Gálatas 3:2 - Dios Rimashca Shimicunami

² Cancunamantaca caillatami yachasha nini: ¿Mandashcapi nishcata rurashcamantachu, mana cashpaca uyashpa crishcamantachu Espiritutaca chasquircanguichij?

Mushuj Testamento Diospaj Shimi

² Cunanca, caillata cutichihuaichij: ¿Cancunaca, Mandashcapi imalla nishcata rurashpachu, mana cashpaca ñucanchij huillashcata uyashpa crishpachu, Diospaj Espiritutaca chasquircanguichij?

Gálatas 3:2 Iomraidhean Croise

Hechos 15:8

Tucuicunapaj shunguta rijsij Taita Diosca mana judiocunatapish chasquishcata ricuchingapajmi, paicunamanpish ñucanchijman shinallataj jucha illaj Espirituta curca.

Hechos 2:38

Pedroca: –Taita Diosman cutirichij, cancunapaj juchacunata perdonachun Taita Dios cusha nishca jucha illaj Espirituta chasquingapaj Jesucristopaj shutipi bautizarichij.

Hechos 8:15

Paicuna chaiman chayashpaca, jucha illaj Espirituta chasquichunmi, paicunamanta Taita Diosta mañarcacuna.

Romanos 1:17

Taita Diosca crijllapi justificaj cashcatami alli huillaica ricuchin. Crishcallapi catichun. Cashnami quillcashca tiyacun: “Crijpi justificashcamantami causanga” ninmi.

1 Corintios 9:21

Mandashcata mana charijcunahuanca, paicuna quishpirichunmi (Dios mandashca illaj ñuca mana cashpapish), Mandashca illaj shina tucurcani. (Ashtahuanpish Cristo mandashca ucupimi cani).

2 Corintios 11:4

Ñucanchij huillashca q'uipa, maijanpish Jesusmanta shujtaj shina huillaj shamujtaca sumajta uyanguichijllami. Espirituta chasquishca jahuamari, shujtaj espirituta chasquinguichij. Alli huillaita uyashca jahuamari, shujtaj shina huillashcatapish sumajta uyanguichij.

Gálatas 3:14

Abrahamman cushca allicunaca, Cristo Jesusmanta mana judiocunapajman chayachun, cusha nishca Espirituta, ñucanchijpish crishpa chasquichunmi chashna tucurca.

Gálatas 3:3

¿Yallitaj yuyai illajcunachu canguichij? Espirituhuan callarishca jahuachu ¿cunanca aichapi rurashcahuan ashtahuan alli cashun ninguichij?

Gálatas 3:5

Diosca cancunaman Espirituta cushpami, cancunapurapica mancharinacunata ruracun. ¿Mandashcapi nishcata rurashcamantachu, mana cashpaca uyashpa crishcamantachu chashnaca ruracun?

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.

Hebreos 4:2

Alli huillaitaca paicunaman shinallatajmi ñucanchijmanpish huillarca. Uyashpapish mana crishcamantami, chai uyashca shimica paicunapajca yangalla tucurca.

Hebreos 6:4

Maijancunaca Dios achijyachijpimi jahua pachamanta Dios cushca ima shina cashcataca yacharcacuna. Paicunaca Diospaj Jucha Illaj Espíritu cushcatapish chasquircacunami.

1 Pedro 1:12

Profetacuna chashna yuyacujpipish Diosllatajmi paicuna yachashun nicushcaca mana paicunapaj cashcata, ashtahuanpish ñucanchijpaj cashcata ricuchishca. Chai profetacuna huillacushcataca jahua pachamanta cachashca Jucha Illaj Espíritu huillachijpimi, alli huillaita cancunaman cunan huillacuncuna. Caicunataca jahua pacha angelcunapishmi yachaiman yuyacuncuna.