9:10

Tarpuchun muyuta cuj, micunatapish caraj Diosllatajmi cancuna tarpushca chagratapish mirachinga. Cashcata ruranata tarpushcamantaca, paillatajmi ashtahuan mirachinga.

Gálatas 3:2

Cancunamantaca caillatami yachasha nini: ¿Mandashcapi nishcata rurashcamantachu, mana cashpaca uyashpa crishcamantachu Espiritutaca chasquircanguichij?

Filipenses 1:19

Cancuna Diosta mañashcamanta, Jesucristopaj Espíritu ayudashcamanta alli cana cashcataca yachanimi.