Gálatas 3:12 - Dios Rimashca Shimicunami

¹² Mandashcaca crishcamantaca mana shamunchu, ashtahuanpish: “Mandashcapi nishcacunata pajtachijcunallami causanga” ninmi.

Mushuj Testamento Diospaj Shimi

¹² Mandashcaca, crinamantaca mana imata ninchu. Ashtahuanpish: «Mandashcapi imalla nishcata pajtachijllami, pi cashpapish Mandashcamantaca causanga» ninllami.

Gálatas 3:12 Iomraidhean Croise

NEHEMÍAS 9:29

Quiquin cushca mandashcaman tigrachunmi rimarcangui. Ashtahuanpish paicunaca jatun tucushcallahuanmi junda tucurcacuna. Quiquin cushca mandashcacunatapish mana uyarcacunachu. Ashtahuanpish cashcata rurashpa mandachun cushca mandashcatapish p'aquishpami juchallircacuna. Chai mandashcacunaca pajtachijcunamanca causaita cunmi. Ashtahuanpish paicunaca quiquinpajta ruranatapish c'ariyashpa ch'ahuanyashpami mana uyarcacuna.

EZEQUIEL 20:11

Chaipimi ñuca quillcachishcacunataca, paicunaman curcani. Ñuca huillachishcacunata chaipi ricuchishpami, caicunata pajtachij runaca causangami nishpa yachachircani.

EZEQUIEL 20:13

Chashna yachachicujpipish, israelcunaca shitashca pambapimi ñucataca mana cazushpa c'ariyarcacuna. Ñuca quillcachishcapi nishca shinatajca mana purircacunachu, ñuca huillachishcacunatapish cungarircacunami. Chaicunata pajtachij runallami causanga. Ñuca cushca sanama punllacunatapish yangatami rurarcacuna. Chaimantami paicunataca p'iñarishpa, shitashca pamballapitaj llaquichishpa tucuchishami nircani.

LEVÍTICO 18:5

Ñuca chaitataj pajtachichun nishcacunata, mandashcacunatapish pajtachinguichij. Chai mandashcacunata pajtachijcunami causanga. Ñucami Mandaj Dios cani.

Mateo 19:17

Jesusca: –¿Ima nishpataj ñucataca alli ningui? Allica pi mana tiyanchu, shujllami tiyan, chaica Diosmi. Ashtahuanpish huiñai causaiyuj canaman yaicungapajca, Dios mandashcacunata cazui– nircami.

Romanos 11:6

Imata mana rurajpipish, mana c'uyaipajta c'uyashpami agllan. Rurashcacunamanta agllashca cajpica, mana c'uyaipajta c'uyashpa agllashca mana canmanchu. Rurashcacunamanta agllashca cajpica, mana c'uyaipaj cajpipish c'uyashcaca mana canmanchu. Chashna cajpica rurashcacunahuan mana c'uyaipajta c'uyaihuanca mana chai shinallatajchu.

Romanos 4:14

Mandashcata pajtachijcunalla japina cashcata japijcuna cajpica, crishcapish yangallami canman, Dios convidashallami nishcapish mana convidashcallachu canman.

Romanos 4:16

Chaimanta Dios cusha nishcataca, mana c'uyaipajta c'uyashpa cushca cachunmi, crijllapi pajtachin. Chaica Abrahampaj tucui huahua huahuacunapaj chashnataj cachunmi chashnaca pajtachin. Mana Mandashcata pajtachijcunapajllachu, ashtahuanpish Abraham crishca shina crijcunapajpishmi chashna pajtachin. Chaimantami Abrahamca tucui ñucanchijpaj yaya.

Romanos 7:10

Causaiman pushaj mandashcallatajmi, ñucataca huañuiman chayachicushca carca.